رد على الاخ موسى

رد على الاخ موسى

ياوجد حالي كل ما الوجد انوجد=هذي معاناتك وانا عانيتها

لا تنشد اللي لا استراح ولا استعد=حتى حياته ضايعٍ توقيتها

بالله يا موسى وش اهديلك بعد=حتى حروف الشعر فيك القيتها

الملك لله سعد من لله سجد=جتني حروف ابياتك وجاريتها

من جد فالدنيا يقال انه وجد=يكفيك يا موسى فقط حاكيتها

واللي زرع يا صاحبي والله حصد=والله يجازي حيها مع ميتها

وان كان تبغاها تباشر بالسعد=نجلب هوان القوم لا خصيتها

نفزع معك ونثور كبار العمد=بالطيب والا الغصب لا من شيتها

وان كان قصدك بالشعر تصنع عمد=صعب القوافي يا حلا تشويتها

والعبد من لله بالطاعه عبد=يوم الجمايل كلها ضويتها

المصدر: الملتقى الجماهيري للشاعر محمد بن فطيس المري

صوت وصدى جميل ،

تسلمون والله ،


وان كــان تبغـاهـا تبـاشـر بالـسـعـد
نجـلـب هــوان الـقــوم لا خصيـتـهـا
نـفـزع مـعـك ونـثـور كـبـار الـعـمـد
بالطيـب والا الغصـب لا مـن شيتهـا
وان كان قصدك بالشعر تصنع عمد
صعـب القـوافـي يــا حــلا تشويتـهـا

صدى رائع ، يسلم نبضك،،

الله يسلمك يا هباش ولا هنت على المرور

مدرسه ياناصر وملاحظتك في قمتها واعذرني على القصيدة
وعدم تركيزي على الاوزان ولاهان خوي والاستاذ هباش

اخوي ناصرالشريف
الله الله عليك وصح الله السانك ومو غريب عليك الابداع ياالمبدع قصيده رائعه كروعتك ويستاهل اخوي ابو مشهور وشهادتي فيكم مجروحه
ودي وتقديري

اخي العزيز موسى ابو مشهور صح

انا تلميذ من تلاميذ تواضعك والله لا يهينك على المساجلات المتواصله

تقبل تحياتي وخالص تقديري