دعيت شعري (مدونة محمد اليامي)

دعيت شعري (مدونة محمد اليامي)

بسم الله الرحمن الرحيم

والصلاة والسلام على اشرف الأنبياء والمرسلين

ارجو من الله العلي القدير ان يوفقنا لما يحب ويرضى

وان تنال مدونتي ( دعيت شعري ) استحسان الأخوه الأعضاء والزوار

سوف احاول جاهدا ان اقدم ما يجول في خاطري شعريا وهذا اجتهاد ولا يلام المرء بعد اجتهاده
المتصفح يتيح لي الفرصه لتقديم ذلك.
حضوركم وتشريفكم مدونتي يزيدني فخرا واعتزازاً.

اخوكم محمد اليامي

هاوي شعر

دعيت شعري وازعق الصوت عالي=اليوم يومك واسقي اجذور يباس
وجاني على مبغاه ماهو يبالي=سيل(ن) هدر وبفزعته يهزم الياس
يامرحباً يا شعر يا راس مالي=يا مرحباً مليون عل العين والراس
شعر(ن) كتبته لجل غالي وغالي=ماهو بشعر(ن) للخنى يلبس لباس

المصدر: الملتقى الجماهيري للشاعر محمد بن فطيس المري

يا مرحبا يا نور عيني ويا ضي

يامرحبا يا نور عيني ويا ضـي=نور دروبي واشرقت به حياتـي
لي جيت لي في ساعة ٍما بها حي=ادخل وشرف وسط قلبي وذاتـي
حرام ما تلقى بها صاحبي شـي=الا ان حبك ساكنـي يـا غناتـي
حبك هواي ودَمًي وصافي المـي=من غير حبك بزهم الموت ياتـي

زادت الأشجان

زادت الأشجان والقلب انقهر=بعدكم يازين ما شي (ن) يزين
تدمع العينين ويزيد الكدر=وقلبي المسكين يصرخ بالأنين
ياحسافه ماصعب ضروف الدهر=ماجلسنا لجل غيض الحاسدين
يازمان (ن) راح ولى واندثر=فيه مالآهات لوعة عاشقين
اسئل المحبوب ان كانه ذكر=كم تلاقينا على زين(ن) وشين

الى حبيبتي سهام
لازلت الصابر الوافي

سهام حبك بقلبي والطريق احدر=لي منبع القلب والشريان سيالي
انتي العزيزه وعقد مرصعه جوهر=وانا خذيتك كذا بالجمله الحالي
يازهرة الحـب لاتبكيـن فالمنظـر = حزين جـدد جروحـي اول وتالـي
ضربتي الجرح وازدادت جروح اكثر= صاحبك مثل الجمل حمـال لثقالـي
لاما اتؤوه ولو شق الحشـا معبـر = في الحب وافي ولا يكثر به اجدالـي
اشعلت ناري على قمة جبل واجهـر = سرَاية الليـل داعيهـم لمعمالـي
وانتي ارحبي وارحبي يازهرتي بنحر = كبش الغلا لك وبزعل كـل عذالـي

لي منتدانا سيدات(ن) وساده

لي منتدانا سيدات(ن) وساده=بهدي لكم شعري مزخرف وساده
اكتب شعر لوني طريح ال وساده=طاير بشعري كني املك جناحين
فرصه تجي وتروح وانا مجالي=خلو الشعر لي يوم هذا مجالي
الكون ربي خالقه في مجالي=سبحان ربي خالق الناس من طين
الغرب مشرك لو بدا ما بداله=واسلامنا لله مابه بداله
وعن حب طه والله ماني بداله=يا الله تثبتنا على الحق والدين
اخذتها من مشرقي لي غروبي=يبطون ما جوني ولاهم غروبي
العد عدي تمتلي به غروبي=صافي زلال(ن) ماعكر صفوته طين

العطا من كريم(ن) سخى كفه

العطا من كريم (ن) سخى كفه= مدها ماحسب لتكلافي
راعي الجود يديه ملتفه= بالكرم يوم بعض البشر غافي
عدي الي تبي عدي الزلفه= ماتلاقي سوى ماقف (ن) وافي
شيمتي عندك الطيب والعفه= مايقطع هدومه سوى الهافي
ماسئلتي علامه قصر طرفه= عن عيونك ولابه تلهافي
هل تكبر ولا حبك ابشفه= ايش به صلف صعب التصرافي
لي ذكرت العهد صابني رجفه= كيف اخون العهد والتحلافي
بكتم انفاس حبي على نزفه= لين تشرق على جوه الصافي
الحقيقة بصدري لها لهفه= تبغي اتبوح عن سري الخافي
بنتظر لين تدرين يالتحفه= بن حبيبك وزا راس مشرافي
مع سنين العمر وقفه ابوقفه= راقي الرجم كعب القدم حافي

نجمة الأرض

العيون كتاب والرمش الورق= والشفايف جمر كاسيها الحيا
كل وجنه تشتكي من هي الأرق=والخشم سيفا حكم هـ الأبريا
ان خجل من شي مايقطر عرق=لا حشا الا مسك طيب الاوفيا
لو يضيع النور للساري برق=من جبينه نور يشرق بالضيا
ولو يجي للحسن من حسنه سرق=ينحني في ذل مايحني ريا
يعجز السباح ويموت بغرق=قبل ياصل شطه افناه العيا
تسهر النجمات تنظر في أرق=نجمة(ن) بالأرض تمشي كبريا