الجميع يدخل معاني ورموز مشفره قد لايفهما الكثير

الجميع يدخل معاني ورموز مشفره قد لايفهما الكثير

بالفعل هذين الشاعرين هم بقية الشعر الباقية , الله يحفظهم ويطول في عمارهم .

يعجبني سوار الذهب عبدالله الميزاني ويعجبني اكثر اذا قابل الكنق ملك القلطه حبيب العازمي
حينها يكون الميزاني في قمة حضورة لأنه يأتي بطلاسم مشفره لايستطيع احد فكها

سوا الشاعر الكبير حبيب العازمي ونلاحظ في هذه المحاوره قوة الفتل من الشاعر عبدالله الميزاني
حيث يأتي بمعاني غريبه قد يستغربها البعض ويضحك البعض الأخر

ولكنها مؤهبه شعريه يقابلها حبيب العازمي بالمثل حيث ينقض ويفك الرموز بذكاء وأحتراف

من مايجعل كل من الشاعرين يستمتع بالحوار مع الأخر

فنرى دائماً الشاعر عبدالله الميزاني والذي يتهمه البعض بمرض النفس وهذا جهل منهم

بل قوة الدهاء الشعري لدى الشاعر من مايجعله لايرتاح لمقابلة كثير من الشعراء والتخاطب معهم

بل نراه يرتاح نفسياً ويحضر بفكر وعقلانيه مذهله حينما يقابل زميله الكبير حبيب العازمي ..



هذي محاورة جرت قبل مدة وهي معروفة بين

الشاعر العلم ملك شعراء القلطه : حبيّب العازمي العتيبي

وسوار الذهب شاعر مطير الآول : عبدالله الميزاني المطيري




حبيّب


سلام تسليـم المواجـه والمصافح والسلام
لأصحابنا اللي فالها التقدير عند أصحابهـا

اقول عبدالله يجيب الجوهره من شرق شام
واثـره يوديـهـا البـحر ويكبـها ماجابها


سوار الذهب

يامرحبا باهل جهـام اللي يـردون الجهام
أصحابنا اللي تلحس السكين قبل انصابها

العازمـي عيـا يفـرق فالحلال وفالحرام
هذا السنه عنده طلوع الشمس مثل اغيابها



حبيّب :


ولا عليكـم زود من باب الـوفاء والاحترام
ياأصحابنا اللي تشبك الحاها فروس اشنابها

الحاف من ريش القطا وفراش من ريش النعام
وارقد على حيـد الخباره لان ينـقـز دابها


سوار الذهب :


انته خواتمك اربعه وانته على مسك الختام
ومطير عن محراب مسجدها تقول احرابها

انتة ماعاد الا غيابك صبح وحضورك ظلام
والبـدو ماعـلـم عليهـا الا نبيح اكلابها



حبيّب :


عبدالله اللي يـذي المـذن ويضحـك بالإمام
كل المساجد في ديـار مطيـر ماصلـى بها

وراك ماعلمتنـي يومـن فـي صدرك كلام
تطلق علي من الكلاب كلاب ويش ابغى بها



سوار الذهب


مادام اهل يثرب قماري ليش اهل مكة حمام
يقولهـا فنانـك اللي فـي سنه غنى بهـا

لا والله الا ساع وصل الطق في صم العظام
واقول ياليت الجمال اتشوف عوج ارقابهـا



حبيّب :


هذي من ابـواب الترافـه واللطافه والغـرام
والبقعتـيـن الله مطهـر جـوها واترابهـا

الله يبـارك فاللحـام اللـي نفك ابـه اللحام
والناس باسبابه تثور امع الحضور اعصابها



سوار الذهب :



ياللة دخيلك من حدوث الذنب ووقـوع الاثام
الله ولا قـومـاً رمادتـها سـنا مشـهابها

يالعازمي ويش استفدت من الرصاصه والحزام
تـرى عتيبـة مايكلف شي كشـف احجابـها



حبيّب :


الظاهـر انـك يـاولـد غازي تحـلـم فالمنام
وتشـوف ليلى فالمنـام امخضبـه بخضابـها

تراك لـو تكشـف حساب مطير مافيهـا ملام
وان كان ماتقدر تعال اعطيك كشف احسابها



سوار الذهب :


انا حلمت انك تبا تخلق من الأقصى سـلام
واللي تكلـم عـن محياهـا متـى حيا بها

ان عشت منته للسعد وان مت منته للرحام
وللي تبا ترضى بها العتبان مانرضى بها



حبيب


مانت بنبي الله تكلم وانت في سن الفطام
واليا جمعت الجن عند الانـس فل اكتابها

تدعي عليه يوم زايمتك علـى الدنيـا زيام
تبـا تقـدم لي هديـة والاكيد اولـى بها



سوار الذهب :


مافيه شك انك بقايا صوف من راس السنام
بـس العوازم من يراضيهـا ليا قلـنا بـها







.

