الصبر ما كل البشر تستطيعه ,

الصبر ما كل البشر تستطيعه ,

الحكم حكم الله وحكم الشريعه = وقبل الثوابت كلها خمس الأركان
صحيح بعض البدع يكفي جميعه = لا قاله اللي ما ورى لسانه لسان
الصبر ما كل البشر تستطيعه = والصمت ضيقة صدر في بعض الأحيان
ما أقول عاد ضلوع صدري منيعه = أقول عاد السر في طي كتمان
الرجل لا ضاقت عليه الوسيعه = ما هو بعيب إن سيل دموع الأعيان
العيب والمستغربه والفجيعه = لا راح يشكي عند حي الله إنسان
رح علم اللي يحسب إني تبيعه = الطيب ما يقبل من كفوف منان
لا صار ما سال المطر في ربيعه = وشلون في صيفه تبي تسيل الأمزان
واللي رفع قدر النجوم الرفيعه = ماني بلا جاحد ولاني بخوان
أنا كذا فيني من الله طبيعه = ما أقدر الهافي ولو كان من كان
نفسي تشوم من النفوس الوضيعه = ولا يفقد الرديان يا كود رديان
ما رحت أدور للمفارق ذريعه = عيب على اللي يتقي عقب ما بان
والسر يلقى في البشر من يشيعه = باكر تعرف السالفه دون نقصان

كلمات الشاعر / صلاح العرجاني ,

المصدر: الملتقى الجماهيري للشاعر محمد بن فطيس المري

قصيدة محملة بياسمين الكلام وعذوبة الأنهار وصدق البوح وقوة المعنى ورهافة التعبير وروعة التصوير كتبها الشاعر الفذ / صلاح العرجاني ,

ذوق راقي تسلم يدينك اخوي وصح لساان الشاعر
لاهنت

الله يسلمك يالغلا ,

قصيده رائعه سلمت يداك ع النقل المميز

تسلم يمينك على النقل المميز
وصح السان شاعرها
يعطيك العافيه

أختيار موفق وقصيده رااائعه
وليس بغريب الذووووق من أهل الذوووق ومنبع التميز
راق لي هذا البيت
نفسـي تشـوم مــن النـفـوس الوضيـعـه ,,,ولا يـفـقـد الـرديــان يـــا كـــود رديــــان

سلمت يمينك

فرح الشِهري ,

الأروع مِن ذلكَ هو مُرورِك ,

تحاياي ,

هملان الغامدي ,

الله يسلمك يا غالي ,

لكَ الشُكر ,