قصة غرامي

قصة غرامي

السلام عليكم / مساء الخير للجميع

ماحب المقدمات والله ،،

أبختصر عليكم ،،،

قصيده لي ،، تفضلوها ،،

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘

فعل الجماله حكر ،، لاهل الجماله
وفعل الردى مختص ، فالناس الآذناب



ماكل شخص ،، يقدّر اللي وفــاله
وماكل شخص أن ماوفى ، صار كذاب



كل ٍ مشى دربه ، على مابدالــه
وكل ٍ له ظروفه ، وكل ٍ له آســـباب



بعض البشر عايش على قد حاله
وكرامته ،، تسوالها عنده أرقـــاب



وبعض البشر ، مايرفعه غير ماله
مطلوب ،، بس المال خلاه طلاب



ياحظ طايح ليه ، وآصبحت عاله
وقفت مع ضيم الدهر ، مثل الآصحاب



ياوقت ليه الظلم ، وين العداله
ضاع الوفاء ياوقت ، مابين الآحباب



على دروب الشعر ، وآهل الجزاله
كسبت فيه آذواق ، وقلوب ، وآعجاب



وعشرة ضعيف النفس ، وآهل النذاله
مترفع ٍ عنها ،، وآنا توني شــــــاب



بسكر الموضوع ، وأنهي جداله
وبدخل بموضوع ، مزيون الآهداب



اللي تباهى في حلاه ، وجماله
دكّ الحصون ، وماحسب أيّة حساب



اللي أستباح بخافقي ، ماهناله
خل ٍ سطى بعروق قلبي ، ولا هاب



مجروح ، وأسعى من غلاه لوصاله
وآجيه ، وآرجع ،، لكن الجرح ماطاب



بعض البشر لاغاب ؟ ، نلقى بداله
وبعض البشر ؟ ، ماله بدايل أذا غاب




اللي أحبه وآعشقه ، وش جراله ؟
محتار ،، متكدر ،، وضايق ومرتاب



يمكن نوايا البعد ، صارت في باله !
يمكن يسافر للجفا ،، هجر ، وغياب !



اللي يبيع الحب ،، مالي وماله ؟
للوصل باب ،، وللجفا عشرة آبواب



قصة غرامي كلها ، في عُجاله
بديت آحبه ،، والنهـــايات منصـــاب



وسلامتكم
،

المصدر: الملتقى الجماهيري للشاعر محمد بن فطيس المري

الله يعطيك العافيه يا متعب الثقيل تسلم يمناك على قصيدتك

الرائعة ولا هنت يا متعب وعساك على القوة احترامي لك

تقبل مروري

وعليكم السلام ورحمة الله وبركاته ,,

هلا يامتعب ارحب مساك خير وسعاده إن شاء الله ,,

صح الله لساانك وصح قلبك وكلك ولاهنت قصيده وافيه وكافيه ,,

تقبل تحياتي وخالص متابعتي .

الله الله من جزاله ومن قصيد وروعه
وعذوبه ومكانه في الابداع
صح لسانك لاهنت شاعرنا متعب

ماشاء الله وربي ابداع اعيش جوها قصايدك

لان اسلوبك بها يجنن . . تسلم متعب وصح لسانك

ولاتحرمنا جديدك وابداعك الله يحفظك يارب