يا محمد ابن فطيس

يا محمد ابن فطيس

يا محمد بن فطيس وين الشعر وين الشواعير =ما عدت اشوف اليوم شاعر يغطي في مكاني

قد كنت اظن الشعر في موقعك يا صاحبي غير=واثار ما به غير ناصر سرج ظهر الحصاني

قمنا نسوي للنشاما على ماشفت تطوير=والله حفظني يا محمد وربي من حماني

وش عاد لو به جمهره يا عرب والات تصوير=ما غير ستر الله عليكم ومظهركم كفاني

ما جيت اسوي للمعاني معى اهل الشعر تبرير=لكن موالي على ما طراله قد خذاني

بعض المعاني قاسيه مثل صكات البواتير=تقطع نبا وتسد فاللازم وتحمي العواني

ما اقول انا للقاف قايد ولاني سالم الزير=ما غير شفت الشعر يبكي واشوف انه نخاني

وانا وقفت اليوم وقفه توردني على البير=وقفت بطل صامل وبا ارمي عليها من رماني

بعض الحكي يحتاج له وقفه ويحتاج تفسير=والبعض الاخر ما يفسره حتى الترجماني

ما ميزو بان الجمل هي وسيلة كل تعبير=والسهل منها ما يروق المشجٌع والهداني

لكن في ذا اليوم صبحتكم بالشر والخير=ما دامني شاعر فابا اقول صح الله لساني

اشوف بعض الناس شاعر وفي قافيه تكسير=والبعض الاخر يا عرب كنه سهيل اليماني

مما جذبني لين سويت فالميدان تفجير=تفجير شامل ما سلم غير شعار المعاني

واليوم يا ابن فطيس شفت الشعر جر البواكير=قال الزمن عاصي والابداع يا ناصر عصاني

قلت ابشر بعزك وانا لك علي لا ابث تذكير=ما دام نومي من عنا كيتك ما زد لفاني

والختم ما عندي قضيه ولا عندي دنانير=لجل اغدي مشهور والحظ باسبابه جفاني

المصدر: الملتقى الجماهيري للشاعر محمد بن فطيس المري

صح لسانك اخوي ناصر
قصيده رائعه ومعانيها اجمل
مميز اخوي ناصر واعجبت فيها
اسمحلي اخوي ناصر شي عفوي
خطته يدي بعد ما قرأة القصيده
لاكنه مب شعر فقط مشاعر
بعد قراة رائعتك المميزه


ياناصر دنانير البشر لاتقربها
غير الشعر و وزنك وقافك

كل ابوها لجلك تنحني وتثنا
واتقول انا في حضره ناصر

انثني له وانحني له واتمنى
يجي ويخط اسمه علي

واتشرف بمصافح اسمه
وبنات افكار ناصر اتمنع

صح لسانك ولو ان فيه استنقاص كبير منك لشعراء الصرح


ماادري هل وصل بك التفاخر لدرجة لاترى الناس شيئآ؟


بالنسبة لتطرقك لمسألة الوزن وكذلك المعنى .. انت شخصيآ في بداياتك كنت تكتب بدون وزن وجميع الشعراء بدون وزن واحيانا بدون معنى وهذا مايمنع ان حنا نشد من ازرهم ونحاول نصحح خطأهم


عتبي على هذا النص كبير يااستاذي

ماكنت اتمناه للأمانة منك انت شخصيآ لأنك قدوة بالنسبة لي ولكثير من الشعراء

وجهة نظر ارجوا تقبلها بصدر رحب


لاهنت يابو حسين

صح لسسسسسسانك ياناصر


والله يعينك يالغالي

صح لساااااااانك

لاهنت

ناصرالشريف
الله الله عليك وصح الله السانك ومو غريب عليك الابداع ولكني مع وجهه نظر اخوي رائد العصيمي واتمنى ان تتقبلها منا وانت استاذ بالشعر هذا قولي بختصار
ودي وتقديري

صح لسانك ياناصر مبدع كعادتك ولك اسلوبك الخاص
والفخر بالمقدره الشعريه حق مشروع لكل شاعر.

