كَبَرْنَا يـ ريـم ..ْْ~|| و أنـت ِ بقايـا مـن بقايـا حبيبـة

كَبَرْنَا يـ ريـم ..ْْ~|| و أنـت ِ بقايـا مـن بقايـا حبيبـة

مـدخــل ...

ليه الكلام إن بغيته ياصفـك لـي يخـون
..................... و اوَّل لامنِّي دعيته يـم لسانـي ركـض

يـَ ا ريم ما للغزل من بعْد فرقاك لـون
..................... باهت جميع الشعر بالذات هـذا الغـرض

و ازيدك امْن الجنون اللي بصدري جنـون
..................... كلْ بنت تمشي على هالقاع .. عقبك مرض

دموعك كانت الرحلة و انا الرحَّـال
........................... حبستيها حيا ليـن الجفـن غنَّـى

قَسَم من طاحن ادموعك بديت اغتال
........................... كلام أعظم مـن البـرد ابمساكنَّـا

دخيل الله على دمعك كثر ما جـال
........................... على صدرك حيا مِنَّـا و انـا مِنَّـا

أحبِّك من قبل تركض بي الأهـوال
........................... قبل مـ الفقد يحرمني مـن الجنَّـا

أنا شاعر سكن في داخلـي رجـال
........................... ترك حِبِّه على راحة يدك حِنَّـا

ريوف القلب لو يقوى يسولف قال:
........................... عروقي تطلبـك : لا تبعـدي عنَّـا

أحبك كثْر ِ مـَ اتردد صدى بالجـال
........................... و احبك كثْر ما صوتي بـك اتعنَّـا

دخيـل الله ظمينـي أبـي منـزال
........................... لوجهي بيـن ضلعينـك .. ابتهنَّـا

همومي .. يا بعد كل الحريم اثقـال
........................... سنين امشي بهن وآهيجـن الكنَّـا

أنا و يـاك شبنـا يومنـا أطفـال
........................... كبرنا و العُمُر عيَّـا لا يحضنَّـا

تلاقينا ابـدروب اترابهـن مـا زال
........................... يعايدنا اذا اسهـوم الجفـا اخطنَّـا

غياب أمي ووجهك و السفر و الفال
........................... منافي لا وَصَلت اطْرفْهِـن اتمنَّـى :

أشوفك تدفنيـن ابداخلـك رحَّـال
........................... وحيد اضلوعه امْن الخوف تتحنَّـا

تعالي لي شجر وقته حَرَمْه اضْلال
........................... وانا بجي لك اظـلال انْخلـق منَّـا

تغافلت السنين وجيت لـك رجـال
........................... نوى ايْـغني على صدرك..ولا غنَّى

مـخـرج

في هاجسي خلِّيـت منِّـك قريبـة
..................... و اشعلت به كل الصدور ابشعر حي

ليت الأمان اللـي تعـودَّت اجيبـه
..................... علَّم ضلوعك في غيابك تحس بـي

غبتـي و جابتـك الليالـي كئيبـة
..................... ما بِك من انفاس الوله لو هو اشوي

لا صار صدرك ما به أيَّات طيبـة
..................... وشو له اتردين مـن غيبتـك لـي

أنـت ِ بقايـا مـن بقايـا حبيبـة
..................... راحت كبيرة و ارجعت لي و لاشي

المصدر: الملتقى الجماهيري للشاعر محمد بن فطيس المري

شكرا نايف
احساس مميز
نبض رائع

... حضرة الغياب ...


هلا فيك عزيزتي نورتي متصفحي

الاحساس منبع ذووقك لاهنتي

تحيه لشخصك

جميل مانقلت

يانايف شكرا جزيلا لك

وصح الله السان شاعرها

... مميز ...


هلا بأخوي الغالي منور والله

صح بدنك لاهنت الذوق انت والجمال بعيونك لاعدمتك

لاخلا من هالطله

نايف..

الله عليك يامبدع احسااس راااقي وذوووق

لاهنت يابعدي ^^

تقبل مروري

رائع يانايف .. تعجبني دوماً انتقائك .. فبحضورك يحضر الابداع .. اتمنى ان لا ننحرم من هذا الجمال .. تقبل مروري واعجابي الشديد بمعرفك .. لك تحيه طاهره كطهرك عزيزي

اشكررك
اخوي نايف
احساس مميز

... عيونك دنيتي ...


هلابك ياحيي شاكر مرورك الراائع

الذووق منبعك لاعدمتك

تحيه معطره بالمسك لسموك

... فيصل بن عبد العزيز ...


هلا هلا هلا بهالطله

يابعد حيي والله لاخلا ولاعدم هالطله يالذيب

تحيه تليق بسموك الكريم

دمت بهذه الشخصيه الكبيره دائما