عشمتني بمواصلك

عشمتني بمواصلك

السلام عليكم ورحمة الله وبركاته
مســـــــــــــــــــــــاء الخير
صياما مقبـــــــــــــــــولا وافطار شهيا

حبيت اشارك بابيات قصيره طرت على اثناء
الفطـــــــــــــــــور ولو ان وقتهــــــــــــا غير مناسب
لــــــــــــــــــــــــــــــــــكـــن امرالله مامنه مفـــــــــــــــر

يقول:

عشمتني بمواصلك ثم تعشمت...الين نفسي في هواك استهامت

واثرك معا صكات بقعا تفاهمت...يلين حسراتي بصدري تنامت

ياليتني فضلت بوحي على الصمت...ماكان احاسيسك من الشوق صامت

ابشرك ذالحين شفت وتفهمت...ونفسي عن المقفين يالترف شامت

العام جوالي على العام لانمت...واليوم قبل انام والوضع صامت

مؤمن ومن جور الزمن ماتكهمت...لو الهموم بصدر مغليك حامت

للحين عايش بعد فرقاك مامت...بس ان نفسي للمشاريف رامت

المصدر: الملتقى الجماهيري للشاعر محمد بن فطيس المري

الله الله الله


ذكرتني بقصيدة ابو حمد ماجور ياللي من فراقك تعلمت .... ونعم فيك ولا فيك قصور


وانت شاعر وتملك قلم حر ويشرفني ان اكون اول من رد على هالشامخه


نص كبير من شاعر له وزنه وقوامه


لاحرمنا هذا الهرم الشعري

ولا خلا ولا عدم


اخوك
ابو مشاري

يامرحبا يابو مشاري
مرورك شرف كبير واعتبره وسام اقلده على صدري
ولاعدمناك يالذيب وافي وسباق للامور الطيبه

صح الله لسانك يا شامان

نص قمه في الرروعه الله لا يهينك على بوحك المخملي

لا تحرمنا جديدك الله لا يهينك

للحين عايش بعد فرقاك مامت...بس ان نفسي للمشاريف رامت

رآمت
رآمت
رآمت

كفو كفو يالامير

صح لسانك على هالنص الجزل ولانستغرب الجزاله دام راعيهآ شامان المرّي

تقبل مروري واعجابي ،،

مرحبا بكم كلكم ولاهنتوا على مروركم
يسعدني اطرائكم وتعليقكم الجزل على هذه الابيات المتواضعه
كما يسعدني انها مما يبدو لي نالت على جزئيه من رضائكم
لاني شاعر واعرف ايش اللي يليق بذائقتكم
ومثل ماقلت لكم مازالت متواضعه ولكن اعدكم انشاءالله بالجديد والجزل باذن الله

وابشروا بالعوض


للمعلوميه انا قوتي تكمن في القلطه
تحياتي
اخوكم الصغير:شامان المري

نص مفعم بالشاعريه .. في ذمتي انك مبدع ..

واضح انك تمشي على نهج ابن عمك الاسطوره ابن فطيس ..

صح لسانك ولا هنت

اخوي/ شامان

صح السانك وبيّض الله وجهك على الابيات الطيّبه

العام جوالي على العام لانمت...واليوم قبل انام والوضع صامت

انا نسخة البيت هذا مهوب يعني الباقي مااعجبتني علي الحرام انها وافيه مافيها قْصور

وانت شاعر بلا شك من غير قْصور بالبقيّه ولكن البيت هذا كانه حاصلٍ معك لاتحسبه بلحالك

الله لايهينك على كل حال

ابشرك ذالحين شفت وتفهمت...ونفسي عن المقفين يالترف شامت

العام جوالي على العام لانمت...واليوم قبل انام والوضع صامت



الله علييييييك ابداع يالمري

صحح لسانك ولاهنت على هالكلمات الجميله




تقبل مروري
اخوك:
الشمري ,

الله على النص والجزالة والتمكن الواضح فيه
شامان المري
صح لسااانك
لاتحرمنا مااعندك
تحيتي