المصدر: الملتقى الجماهيري للشاعر محمد بن فطيس المري

روعــــــــــــــــه فزاع سارقها من الساحه هاه هههههههههههههه <عوافــــــــــــي اختيار رائع

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
روعــــــــــــــــه فزاع سارقها من الساحه هاه هههههههههههههه <عوافــــــــــــي اختيار رائع


هاااااااااااي لا بادعها من راسي

الرائع مرورك وأنا اخوك نورتي المتصفح يايايايايايايايايايا فففففففففففففففففرررررررررررررررحححححححححححححح



0

انته خواتمك اربعه وانته على مسك الختام
ومطير عن محراب مسجدها تقول احرابها ,,

بما ان الي بدا حبيب فالمعنى تطرقه عبدالله بالبيت هذى واخلف توازن حبيب الله لايضررك ياسوار الذهب عزالله انه بحرر ماله نهايه ,,

عبدالله اللي يـذي المـذن ويضحـك بالإمام
كل المساجد في ديـار مطيـر ماصلـى بها

تخارج حبيب بأسلوبه المعروفه وأقداره الشعري الله لايضررك يابو فيصل ,,



وهناء مسكه بيده الي تعوره سوار الذهب يوم قال,,

مادام اهل يثرب قماري ليش اهل مكة حمام
يقولهـا فنانـك اللي فـي سنه غنى بهـا ,,

عاد المعنى بينهم لاكن تطرق قوي على شان يمسك المعلبه ,,

رد حبيب رد ينفظ الذمه البريه ,,


هذي من ابـواب الترافـه واللطافه والغـرام
والبقعتـيـن الله مطهـر جـوها واترابهـا

هههههه الله يسهل عليك ياحبيب ويخرب بيت الفنان الي حطك في الموقف ,,


فزاع اررحب يافزااع اقسم بالله ان عليك مواضيع تشررح الخاطر يالغالي ,,

بيض الله وجهك والله لايهينك وصح لسااان الشعراء ولاهانو وصح قلبك ولاهنت .

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
انته خواتمك اربعه وانته على مسك الختام
ومطير عن محراب مسجدها تقول احرابها ,,

بما ان الي بدا حبيب فالمعنى تطرقه عبدالله بالبيت هذى واخلف توازن حبيب الله لايضررك ياسوار الذهب عزالله انه بحرر ماله نهايه ,,

عبدالله اللي يـذي المـذن ويضحـك بالإمام
كل المساجد في ديـار مطيـر ماصلـى بها

تخارج حبيب بأسلوبه المعروفه وأقداره الشعري الله لايضررك يابو فيصل ,,



وهناء مسكه بيده الي تعوره سوار الذهب يوم قال,,

مادام اهل يثرب قماري ليش اهل مكة حمام
يقولهـا فنانـك اللي فـي سنه غنى بهـا ,,

عاد المعنى بينهم لاكن تطرق قوي على شان يمسك المعلبه ,,

رد حبيب رد ينفظ الذمه البريه ,,


هذي من ابـواب الترافـه واللطافه والغـرام
والبقعتـيـن الله مطهـر جـوها واترابهـا

هههههه الله يسهل عليك ياحبيب ويخرب بيت الفنان الي حطك في الموقف ,,


فزاع اررحب يافزااع اقسم بالله ان عليك مواضيع تشررح الخاطر يالغالي ,,

بيض الله وجهك والله لايهينك وصح لسااان الشعراء ولاهانو وصح قلبك ولاهنت .




فيك البقاء ياخالد وتسلم ووجهك ابيض والله لايهينك طال عمرك

تشرفت بمرورك

حلو تطرق خالد لبعض النقاط اللي كنت باتكلم عنها بس بشكل غير مباشر

اولا .. حبيب كفو لشخصه وكفو لشعره وهامه كبيره ودخل تاريخ المحاوره من اوسع ابوابه وتربع

ولكن ليس للشعر امير او ملك .. ويصيب ويخطي ولا نلومه اذا ماحالفه الحظ ليله او ننقص من شعره
لا والله يقولون السعد يحضر ويغيب

اعترض غازي القصيبي على تسمية الشاعر الفحل احمد شوقي بامير الشعراء
لان الفيصل هي الكلمه وربما تؤخذ حكمه او فكره من شاعر صغير سن او متوسط
القوه ف الشعر وهنا بيت القصيد ..



تقول عبدالله قوي في المحاوره هذي بالفتل وحبيب بالنقض .. مادري هذا تحليلك الشخصي
او انت ناقله ...

