يا وليفي

يا وليفي

بسم الله الرحمن الرحيم
السلام عليكم ورحمة الله وبركاته
ابيات وليدة اللحظه ارجوا ان تحوز ع رضاكم



لا تقاطع يا وليفي ولا تبخل علي
خل حبل الوصل من بيننا حبلً جويد
الليالي مر تقفي ومرً تقبلي
والاجل محتوم والله يفعل مايريد
ياغناتي يا حياتي يا كلي يا هلي
ذاب قلبي من غرامك مثل ذوب الجليد
والمحبه مالها الا الحبيب الاولي
ما تخاشر فالغلا من قريب ومن بعيد
ماذكر لي لولوه تلبس انواع الحلي
لين ريتك لابسً لك من الدر الفريد
والله ان الزين كنه عليك مفصلي
كنك متنقي وصوفك ع احسن ماتريد
نار حبك للعشاشيق تصلاهم صلي
مهرةً تصعب ع كل عسافً عنيد
جعل دارك يا وليفي يساقيها الولي
بامر من سير سحابه وحنا له عبيد

وسلاااامتكم

المصدر: الملتقى الجماهيري للشاعر محمد بن فطيس المري

صصصح لسسانك جزل ,,,,, ومافيك حيله

تحياتي لك ي مبدع

صح بدنك ولاهنت
والابداااع مرورك وتشريفك لمتصفحي

ماذكر لي لولوه تلبس انواع الحلي
لين ريتك لابسً لك من الدر الفريد

نار حبك للعشاشيق تصلاهم صلي
مهرةً تصعب ع كل عسافً عنيد
..
البيت رآق لي..
يسلم راسك وحرفك
تقييمي

صح لسانك شاعرنا ولا هنت

ابيات جميله

تحيتي وتقديري

صح.
لسانك.
صديقي جابر.
كن بخير ايه ُ الصديق.

صحت ابدانكم ولاهنتوا ع المرور
وبيض الله وجيهكم

رائعه

الاروع مرورك