الشاعر ثامر شبيب وقصيده متعود اسهر معاها من 3لـ8

الشاعر ثامر شبيب وقصيده متعود اسهر معاها من 3لـ8

قصيده رائعه لشاعر المبدع ثامر شبيب شاعر الحزن

آسكت و خل السوالف للغلا و الحنان ..
آشتاق .. لا والله إلا آمووت لامن طرت

من قال وشلون حالك ؟! قلت طيب و زاااان
و آنا جروحي تزيد مع الزمن مابرت !

تخيل آنك كبير و لك معزه و شآآآن
إيدك على مدة الخيرات مبطي ضرت ..

لكن عرفت الليالي السود ، و الفقر بان : (
جارت لك آيام مامرت عليك و جرت ..

مكانك إللي قبل ملفى الرجاجيل كان
يمر دربه إدباك آقدامها مادرت ..

خلوك ضايق من الدنيا بنفس المكان !!
قدام عينك تشاهد / و الركايب سرت

بالضبط هذا شعوري يوم قفت عشان .....
تحضر زفافه عليها ! وليتها ماحضرت

آسف إذا قلت شي و حسسك بالهوان ؟!
كاسرني الحب مدري هي فيه كسرت ..

آبكي عليها و آنا ماني ردي و جبان
آنا آذكر آيامها مهما نست ماذكرت ..

متعود آسهــــر معااااها من 3 لـ 8
و تضيق و تزعل علي آن نمت ليل سهرت ..

و اللحين مدري من إللي فيه لياليه خااااان
آخير ماذكر كلام القلب وقت هجرت ..

مع السلامه ،، بـ حفظ الله ياعمري ( فمان )
( الله ) لو آن المصايب من بعدها كثرت ..

إن جاك منهو يقول الوقت ماله آمان ..
قول البشر للآسف باعت قلوب و شرت !

الناس متغيره ؟ ولا الزمان الزمان !
وجه الزمن ماغدرك .. الناس فيك غدرت !!!

شفني قبل كنت قاسي طبع / واللحين لان
سوالفي عنها صبرتها ،، ماصبرت !

نشرت قلبي قصايد من مكان لـ مكان
يمكن تحس بـ خطاها ؟ بالقصيد إن قرت ..


اتمنى لكم طيب المشاهده والاستماااع

المصدر: الملتقى الجماهيري للشاعر محمد بن فطيس المري

يعطيك العافيه

ذائقه جميله جدآ

ويكفي انها لشاعر ثامر شبييب