بــس احــبّـك يـآ بـعــد حـيٍ ومـيـتـي ،

بــس احــبّـك يـآ بـعــد حـيٍ ومـيـتـي ،

مسآئكم رضى ،
حبيت انزل بين يديكم هذه الأبيات ،
وأعتذر مقدما عن القصور ، الأبيات جائت سريعة ، ومن البذرة الى البذرة ،
لم أعتني كثيرا بها ، فهي هكذا كمآ جآئت ،


وا عـذاب الحـال ياللي مـا دريـتي
تحسبين ان حال قلبي مثل صيتي

كـانها بالصـيـت قـرم وعـارفـينه
بس ضيمه في حشى قـلبـه مبيتي

يظـهـر انْ حـاله مثل حال الدعاية
تنْـشـر الأخـبار ويخـبّى الفـتـيتي

لا تلـومـيـنــه ولا تستـنكـريــينـه
كـان حـبّـيـتيه قـولـي لـه شـريتي

قـولـي احبّك واحـب الحـب لاجـلك
واعشـقـك حـد الجنون المستميتي

لو سـمـع مـنّـك احـبّـك ذا جـوابـه
آه كـم كـنت اعشقـك لو مـا دريتي

ايه انا احـبّك واحـب اهـلك وناسك
والـتـراب اللـي برجلـك له وطيتي

كـان ودي قـولها واخـاف جـرحـك
كنت احسب انّك من عيوني قريتي

ايـه انـا يا بـنـت فـي حـبّـك مـتـيّـم
شارين حـبّـك وعـيـني مـا تـبـيـتي

ساهرن لـيـلـي واغــنّـي وا عــذابـي
وانـتـي بْـلا ذنب مـا كـنْـك افـتريتي

ليه عشـقـي لـك مثـل صفحـة رواية!
ابـتـدى غـيـرك وقـفّـى ما انـتـهـيتي

الهــوى يــا بــنـت للـعـاشــق مـذلـة
والّا أنا ما ارضى المذلّة لـو رضـيـتي

يـكـفـي انـي بـعـت لـعـيـونـك صبايا
عـاد بـاقـي نـبض شعري وسط بيتي

ودي امـلّـك واغـض الـطــرف عـنّـك
واتـنـاسـى عـنـك واقـول انـتـهـيـتي

بـس احـبـك واعـشقـك وشلون مدري
بــس احـبّـك يـآ بـعــد حـيّي ومـيـتـي



فــهــد،

المصدر: الملتقى الجماهيري للشاعر محمد بن فطيس المري

صح لــسانك يالشاعـر

مافيك حيلة يالهـباش
دايم تفاجآنا من قصايد ونثر

كنت باقيم بس عيّا
انتهى التقييم لهاليوم
لي عودة بالتقييم ان شاء الله غدآ



رعاك الله يا فهد

اقتباس المشاركة الأصلية كتبت بواسطة عزي لحالي صح لــسانك يالشاعـر مافيك حيلة يالهـباش دايم تفاجآنا من قصايد ونثر كنت باقيم بس عيّا انتهى التقييم لهاليوم لي عودة بالتقييم ان شاء الله غدآ رعاك الله يا فهد

صح بدنك يالغالية
وحضورك لوحدة شرف ويكفي ،
تسلمين خيتي عزّي،

اقتباس كـانها بالصـيـت قـرم وعـارفـينه بس ضيمه في حشى قـلبـه مبيتي

ونعم يالقرم

كفو كفو يابو هباش

عز الله النص من اوله لآخر نبض واحساس

لكن انا احس الطرق الهلالي مايصلح فالغزل مدري ليش

احسه الطرق الوحيد للنصح والمدح

مدري يمكن تختلفون معي فالنقطة هذي

اقتباس المشاركة الأصلية كتبت بواسطة رائد العصيمي ونعم يالقرم كفو كفو يابو هباش عز الله النص من اوله لآخر نبض واحساس لكن انا احس الطرق الهلالي مايصلح فالغزل مدري ليش احسه الطرق الوحيد للنصح والمدح مدري يمكن تختلفون معي فالنقطة هذي

ارحب يالخوي
صح بدنك وبيض الله وجهك على الحضور والتقييم
مجمل لبى قلبك دوم ،

اما بالنسبة للبحر وانا اخوك ، فترى والله ما عندي ذيك الخلفية عن بحور الشعر تركناها للنقاد
لكن عاد متى ما سلكت القصيدة كتبناها ما اتعمد اي بحر اضعها عليه والظاهر الحال الحال،

لكن من خبرتي البسيطة ، ما اظن هذا البحر هلالي ، لان الهلالي طويل كما يسمى في الفصحى ،
وهو اطول من المسحوب بكلمة او كلمتين على ما اظن ،

واعتقد هذي الابيات اقرب للصخري ان ما خاب ظني ، وما نستغني عن اهل النقد...

اما رايك في ان الهلالي دائم الافضل يكون للنصح والحكمة ، فعز الله اني موافقك الرأي تمام التمام ...

تحياتي لروحك يالخوي،،

ماشاء الله علييك

هذا وهي سريــعه ..

لآهنت وصح لسانك

اقتباس المشاركة الأصلية كتبت بواسطة رمق ماشاء الله علييك هذا وهي سريــعه .. لآهنت وصح لسانك

صح بدنك يالغلا

الله ييسر امرك ، شرفني حضورك ، ما ننحرم من هالطلة

بـس احـبـك واعـشقـك وشلون مدري
بــس احــبّـك يـآ بـعــد حـيٍ ومـيـتـي


ياساتر استر هذاه والله جبتها من الأعماق
ي اخي فهد ياااالطيف الطف وش خليت

ايه انا احـبك واحـب اهـلك وناسك
والـتـراب اللـي برجلـك له وطيتي


ياحرام وياسلااام ماذا اقول عن هذا النص
يافهد وربي روووووعه جمل الله حالك
يعجز التعبير بس صح لسانك ماحييت
تحيات وتقدير وتقييم اخوك سعيد بمان الله وحفظه

صح لسآنك ملاييين يافهد
ماشآء الله عليك ابدعت وربي
دائما مبدع مميز
الله يحفظك ويحميك يآرب

صصح آلسآنك مليووون


ولآهنت على آلقصيدهـ آلجزله