ااسبغت حب ك

ااسبغت حب ك

قوًست نظرات عيني همي الطاغي=يوم في عيني مصير وفالجسد عله

ثم قلب بدع المثايل شاشة ادماغي=بالريموت اللي تولا القلب واحتله

كل شي اهواه غير الفاتنه لاغي=بهذلت عقلي وشلت خافقي كله

طشيت لجل المباسم رفعة شماغي=يا ليت لي من ثنايا الفاتنه دله

الظلم باغي وحب الفاتنه باغي=والبغي محظور حسب الدين والمله

بعير قلبي على فرقاكم يراغي=مسكين من ضيع احساسه ولا دله

العقل ما هو معي يوم البصر زاغي=من عقب ما شاف بدرٍ ما حد يمله

اسبغت حبك بقلبي لاحظ اسباغي=ما ينقضه شي في ذا المجتمع لله

اهرج وسمعي على ما تلفظه صاغي=لو تطلب العرش ناصر لجلك يشله

وانا معي صوت لجلك دايم يناغي=صوت العصافير واخلي العمر فله

من عقب صوت الرغا قد قلبي يثاغي=عود بعير الهوا عنزٍ قبل حله

والسبه اللي عشق ضيمي ودرباغي=راح وهجرني وانا اتمنى ولو طله

المصدر: الملتقى الجماهيري للشاعر محمد بن فطيس المري

صح الله لسانك ياناصر وبيض الله وجهك .. قصيده جزله وانت هكذا دائما .. القافيه صعبه وجرسها الموسيقي جميل جدا .. تسلم يمينك ياناصر .. تقبل تحياتي

صح الله لسانك ياناصر
جزل وافي ومبدع ابداع
لاعدمنا هالابداع

صح لسآنك أخي نآصر الشريف
نص جزل من شآعر جزل

تحيتي لك

صح لسانك ياناصر
شاعر جزل ولك حضور مميز
وقصيدة في قمة الروعة استمتع في قراءتها
تقبل مروري وتقبا خالص التحية

ناصر بيض الله وجهك
وانت دوم مبدع وجزل
لاهنت على القصيده
وربي يحفظك

صح الله لسان اخوي الشاعر ناصر

بيض الله وجهك على النص الرااائع والكبير

رغم صعوبة العجز الا انك اجدت في الاسترسال


لك ودي

لو*تطلـب*العـرش*ناصـر*لجلـك*يشلـه



أخ ناصر. شاعر ولايختلف على شاعريتك اثنين.

لكن أي عرش اللي بتشله ؟؟ .

صح بدنك يا امير

ووجهك ابيض والله لا يهينك على المرور الجميل

والاطراء الرائع

تقبل تحياتي وخالص تقديري

اخوي ناصرالشريف
الله الله عليك وصح الله السانك قصيده جزله من شاعر جزل ومو غريب عليك الابداع يامبدع
ودي وتقديري