وين انت ياللي

وين انت ياللي

وين انت ياللي .. ذابح القلب بالشوق
العقل من بعد ( اللقاء ) منك ما فاق


ليتك تحس بواقعي بس .. وتذوق
من كاسك اللي منه ( نشفن ) الارياق


دنياي من دونك ترى مالها ( ذوق )
خليتني عايش على ( حد ) الارهاق


إليا متى .. ببقى اطالبك بحقوق
متشوف كل الكون .. في غيبتك ضاق


وراك كني تايه الدرب .. ملحوق
خايف تكون .. إنهاية الحب لفراق !


يكفي عذاب اللي ( غدا ) منك محروق
غيرك وربي بالبشر ما بعد .. لاق


شفني بقايا إنسان .. في حال مسروق
من سِـبّـتك ضاقت بي ( افجوج ) وآفاق


انا دخيلك .. تفهم الوضع برفوق
ما عاد صبري لو تصورت .. ينطاق !!


تعال بعدك حالتي كلها .. عوق
عقبك ودربي بالهوى صار .. منعاق


تدري مكانك ( غايتي ) دايما فوق
فيك انولد ( حلمي ) وكبرن الاشواق


تاخذني ايامك .. لها حيل واتوق
دامك هناي .. ورغبتي .. ليه مشتاق


لو تطلب اسنين العمر .. جاتلك سوق
والروح لجلك دايم الدوم .. تنساق


في عيني اكبر .. من ( غلا ) كل معشوق
مثلي لحبك ماعتقد ( مر ) عشاق



منقول

المصدر: الملتقى الجماهيري للشاعر محمد بن فطيس المري

تسلم يمينك على ها لنقل الجميل والانيق
قصيده عذبه ومميزه
تحياتي

ماجد الشيباني

اشكركـ على المرور

نورت

دوم انيقه .. وذوقك عالي

عنود الريم

تسلمين على المرور


و نورتي