( ياشين بعض العرب لو غير سلوكه )

( ياشين بعض العرب لو غير سلوكه )

السلام عليكم ورحمة الله وبركاته

اتمنى ان تنال استحسانكم جميع واعذروني لان جميع قصايدي بدون تنسيق

تجدونها على هالحال ترا والله معرفتي محدوده جدا في الكمبيوتر فلا تملون من

طريقة النشر

اتمنا ان تكونو في تمام الصحه وقمة السعاده

اذا طرت لي علوم الزين وضحوكه
ـــــــــــــــــــ تبددت ضحكتي وانزاحت افرآحي

الليله الي مضت ماهي بمبروكه
ـــــــــــــــــــ أنطّرر جيب الظلام وعادني صآحي

كن فالصدر شوكه وفي ناظري شوكه
ــــــــــــــــــــ يذبحني القلب والاهداب سبّآحي

مدري عروقي من المعلوق محسوكه
ــــــــــــــــــــ والا من الضيق والا الشوق فضّآحي

والا جميع المسآئل جات مشروكه
ـــــــــــــــــــــ وما حل منها على الخفاق ما راحي

ذكرت لي حاجة بالفكر مشبوكه
ــــــــــــــــــــ ياكثر شي حصل من بعدها ماحي

محبة بالوفاء والصدق محبوكه
ـــــــــــــــــــــ اجيه وارجع وقلبي منه مرتآحي

الي بكفه ختوم الحب وصكوكه
ـــــــــــــــــــــ مرواح رجلي على شانه ومسرآحي

يا بو حمد بندق العدوآن مفلوكه
ــــــــــــــــــــ ومن يعتقه ضربها من صوتها طآحي

حدوه مني وكثرت حولي شكوكه
ــــــــــــــــــــ حتى غدا القرب والا البعد متوآحي

والا الصراحه ترا الاضلاع مدكوكه
ــــــــــــــــــــ سبة ونيني ونبض القلب وصيآحي

ياشين بعض العرب لو غيّر سلوكه
ـــــــــــــــــــ كبر الكسر ما يعدّل فيه الاصلآحي

كف الحقيقه بكف الصدق مملوكه
ــــــــــــــــــــ لو صار فيها سراب وغيم وريآحي

ولو جابو اهل الصلع للراس باروكه
ــــــــــــــــــــ ولو حطو اهل القنص للطير تلوآحي

ودمتم سالمين

المصدر: الملتقى الجماهيري للشاعر محمد بن فطيس المري

كف الحقيقه بكف الصدق مملوكه
ــــــــــــــــــــ لو صار فيها سراب وغيم وريآحي


ولو جابو اهل الصلع للراس باروكه
ــــــــــــــــــــ ولو حطو اهل القنص للطير تلوآحي


الله الله
مـــحـــمد الـــمــْري
صح الله لسسسانك
مبدع دايم ولا هي غريبه عليك
تقبل مروري

صح لسانك

ابدعت يامبدع

اشكرك

ماشآء الله
صح لسآنك محمد
كلهآ قصائدك ابداااع
والتميز عآدتك الله يحفظك يآرب

صباحك سعيد
صح الله لسانك ....

مبدع ..........

صح لسانك,,, ولاهنت

دومتم بصحةة وعااافية~~

تباريح العتيبي...

واعليكم السلام والرحمه
معذور ولا انت بمعثور ألقصيده كفو من شاعرًًٍ كفو
وتنسيق كفو ولا عذرٍ على جميل وصح لسانك
اخي محمد انت ليس في حاجة شهادتي وبيض الله
وجهك تقبل مرور اخوك سعيد وفي أمان الله وحفظه

صح لسان شاعرنا العذب
قصيده رااائعه وحس جميل
قرأته هنا
قصائدك اخ محمد لها طابعها الخاص فيها صدق شعور
وما كان من القلب فهو يصل الى القلب
لله درك يالمري

والا الصراحه ترا الاضلاع مدكوكه
ــــــــــــــــــــ سبة ونيني ونبض القلب وصيآحي

ياشين بعض العرب لو غيّر سلوكه
ـــــــــــــــــــ كبر الكسر ما يعدّل فيه الاصلآحي

ما اقول الا موغريبه عليك الجزاله
تقبل مروري وتقيمي

ولا زال محمد يرسم لنا أجمل اللوحات الشعريه
ب ريشة المُبدع الفتّان ،، صح بوحك ي القرم
وبسك ع الجروح العتيقه .

اسمح لي ابدي اعجابي بقلمك وتميزك واسلوبك الراقي وتالقك