الصيف00وسهيل00والطير ..

الصيف00وسهيل00والطير ..

لاوالله الا يالربـع دخّـن الصيـف
كـلٍ تبـع مشهـاه وانـا اهنـيّـا


اللي قصد لندن وباريس00 وجنيف
واللي عن اسفـار الطييايـر عيّـا


اما جلس في الدار كهرب وتكييّـف
والا استكـن ابظـل00والا تفـيّـا


برجوا اسهيل الله يحييّـه لا شيـف
فـي طلعتـه كنّـه جميـل المحيّـا


طال الركـود بطايـلات المواقيـف
(عمّاش)مـع(هـذّال) ذيّـا00وذيّـا


عقب الفضا وامعانق الغيم بالكيـف
علـى الوكـور وحالهـا هالسويّـا


الريـش طايـح مابقـى الاتناتيـف
تمللـت لـوهـي شباعـا00وريّـا


يعيضنا00ويعيضها خالـق الطيـف
تطرب 00ونطرب بالقنـص لاتهيـا


نتعـب عليهـا وانتحمّـل تكاليـف
هي غيّنـا لا صـار للنـاس غيّـا


هذا الهوا 00 ياعارفين المعاريـف
هذا الهوا ياراعـي الصنـف هيّـا


سوجة نفس00 خوة نشاماً مشاغيف
على القنص00وايضا رجال الحميّـا


مثل الحرار اللي تـرب المشاريـف
يرهون فـي كـل المراجـل ارهيّـا


اخلاقهم ما هـي تصنّـع وتزييـف
الله لهـم لا جـاو حيّـا 00 وبيّـا

المصدر: الملتقى الجماهيري للشاعر محمد بن فطيس المري

الله الله
لاهنتي ياانثى بشموخ القبايل على النقل
وصح الله لسانك ولسان شاعرها ابن فطيس

يعيضنا00ويعيضها خالـق الطيـف
تطرب 00ونطرب بالقنـص لاتهيـا

الله يعيضك بكل ماهو طيب يابو حمد


صح لسان ابو حمد


ولاهنتي يالغاليه

والله يعطيك الف عافيه


مشكوووره انثى

لآهنتوا ع مروركم الغالي ..

الله الله , صح الله ألسانك يـ أبو حمد
وعافاك ربي مشرفتنا ع الإنتقاء .

لاهنت ِ ..

ولآهـآن غـآليـك ..

رائعه كعادتك


لاهنتي يالغاليه على تميزك

لك أحترامي

ولآهنت ع التشرريف ..

آنثىبشموخ القبايل

اشكرك على النقل

وصح الله لسانك

ولسان شاعرها ابن فطيس

العفو ولآهنت ع المرور ..