فاااااااااايد

فاااااااااايد

البارحه عيني تزايد قذاها=من علة فالروح تقبل وتقفي

والكبد زاد اليوم منسوب داها=من عقب فايد دمع عيني يهفي

شيهانة قرناس تطوي مداها=في طلعها تبري النواظر وتشفي

تشفي قلوب زاد فيها عناها=وقع الوحش في جنبها ما يكفي

اقفت ورا طير الولع في سماها=وانا على الجنبين اناظر لحتفي

يا صاحبي ماني محصل شراها=من عقبها جمر الغضى فوق كفي

حلقي تقطع والسبب من نداها=وايضا على الملواح قد راح كتفي

عيني تعاف النوم تبغى دواها=والنار جوف الروح تلهب وتسفي

من فوق جيبٍ رحت اطارد وراها=والحظ شين وضيم الايام مخفي

ذكرا هددها في خيالي رعاها=يا فايد ارجع ما مضى اظن يكفي

يا من يبشرني وينقل نباها=راح العقل معها وضيعت نصفي

عسى طيور الكون والله فداها=اصبح علي الصبح من دون لا اغفي

فجحا وحرشا صافيه من يراها=ما لامني فيها ولا لام طرفي

المصدر: الملتقى الجماهيري للشاعر محمد بن فطيس المري

يسعدني اول من ارد عليك قصيده محسوبه

تحياي وشكري وبنتظار المزيد

طماع

قصيدة

فيها التناسق والتصوير وروعة المفردة

وملامسة الخفوق بما تضمنت من فكرة

سمت بالمشاعر الى تصويرها والسج بها

في رسمة ذات ابداع وخلط الوانها

ممزوجة بالثقافة الشعرية وإقحامها في الوان الرسمة اللتي من خلالها انبثت صطور القصيدة


راق لي ما قدمت تبقى كبير بما تقدم صح لسانك مدد بلا عدد

الاخ العزيز مبارك الشمري

صح بدنك والله لا يهينك على المرور الرائع والجميل

تقبل تحياتي وخالص تقديري

ناصرالشريف
الله الله عليك وصح الله السانك مبدع كعادتك قصيده بقمه الجمال لاخلا ولا عدم
ودي وتقديري

حلقي تقطع والسبب من نداها
وايضا على الملواح قد راح كتفي

اسين عليك من الوجع .. والله يرجع فايد لك بالسلامه .. قصيده جزله والجزاله لا تفارق نصوصك اخي ناصر .. تقبل خالص ودي ..

اخي العزيز عبد الله السفياني

اشكر لك مرورك الرائع والاطراء الجميل

صح بدنك والله لا يهينك تقبل تحياتي وخالص تقديري

روووووعه ياناصرشاعركعادتك شاعرفي ابداعك ومتميز جداجداجدا ولاهنت ياراس المطاليق لاهنت

الصقر الجارح لا هنت

وصح بدنك وتسلم على المرور المتواصل

والاطراء الرائع تقبل تحياتي وخالص تقديري

ما فيك حيلة يا ناصر مميز الى الابد