تامر على شي؟

تامر على شي؟

لاصار مقصود الصداقة على شي

اشطب عليها واطلب الله عوضها

ابعد عن اللاهوب وازبن على الفي

هذي نصيحة واللبيب يحفظها

مايرجع الميت ولو يبكي الحي

واهل المرض لابد يطلع مرضها

صداقة الاهداف ماهيب تبطي

ولا تنفعك لو بالوفا تعترضها

ميثاقها من شان تاخذ وتعطي

وان وقّف المشروع كل رفضها

مثل السراب اللي من البعد كالمي

من طردته كم من نفوس قبضها

ان كان ماجات الصداقة كما الظي

على نقاها ماتفاخت بعضها

ماهي تسير شوي وتدقر شوي

ولا تضيع اليا تحقق غرضها

ولا يغطي حسنها جوهر سي

وليا انتهضها ذاك هذا نهضها

ودليٌها تضرب على الجم برشي

فالمرتفع ماعاينت منخفضها

ماهيب تقبل بالمطامع وتقفي

وأمانةٍ فتالها مانقضها

تصيب بعضات الهقاوي وتخطي

مير التجارب مستمرٍ وعظها

وسلوكها ما تقدر الشد والطي

ربضة ردا تحسب على من ربضها

فيها نفاق. وغش. ومخادع. وغي.

صداقة ٍحب المخادع فرضها

وقت الرخى ينشدك . تامر على شي ؟

ووقت الشدايد منك كفه نفضها !
.

- محسن بن فالح الدوسري

.

المصدر: الملتقى الجماهيري للشاعر محمد بن فطيس المري

اقتباس وقت الرخى ينشدك . تامر على شي ؟ ووقت الشدايد منك كفه نفضها !

رائعة جدا صح لسان شاعرها ولا هنت رشيد اختيار موفق


تحيتي وتقديري وتقيمي

مشكور يعطيك العافيه على هالنقل

الله الله
ابيات جزله تحمل الحكمه والنصح
ما اروعها من حروف تحكي على الواقع
تسلم يا رشيد

يسلمكم ربي جميع