ذالليل كن نجومه شوي واشتات

ذالليل كن نجومه شوي واشتات

ذاالليل كـن نجوومه شووي واااشتات=من كثر ما راقبتها قبل ذالليل

فيها عن البارح وقبله تفيوات=اعّدها من يوم غيبت ياسهيل

ذالليل لبسه صمت وفراشه سكات=كنه يشجعني لجر المواويل

لكن يكدر صفوة الجو دقات =دقات منفصله وهي ما لها ذيل

اروح ادورها بسمعي تصنات=وتطلع عقارب ساعة بايدة حيل

مسيرها دقات واكثره وقفات=هي ريضه وانا ارقب الصبح واخيل

الزبده ان الليل ذا ما به اصوات=كني لحالي والعرب من ورى النيل

الناس مدري وينهم كنهم اموات=كنهم تمالوا في وكني مع سيل

سيل الهجوس اللي الى جاتني جات=كتها على عقلي من الماضي تهيل

تظهر من الشاعر تنهات وابيات=واللي مهو شاعر يظهر مناديل

تعيد لي ذكرى غرام البدايات=وتحلل ايام مضت فيه تحليل

وتاخذ بصدري مثل كل ليل صولات= ومضمونها معروف راعي المظاليل

اللي فتحت الصدر له من سنيات=وخذ في فوادي ركن لازال ما زيل

قافي لو يوصف لزينه حركات=قاموا بتقليده بنيات ذالجيل

وعينه الى منه صدقني بنظرات=دريت وين الضعف في يارياجيل

ابختصر وصفي له بخمس كلمات=دله....صباح و ليل...سيف وفناجيل

قطعت من شانه طوال المسافات= الميل متر يسير لاشتقت له ميل

يشتاق لي مره وانا عشر مرات=ويعطي وانا معطيه هيل بلا كيل

اعرف قولة هاك ولا اعرف هات=ويخطي علي بالصد واصد واشيل

عنده على تبرير صده مهارات=وعندي لقبل اعذار صده تعاليل

حبه قعدت ابنيه عدة سنوات=وفرقاه في كسرة عصا دون تعليل

فجئه ولاني بين دمع وتنهات=وقد كل ما قد فات ذكرى واقاويل

وقعد بين اسج ..ما اسج فترات= عقلي يحاسبني وقلبي مع الخيل

قلبي يقول اللي مضى كذب ما مات=لونه ميت ما قعد جرحك يسيل

يقعد يذكرني ديار ومحلات=ويعيد لي ما فات جمله وتفصيل

ويقول لي معذور والا انت بالذات =مالك عذر في طيحتك في المحابيل

وعقلي يقول اللي مضى ماضي وفات=ما من ورى طرد المشاعر محاصيل

اعطيته عيونك وشح يتلفات=وخلاك شربك هم واكلك بهاذيل

هيهات زيد تشوف له زول هيهات=انس المدابير وتلق المقابيل

اقنعني العقل بكلام ودلالات=اني على درب الخطا والمهابيل

الحزن ما يذبح كلام ودعايات=هذا انا ما مت في تالي ابريل

والصد مهما كان حجمه سلامات=هذا البدو ما ماتوا لغيبة سهيل

المصدر: الملتقى الجماهيري للشاعر محمد بن فطيس المري

صح لسانه

ولا هنت يا ابو مشاري

شاعر فحل


صح لسانك يابو حمد والله لايحرمنا منك ومن قصيدك


والله يعطيك العافيه يابو مشاري

الله الله يا ابو حمد صح الله لسانك وبيض الله وجهك على الابيات الجزله

ابو مشاري عساااك سالم

صح لسان ابو حمد والله لايهينك اخوي


لك تحيه

و عينه إلى منـّـه صدقني بـ نظرات .................................................. ..........
.................................................. .... دريت وين الضعف فيّ يا رياجيل
.
.
هـ البيت عن 10 قصايد {--- إلى كولمبيا

كلمات في قمة العذوووبه

يعطيك العافيه على نقلك لهذه

القصيده الجممممميله

تقبل طلتي

الله يعطيك العافييه
ودي
آهات رهف

والــصــد مـهـمــا كـــــان حـجــمــه ســلامـــات

هــــــذا الـــبـــدو مــــــا مـــاتـــوا لـغـيــبــة ســهــيـــل

الله الله
والله هالبيت عن قصايد
صح لسانه
لاهنت يابو مشاري على تزويدنا بهالرائعة

ابو مشاري الله يجمل حالك على هالقصيدة الجميله

القصيدة كلها متسلسله ورايقه

لكن فيها بيت أكثر شي اعجبني اللي يقول فيه


عـنـده عـلـى تبـريـر صـــده مـهــاراتوعـنـدي لقـبـل اعــذار صــده تعـالـيـل

تقبل مروري