اللي يبيني يبشر القلب مفتوح

اللي يبيني يبشر القلب مفتوح

الوقت يمضي والزمن يهـدي جـروح
والآدمـي مـا بيـن وهـم وحقيقـه

واكبر جروحـ( ن) تجعل القلب مذبوح
جرح الرفيق اللي بطش فـي رفيقـه

تدري بسيطة مسألـة وقـت ويـروح
تتبدّل أحزانـي فـرحْ عقـب ضيقـه

لا تحسبنّـي عقـب فرقـاك بانـوح
لا والله إلا العـز فيـنـي سليـقـه

هذي كرامة ما بها ضحـك ومـزوح
يبطي سفيـه العقـل مـا بَـلْ ريقـه

اللي يبينـي يبشـر البـاب مفتـوح
واللي جفانـي يـا عسـاه بحريقـه

لكن طلبتـك قبـل لا قـول مسمـوح
بعلـمـك درس الحـيـاة بدقيـقـه

خلّك وفيـ(ن) طيب القلـب مشـروح
تكسـب محبّـة واحتـرام الخليـقـه

واصحى الحسد والحقد من قلبك يفوح
ايحمّلـك يـاهـوه مــالا تطيـقـه

خوّة رجال العز تبنـي لـك صـروح
ولاّ ردي القـوم حــذرى رحيـقـه

اليوم طارح باكـر تصيـر مطـروح
والآدمـي يلبـس ثيـاب(ن) تليقـه

ولاّ اختصار الهـرج كلـه وبوضـوح
فتّـح سموعـك سجلـه بالوثيـقـه

إن كان صار القـرد بالعيـن مملـوح
الله يهـنـي الصـديـق بصديـقـه

لا ناقص(ن) عمري ولا فاقد(ن) روح
الله يسـهـل للحبـيّـب طـريـقـه

ماني وربـي عقـب فرقـاك بانـوح
دام الكـرامـة والمـعـزّة سليـقـه
اللي يبينـي يبشـر القلـب مفتـوح
واللـي يـروّح يـا عسـاه بحريقـه

عبدالرحمن الحربي

المصدر: الملتقى الجماهيري للشاعر محمد بن فطيس المري

بيض الله وجهك لين تموت والله يعطيك العافية يا ولد نجد وتسلم

يداك على نقلك للقصيدة الاكثر من رائعة وجعلك تسلم

اقتباس:
المشاركة الأصلية كتبت بواسطة مخاوي الدروووب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
بيض الله وجهك لين تموت والله يعطيك العافية يا ولد نجد وتسلم

يداك على نقلك للقصيدة الاكثر من رائعة وجعلك تسلم

ووجهك ابيض مخاوي
كل الود والتقدير

ماشاء الله اختيار رائع
تسلم ولد نجد الله يحفظك يارب

اقتباس:
المشاركة الأصلية كتبت بواسطة الماسـه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ماشاء الله اختيار رائع
تسلم ولد نجد الله يحفظك يارب

الماسه اسعدني مرورك
كل الود والتقدير