واجمل غــرامٍ قضيتــه في زخم حبـّـش

واجمل غــرامٍ قضيتــه في زخم حبـّـش

يأحلا صدوف الليال ويقضة احــلامــي=واجمل غــرامٍ قضيتــه في زخم حبـّـش
ياغلا مطاريش عمري واكمل ايامي=خليني اعس دربش واهتني قلبـش
مشاعري فيش منقوضــه من اوهامي=تسعين في داخلي من دون مشعربش
من عامنا ذاك لابكره وذا العامي=اجند العاشقين جنود وافخربش
والحب له هيبته كنه ولد يامي=ولا عتيبي يموت العز ماخربـــش
ولا اقحطاني ليا نادوه قدامي=ولا من اهل اليمن زيدي على مهبش
لاكان عذري شريف ومقصده سامي=مثلي وانا اللي عشقتش عشق مايربش
خليني اعيش عمري حول درهامي=ولا فدلي خفوقي لابغى قربش
ماني بصابر على فرقاش وارغامي=على الفراق يتمثنابي على دربــش
كله على شانش وماني بمنلامي=احيى على شوفتش واموت في حبـّـش

المصدر: الملتقى الجماهيري للشاعر محمد بن فطيس المري

صح لسانك ياخوي وبيض الله وجهك
رائعه جداً
محمد انت شاعر وشهادتي فيك مجروحه
لاهنت

ماشاء الله , , , صح لسانك محمد
والله مو غريب عليك الابداع
الله يحفظك يارب

بس تعجبني الشا , , , حبش ,,, قربش

صح لسانك واعتلا شانك
اعجبني استخدامك للهجتك باسلوب يروق لي

صح الله لسانك يابو علي والقصيده جزله وفاخره لو اسلمهنتها البيتين الخامس والسادس .. تستحق المديح

يآآآآآآآآآآآآآ حيّ الله آلشريف محمد ..
صح لسانك وأعتلآ شأنك على آلعزف آلفريد يّ آلأمير ..
والله اني أنبسط على قصايدك ..وشهآدتي في أشعارك مجروحة ..
الله يحفظك أخوي ويسعدك ..تقيييم ..

يابعدي صح الله لسانك والله ونعم يالشريف ونعم بجميع القبائل اللي ذكرتهم

قصيده يستحق لشاعرها الافتخار بها

صح الله لسانك هذا الاهم والله لايهينك

هلا حياك الله يابو علي ,,

صح الله لساانك وصح قلبك وكلك ولاهنت على هالمعزوفه الجزله وافيه وكافيه وصلت غاية فكرتك يالجزل ,,

تحياتي وتقديري لك .

صح الله لسانك وبيض الله وجهك يا محمد

والشرف لي طال عمرك بالتواجد في مثل هذه القصايد الجزله

..


مرح ـبآ يَ أبو علي و حيآك ربي

صح اللهـ لسآنك حتى ترضى .. شآع ـر ما فيك قصور
نفس ملـآحظة أمير .. و أضف عليها ( تسعين ) قد يعتبرهآ القرّآء عدد
لو بدلتها بِ كلمة تمشين + تجرين .. كآن أفضل

هذآ لـآ يقلل من جمآل القصيدهـ كَ كُل

تح ـيآتي لك


؛