مرّت سنه .. مصافحه اولى ..

مرّت سنه .. مصافحه اولى ..

السلام عليكم ورحمة الله وبركاته

اسعد الله اوقاتكم بكل خير

نظرا لمحبتي في الله للأخ القدير / محمد بن فطيس ، فقد سجلت بالمنتدى بدون سابق دعوه من أحد

ويسرني ان اقدم لكم مصافحه اولى عسى ان تنال بعض استحسانكم ..

قصيدتي ( مرت سنه )

القصيده كتابيه :

مرّت سنه والقلب (مِحْرِمْ وصَايـم) = يِخيلْ بَرْقْ الوصـل حولِـك ويمّـكْ
أحيان جـوّه عَـجّ واحيـان غايـم = وحاديه وقته عـن مواريـد جمّـكْ
ميّت على شوفـك ومغـرم وهايـم = ودّه بقربـك ، و إيتمنّـى يضمّـك
وإن طعتنـي دامـه يـردّ النسايـم = (إلحق عليه) ان كان وضعه يهمـكْ؟
ما عاد يسمع فيـك ناصـح ولايِـم = اهـل الـدوادي و الكـلامْ المنَمّـكْ
انـا و عذّالـي مـا غيـر إنتزايـم = ولا أسمح لأحد منهم بكلمـه يذمّـكْ
وان قلت دلّونـي علـى حـلّ دايـم = قالوا لي: (إنسه والعوض بنت عمّكْ)
متى على الله يصبـح الحـظ قايـم = بقـدرة كريـم انـه عليّـه يلمّـكْ
بأمره .. يسوقك من يسوق الغمايـم = من بعد مانبدي على أبـوك وأمّـكْ
بالمال , وإن عيّوا , حَذفْنا العَمايـم = تجي معي لازمـك بأطـراف كِمّـكْ
نفـرح بجمعـة شملنـا و إنتلايـم = وننسى العذاب وكـل همّـي وهمّـك
كنّي بيوم (النصْرْ) وأنت (الغنايـم) = لاصِرت في بيتي .. بلحْمِك ودمّـك

مع تحيات اخوكم/ عبدالله بن طلال العتيبي

المصدر: الملتقى الجماهيري للشاعر محمد بن فطيس المري