مديت كف الوفـآ واشبعت خآينها ..!

مديت كف الوفـآ واشبعت خآينها ..!

بسم الله الرحمن الرحيم

/
/
/
/
/

في خاطري يافهد كلمـة ودوّنهـا
دآيم على بالـي المرتـاب لجّاجـه

الناس ماتعـرف الا مـن معادنهـا
والا ليا من دعاها طاري الحاجـه

مديت كف الوفا واشبعت خاينهـا
حررت وجه الفرح من علة سيآجه

دنيا الوفآ يافهد محـدن بصآينهـا
شفها كسيرة جهد عرجا ومنعاجـة

تشكي لي احوال ناسن مادرت عنها
.تشبه ضجيج البحر لاثارت امواجه

إليا متى تشتكي الدنيا ! واطمنهـا
وانا ادري ان الوفآ ماحْلْ مزلاجـه

كف الوفآ يافهد وش فادنا منهـا
الطيب قفّا وبآن اليـوم معراجـه

ناسن إليا جا لزومـك ماتعينهـا
واولهم ان جا لزومه ولع سراجـه

يآتيك عاني من الحاجة وضامنهـا
يجفآك لاعيـن الفرجَـة ومخراجـه

ناس عجيبة ! غريبة فـي مكامنهـا
لا بد نصلا لهيييب الناس ونواجـه

لديت عيني على القمرا وآعاينهـا
الجرح جرحي وربي كافل علاجـه

والضيقة اللي لفت والله ما بيّنهـا
لاطال ضيق الصدر يامقرب افراجه

والغلطة اللي تجي ملـزوم ندفنهـا
لجل انتحاشا زمان الغبن واحراجـه

نويت ابرقا نجوم العـز واسكنهـا
واعمّر ابرآج قلبن فآقـد ابراجـه

والا انت ياللي قشاش القاع تدمنها
الطيب بابٍ صعيب اليوم ميلاجـه

أخوكم - م ح م د

المصدر: الملتقى الجماهيري للشاعر محمد بن فطيس المري

بن صياح .... نص مافيه حيله ......ابدعـــــت

.صح لسانك..... ولاهنت ...ابيات من الواقع .

مما لامس احساسي ...

والضيقة اللي لفت والله ما بيّنهـا
لاطال ضيق الصدر يامقرب افراجه

الغلطة اللي تجي ملـزوم ندفنهـا
لجل انتحاشا زمان الغبن واحراجـه

نويت ابرقا نجوم العـز واسكنهـا
واعمّر ابرآج قلبن فآقـد ابراجـه

تستاهل التقييم .


تحياتي .

اقتباس المشاركة الأصلية كتبت بواسطة الهــــــــوى بن صياح .... نص مافيه حيله ......ابدعـــــت .صح لسانك..... ولاهنت ...ابيات من الواقع . مما لامس احساسي ... والضيقة اللي لفت والله ما بيّنهـا لاطال ضيق الصدر يامقرب افراجه الغلطة اللي تجي ملـزوم ندفنهـا لجل انتحاشا زمان الغبن واحراجـه نويت ابرقا نجوم العـز واسكنهـا واعمّر ابرآج قلبن فآقـد ابراجـه تستاهل التقييم . تحياتي .

الهوى - يامرحبابك ويسعد صباحك
حضورك هو قصة الابداع - صح بدنك
ولاخلا ولاعدم ..

م ح م د

صح الله لسانك يابن صياح .. ماشاء الله تبارك الله انت تمتلك شاعريه فذه .. وربي اني اقرأ القصده وانا اقراها احرك ايدي هههههههه لا تلومني تفاعلت معها .. نص ثري مكتوب بماء من ذهب
يكفيك هذا البيت

لديت عيني على القمرا وآعاينهـا
الجرح جرحي وربي كافل علاجـه

اقتباس المشاركة الأصلية كتبت بواسطة أمير الشريف صح الله لسانك يابن صياح .. ماشاء الله تبارك الله انت تمتلك شاعريه فذه .. وربي اني اقرأ القصده وانا اقراها احرك ايدي هههههههه لا تلومني تفاعلت معها .. نص ثري مكتوب بماء من ذهب يكفيك هذا البيت لديت عيني على القمرا وآعاينهـا الجرح جرحي وربي كافل علاجـه

يامرحبا يالامير ابن الامير
شرف كبير لي حضورك وتعليقك
شهادة فخر لي أنا شخصياً
صح بدددمنك ولاهنت

م ح م د

صح لسانك
نص جميل للغايه
مبدع ياغالي لاعدمتك

اقتباس المشاركة الأصلية كتبت بواسطة عانيت بسكات صح لسانك نص جميل للغايه مبدع ياغالي لاعدمتك

صح بدنك
والأجمل حضورك
لاهنت

م ح م د

اووووووووووووهـ يابن صحياح ماعاد خليت لشعر بعدك شكوى كل شي اشتكيت منة والية (مزوح حبيبي)بس الواضح في شعرك معانات الرجل صدقني وربي مايكتب مثل هذا الا من معانات والله يقديك ويعينك ابسألك سوأل لوتكرمت ممكن...............!
ممكن يا بن صياح تنورنا بسبب القهر اللي خلاك تكتب مثل ها القصيدة القوية الجزلة....بليز لاتفهمني غلط بس عشان ابين معاناتك ..وشاكرلك اخوك احمد شراحيلي

اقتباس المشاركة الأصلية كتبت بواسطة الجد اووووووووووووهـ يابن صحياح ماعاد خليت لشعر بعدك شكوى كل شي اشتكيت منة والية (مزوح حبيبي)بس الواضح في شعرك معانات الرجل صدقني وربي مايكتب مثل هذا الا من معانات والله يقديك ويعينك ابسألك سوأل لوتكرمت ممكن...............! ممكن يا بن صياح تنورنا بسبب القهر اللي خلاك تكتب مثل ها القصيدة القوية الجزلة....بليز لاتفهمني غلط بس عشان ابين معاناتك ..وشاكرلك اخوك احمد شراحيلي

اررحب يـ الجد
أجمل مافي الشعر أن تكون المعاني واضحة ومعبرة وبنفس الوقت مبهمة التفسير .!

يعني اطلب ربك منيب معلمك
أشكرك على حضورك عزيزي
ولاعدمتك

م ح م د

/

انت ممن يستحق الشهره .. نص رائع

صح لسانك اخوي

//