من اللي يبغاني اسويله مقلب بزواجه

من اللي يبغاني اسويله مقلب بزواجه

طبعا هذي مقالب لبعض الشباب قريتها في احد المنتديات
بعضها قوية وبعضها مضحكه
وان شاء يوم زواجي بارسلكم كروت واسوي فيكم مثل ما سوا الثالث
أدري انكم ناويلي على نية
بس معليكم ماخذ احتياطي
اليكم المواقف
:
::

:

الموقف الأول :

هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!!

بصراحة خطيييييييير هالمقلب .... بس لا يفوتكم الثاني كمان

الموقف الثاني :

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو

وش موقف الزوج ؟؟؟؟؟؟؟؟؟؟ أترك لكم التعليق

الموقف الثالث عكسي حيل بس اعجبني موووووت
وصدقوني مالي نية أسويها معكم ........ حبايبي

الموقف الثالث : مقلب عكسي

هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وكل شي .. وطبع كروت زواج خاصة لأخوياه .. وكتب فيها موعد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يختلف عن موعد زواجه الفعلي بيوم ... وكتب فيها ان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] بيكون في البيت
الشباب اخذوا البطاقات .. وشكلهم كانوا ناوين يسوون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ولا هم يحزنون
يوم صار من بكره .. اللي هو موعد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس ... وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم


الحين منه اللي ناوي يعزمني يوم زواجه
تروني على نياتي
ولا عندي هالخرابيط

اتمنى تنال على اعجابكم

عـــــــ المستحيل ـــــــاشق

المصدر: الملتقى الجماهيري للشاعر محمد بن فطيس المري

امحق مواقف وانا خوووك
الاول صعب جداااا كل شيء ينبلع الا هوووو
يالله دخيلك ...لا احد يسويها فينا وما انتهنى


تحيااتي يا عاشق

ههههههههههه


الثاني الله يقطع شره مايعرف غير الرز البخاري والبصل هههههههههههه

الله يعطيك العافية

ههههههههههه
الله يعافيك اخوي
والله المواقف كثيره بس انت اعزمنا وبتشوف
شي ماشفته ههههههه

ههههههههههههههههههههه
قسم أغبياء خاصة الاول<<<<هذا ثقيل دم..
(اموله) بعينكـ عاد ليلة زواجههـ

والتالت ماشي مااعجبني لانووو من حق اصحابه يحضرووو

والتاني مسكين يمكن ماخذهـ من زود عشاهم
ههههههههههههههههههه

تسلم عاشق عالمقالب
الله يحفظك يارب

اقتباس المشاركة الأصلية كتبت بواسطة فهد الهباش امحق مواقف وانا خوووك الاول صعب جداااا كل شيء ينبلع الا هوووو يالله دخيلك ...لا احد يسويها فينا وما انتهنى تحيااتي يا عاشق

لا تخاف بس انت اعزمنا........... ولا يصير خاطرك الا طيب

اقتباس المشاركة الأصلية كتبت بواسطة قـاصد كـريم ههههههههههه الثاني الله يقطع شره مايعرف غير الرز البخاري والبصل هههههههههههه

اقتباس المشاركة الأصلية كتبت بواسطة قـاصد كـريم الله يعطيك العافية

صدقني ................ انت اعزمني
وأكون أحسن منه ........ مع الرز والبصل + طماط ....... لا
وأزيدك من الشعر بيت ...... الرز أجيبه أبو بنت لعيونك

اقتباس المشاركة الأصلية كتبت بواسطة محمد الوريكي ههههههههههه الله يعافيك اخوي والله المواقف كثيره بس انت اعزمنا وبتشوف شي ماشفته ههههههه

اووووووووووووووه ......... على كذا أنا بطلت أتزوج
ولا أقولك شكلي في الاستراحه
بأحط عند الباب لوحه ......... مكتوب عليها ( تحويله )
ههههههههههههههههههه

اقتباس المشاركة الأصلية كتبت بواسطة الماس ههههههههههههههههههههه قسم أغبياء خاصة الاول<<<<هذا ثقيل دم.. (اموله) بعينكـ عاد ليلة زواجههـ والتالت ماشي مااعجبني لانووو من حق اصحابه يحضرووو والتاني مسكين يمكن ماخذهـ من زود عشاهم ههههههههههههههههههه تسلم عاشق عالمقالب الله يحفظك يارب

المهم انك عرفت السالفه
عشان اذا صار لك شي تعرفين ....... ( ان فيه إن)
بصراحه أنا كنت ناوي ابحث مقالب عن البنات
أتوقع شكلها كثيررررررررررررررررررررررره ولا يمديني ألحق
( إن كيدهن لعظيم )
ومشكوره على تواجدك