نبي نرسم غلا صادق مثل وضحى وابن عدوان

نبي نرسم غلا صادق مثل وضحى وابن عدوان

اذا ضاقت بك سنينك وصارت دنيتـك أحـزان
تذكر ربّـك الخالـق وقـل يـا ربـي الخيـره

وهو سبحانه المعطـي تعالـى ربـي الرحمـن
رحيم بخلقه ويكشف على قلوب البشـر خيـره

وداعا ً يا زمان الـذل والتخويـف والنكـران
وداعا ً يازمان الخـوف والطعنـات والحيـره



أنا لو قلت ابي أعشق تراني ياعـرب غلطـان
لأن بداخلـي معـدن اصيـل وحـان تغييـره


لأن العشق في حالة تجـرّد واختـلال ازمـان
وذاك العاشق الصـادق تعـب واختـلّ تعبيـره



تعبت من القصايد والتعابير وحـروف الجـان
وانا في داخل حروفي قصيـد احتـاج تفسيـره


تعبت اكتب عن الماضي وانا في حاضري إنسان
له اسمى واجمل حروفي ولـه قلبـي وتقديـره



له الماضي له الحاضر وانا له بالولـه سلطـان
اجل وشلون ماني لـه وهـو لاحـت تباشيـره


لفاني بعد ماصـرت لغرامـه طالـب وشفقـان
وحلفني أبد مـا تطلـع ابياتـي لأحـد غيـره



وانا عند آخر وعودي وهـذي آخـر القيفـان
ابي انسى القصيد وما يجي من شـرّه وخيـره


ولكن لي طلب عنده إذا ثـارت بـي الأشجـان
أبي يسمـح لدمعـات القصيـد تخلّـد السيـره



نبي نخلّد محبتنا ونصيـر اعجوبـة الأزمـان
ونكتب كل يـوم ابيـات بالعشـق وتصاويـره


نبي نرسم غلا صادق مثل وضحى وابن عدوان
ويكتب نايف حروفـك علـى دنيـاك تحذيـره


أحبك يا ملك روحي أحبـك يااجمـل الأوطـان
دعيـت الله يـدوم الحـب وتلـوّح غناديـره


ويلفي ضيفنا الثالث أميـر وأشجـع الشجعـان
ويبدا كوكب حروفـي عليـك يـزود تدويـره

المصدر: الملتقى الجماهيري للشاعر محمد بن فطيس المري