إيييييه اشعليك

إيييييه اشعليك

(يابدر) حالي مثل ماتشوفها
خلني لحظات يرحم والديك

اترك لنفسي تبدّي حسوفها
ودّي آفضفض.. وأجّل مالديك

شفت لي بنت ٍ خذتني وصوفها !
من هنا مرت.. وانا كنت أحتريك

بنت لو جبنا اللغه وحروفها
مايوفّيها الكلام اللي يجيك!!

خارج المألوف في مألوفها
مارأت عيني لها ندّ وشريك

كن هذي الشمس فوق كتوفها
يوم طلّت.. نورها خطْر يعميك

به حدايق ورد في نفنوفها
وفي خطاويها عطور ٍ تنتشيك

كل بنت ٍ ما تقرّب.. خوفها
لاتضيع بلفتة ٍ من عين ذيك

وكلّ من قرّب قبل لايطوفها
ماسمعت إلا يقول: " إيييييه اشعليك "

لو تلد للناس .. من معروفها
ولو تهمّشهم.. طبيعي.. ماْيْخفيك

والرجل حتى مرتْه يعوفها
كني ادري فيه باللحظه هذيك

قال في نفسه وهمّ يلوفها:
"ماتقول اش معجلك الله يهديك"!!

يابدر لو شفت نقش كفوفها ؟
حاجتك ضيّعتها لو هي بيديك!

ودك إنك شي بين رفوفها
واحتمال تْطل في يوم وتبيك ؟

صدق لو يحصل كذا وتشوفها ؟
(مش حتئدر إنّك تغمّض عينيك)!!

ههههههههههههههههاي

المصدر: الملتقى الجماهيري للشاعر محمد بن فطيس المري