ياسلام الله عليكم

ياسلام الله عليكم

السلام عليكم ورحمة الله وبركاته

انا عضو جديد وجيت بدعوه من الاخ ناصر الشريف وانا لبيت الدعوه ..
وان شاء الله نفيدكم وتفيدونا .. وهذي قصيده عساها تليق بمقامكم ..

إليكم

ياسلام الله عليكم ياوجيه
عد قطرات المطر لا هملت

المنادي لا زهمنا بانجيه
والقدم صوب المنادي عجلت

جيت وآنا كل نايف معتليه
يوم كفي بالفعايل حصلت

حر واكفخ لا نظير ولا شبيه
هامتي بين الملا قد جملت

الوفي لو كان غالي باشتريه
خوّته تشرى ولو هي قد غلت

والردي بآسكتّه وادعس عليه
ماندور صحبتن قد فسلت

الشلي بآقدره والا السفيه
والله ان نعلي بخده حولت

جيت قاصد منتداكم ذا النزيه
يوم صفحاته من الشامت خلت

دام ناصر ياعرب مسؤل فيه
والله ان القاف مني مافلت

دعوتن منه تشرفني واليه
من خفوقي كل كلمه جلجلت

الموده جوف قلبي تكتسيه
والمشاعر يوم جيت اتفلفلت

جيت اشارك كل صقرن والتقيه
والبرد ويا الهماليل اقبلت

وسلامتكم جميع

المصدر: الملتقى الجماهيري للشاعر محمد بن فطيس المري