سمّني مجنونك أو عاشق عيونك لو بغيت

سمّني مجنونك أو عاشق عيونك لو بغيت

صباح \ مساء

الخير
*
*

جيت متعنّـــــــــــــــي وأنا لولاك و الله ماعنيت
جيت أدوّر في ظـــــــلام الحب صدر يضمّني.

جيت.. وأحلامـــي كبيره جيت لاكنّــــي بكيت
يوم قلبك شافنـــــــــي ميّت عليــــه وردّنـــي.

بعتني بأرخص ثمن رغــم انّي اقبلت وشريت
بعتنـــــي وللحين مدري ليه أصـــــــلاً بعتني.

ما جرحــت ولا فضحــت ولا تعدّيــت وخطيـت
كلّ مافي السالفه أحســـاس يمّـــك شدّنـي.

كنت لو تطلب عيونــــــــــي قلت خذها يا فديت
ولو طلبت الروح اقدّمهـــــا عشانــــك تهتـني.

سمّني مجنونك أو عاشق عيونــك لو بغيت
المهم أبقى معـــــــــك دوم وبكيفــــــك سمّـني.

ليـــه طيّب ماتبينـــي وأنت خابرنــــــــي وفيت
ليش تتجاهل شعوري وأنت عــــــارف معدني.

تحرق اعصاب القصيد اللي على وصفك بنيت
كلّ همّــك ينكســـر ذاك الشمـــــــوخ وينحنـي

ابتليت ايوالله انّــــــي فـي محبتــــــــــك ابتليت
وأغتربت وكانت احضانك ملامـــــــح موطنـي.

وأنصدمت ومــــــات فيني حلم يـوم انّي دريت
انّك آخــر شخص ممكن في الوجـود يحبّـني!!.
ممارآآآقـــــــــــ

المصدر: الملتقى الجماهيري للشاعر محمد بن فطيس المري

يعطيك الف الف عافيه على الذوق الرائع

الله يعافيييك يالغلا

اهااااااااااااات يبه تسلم يمناج ع النقل

الله يسلمك

آهات

ابدعتي اختيارك جدآ انيق

الله لايحرمنا ذا الابداع

اسسعدني مرورك

ذوقك مميز وراقي اهنيك عليه

بس الموضوع يستحق ان ينقل بنبض القوافي

تحياااااااااااااتي

اسسعدني مرورك خيو

صـح لسسسانك .‘رووعه...ي أهأت‘