مما جذبني لين سويت فالميدان تفجير

تفجير شامل ما سلم غير شعار المعاني

ان شاء الله ان كل شعراىنا سالمين من تفجيرك ,

تحيآتي وتقديري.

لا تعليق اخوي نااااااااااااااصر،،،


نحبك ونغليك ،، خوينا في المر والحالي...
ولكن !!!


لك حق تتفاخر بنفسك ،، وليس على حساب أحد....


لأننا هنآ لسنا بصدد ،، الرد على كل شاعر ....




أتمنى ما تزعل من وجهة النظر ،، ولكن يجب عليك أن تحترم مقام أهل الشعر ،، من غاب ومن حضر،،
لأنك أحد ممثليهم ،، وتعتبر من هاماتهم،،


في المحاورات الشعرية وفي المسابقات لا تقال مثل بعض الابيات في هذه القصيدة ،، فما بالك بمنتدى أتينا فيه للصداقة الأخوية ،، والمعرفة والأستفادة من بعض....


لا تهمني ولا يهم غير ،، بعض الأبيات هنآ ،، فهي ملكك ولك بها الحرية ،، ولكن لأننا أصدقاء ذكرت هذآ...
أنت خصصت هنآ موقع بحد ذاته وهذا ما أجبرني على التحدث...



ولكن !!

لست بصدد أنا أو غيري من الشعراء ، بالرد على هذه الأبيات....
لأننا نعرف مقام كل شاعر هنآ....




لا أريد التحدث عن ماهية أبياتك من خلال الشعر ،، فالجميع يعرفها ودائما نقول جزل....

ولكن حديثي عن لب الموضوع....
الذي لن أقول أجحفت بحق الشعراء ،، ولكن أقول ...

أنت لست من تحكم ،، فإن الجمهور هو الحكم....




أخيرا...
صح لسانك...

اقتباس المشاركة الأصلية كتبت بواسطة فهد الهباش لا تعليق اخوي نااااااااااااااصر،،، نحبك ونغليك ،، خوينا في المر والحالي... ولكن !!! لك حق تتفاخر بنفسك ،، وليس على حساب أحد.... لأننا هنآ لسنا بصدد ،، الرد على كل شاعر .... أتمنى ما تزعل من وجهة النظر ،، ولكن يجب عليك أن تحترم مقام أهل الشعر ،، من غاب ومن حضر،، لأنك أحد ممثليهم ،، وتعتبر من هاماتهم،، في المحاورات الشعرية وفي المسابقات لا تقال مثل بعض الابيات في هذه القصيدة ،، فما بالك بمنتدى أتينا فيه للصداقة الأخوية ،، والمعرفة والأستفادة من بعض.... لا تهمني ولا يهم غير ،، بعض الأبيات هنآ ،، فهي ملكك ولك بها الحرية ،، ولكن لأننا أصدقاء ذكرت هذآ... أنت خصصت هنآ موقع بحد ذاته وهذا ما أجبرني على التحدث... ولكن !! لست بصدد أنا أو غيري من الشعراء ، بالرد على هذه الأبيات.... لأننا نعرف مقام كل شاعر هنآ.... لا أريد التحدث عن ماهية أبياتك من خلال الشعر ،، فالجميع يعرفها ودائما نقول جزل.... ولكن حديثي عن لب الموضوع.... الذي لن أقول أجحفت بحق الشعراء ،، ولكن أقول ... أنت لست من تحكم ،، فإن الجمهور هو الحكم.... أخيرا... صح لسانك...

+1



تحياتي لشخصك ياناصر

العنيده صح بدنك وتسلمين على الاطراء

واعجابك على العين والراس

واشكر لك تفاعلك بما كتبتيه تقبلي تحياتي وخالص تقديري