ارسلت لك والقلب من صدتك مكسور

ارسلت لك والقلب من صدتك مكسور

ارسلت لك والقلب من صدتك مكسور
ابي جبره وعين ورا الكسره الكسره

رجيت الجواب اجمل من الجوهر المنثور*
وسحر العباره جربي وش اثر سحره*

وقصر الغلا بأسواره العاليه معمور*
ولك في خفوقي عرشه ونهيه وأمره*

وبستانه الاخضر نسيمه خليط عطور
ومن سلسبيل العاطفه جارياً نهره*

وخدامك أجمل من تواصيف زين الحور
وحراسك الشجعان واحد مثل عشره

وسعة مملكتك الفارهه تذهل الجمهور
وحد الحدود ليا انتهى شوفه وعمره

وساعة مغيب النور لك حاجبن مستور*
ونورالقمر يعشق سنا نوره السهره

ونسناسه البارد يزفه شعاع النور
يغذي جمالك دون ما يجرح البشره*
*
والحانه الحلوه تغاريد جمع طيور
وسر الهدوء الي يسابق هوى عصره

ولكن خذي مع راحت شدة المحذور*
ولا تشعلي في قصرك الغالي الجمره*

تري جمرة الجفوه تغير جمال قصور
ومعظم عظيم النار مع قلة السبره

وهذه نصيحة من بحبك غدا مسرور
وواجب علينا نحفظ الود والعشره






*
*

المصدر: الملتقى الجماهيري للشاعر محمد بن فطيس المري

حسين الحارثي
الله الله عليك وصح الله السانك وموغريب عليك الابداع قصيده رائعه كروعتك
ودي وتقديري

الله عليك ياساحر ابياتك اذهلتني

صح لسسسانك ياراجل

تحيه معطره

الله يسامحك انا ساحر هههه

شكرًا على المرور الساحر

صح لسانك ياحسين .. فيه ملاحظات بسيطه أرجوا ان تعيد النظر في القصيده من ناحية الوزن يالغالي .. ياليت ماتزعل .. يعلم الله انك شاعر مبدع .. وتستحق المتابعه ..

القصيدة جاء بوقت ضيق وقد يبدو ان كلامك صحيح .. لكن حبذا لو بينت لي

القصيدة تم تعديلها فأرجوا من الشاعر امير الشريف اعادة النظر وشكرا

القصيدة بعد النظر