اولا الفتل مفروض عند حبيب لانه البادي والنقض عند عبدالله ومثل ماقال خالد عبدالله قلب
الطاوله وخلا حبيب اللي ينقض ومفروض مايصير كذا

حبيب بنفسه في مقابله معه يقول مافيه شي اسمه فتل ونقض .. وهذي كانت فلسفه من حبيب
وغطرسه ماعرف يتخارج منها وكانت على المرقاب اول مافتحها

حبيب حضرت له محاورتين مع فلاح القرقاح حبيب فيها عرف حدوده وعرف ان الله حق
ووقف على المقرفون يوم زعل جمهورحبيب المتعصبين قال فلاح اخوي ولا ازعل عليه
وحنا كلامنا في حدود الملعبه .. ويحسب له الموقف لكن شعريا افحمه القرقاح في المحاورتين

وارجع اكرر لاينقص كلامي من قيمة حبيب شئ وانا اعرفه شخصيا وجلست معه واعرف الميزاني
زين وجاني ف البيت وخاويته واعرفه وترى الناس تعرف الكثير والكثير وانا اخوك


ما بيك تندفع بشئ يحسب عليك ..


حبيب لاهو ملك محاوره ولا الميزاني عفريت شعر لهم حزات وحزات مثل غيرهم

سلامي واحترامي لابو فيصل من هالمقاااااااااااااال
ولابوغازي عسا نشوفهم في محاوره قريبه ..



آسف ع الاطاله لو ان ودي اسهب شوي واوضح والناس تعرف اكثر مما اعرف




لاهنت يا فزاع وسلمت

اولاً ارحب يابو بداي ارحب حياك الله

وجميع التعليق الذي اكتبه في مواضيعي هو من افكاري وبقلمي مالم اشر عليه

ثانياً يعلم الله ثم يعلم الله ان جميع كلامي عن حبيب ليس من باب الحميه ولا العنصريه

لكن هو الواقع من وجهة نظري واوجه انظار الكثييييييييييير من هوءات الشعر


اما تسمية ملك القلطه فهذا الواقع يحكم علينا نقول كذا وكلام القصيبي رحمه الله

يعبر عن وجهة نظره ولا ناخذه بعين الاعتبار صحيح ان الشعر ماهو محصور لأحد وليس له قائد معين ولكن بحكم الزمن قد يتفوق شاعر على ابناء جيله ويسحب البساط من تحتهم ويكون هو احق بذالك اللقب من غيره .

وكلامك حينما قلت حبيب البادي ومن المفترض يكون هو من يفتل ؟

هنا اقول لك هذا احد مميزات حبيب التي نتكلم عنها حيث يطلق العنان لشاعر في البدايه

ثم يقعد له بالمرصاد .

اما القرقاح شاعر كبير ومعروف اما يفحم حبيب العازمي لاعتقد بحكم متابعتي لجميع محاوراتهم

حيث الفرق بينهم كبير جداً القرقاح شاعر حماسي وحبيب محترف مقالب ويوقعه في كثير من الحفر

التي لايفهمها القرقاح وكلام حبيب يوم تقول طلع على الميكرفون هذا تواضع من حبيب وطبعه

دائماً فهو لايمدح نفسه ويحسب الهزيمه عليه رغم ان لامقارنه له مع غيره .


تحياتي لك ولاهنت على مرورك يالامير

تسلم كلك ذوووووووووووووووووق

صح ما افهم في هالنوع من الشعر كثييير
لكن عجبتني والله تصدق إبدااااااااع وجود مثل هالشاعرين و إثراااء للساحة
فزااااع سلمت يداااك خوي
لك إحترامي و تقديري..

اوكي طالما هذه وجهة نظرك ف حبيب ملك ملوك المحاوره والشعر

لا والرسم تراه فنان تشكيلي رائع بعد ..

ولايقهر ولا يرد ..

ارجع لمحاورة الدمام حفلة تخرج الضباط العتبان وشوف حبيب البادي
وكيف انقلبت عليه لانه تغطرس واكلها ...........

ولحقتها موقعة الجبيل اللي طلع فيها متواضع على قولك واعتذر وهو مرغم وليس راضي


وين راح تواضع حبيب مع بن مشيط في محاورته معه المشهوره اللي بدها حبيب
بطل يلعب مع بن مشيط .

وين راح حبيب عن موال تركي .. اللي يقول فيها ( يعني لازم موال ) وما لعب على الموال


فاذا كان مثل ماتفضلت ملكا لمحاوره وحصلت له هذه المواقف فتحسب عليه مرتين ( مر انه شاعر
والثانيه انه ملك الشعر .. )



واكرر وما زلت اقول لااقلل من قيمة حبيب وهو شاعر كبير ف الشعر ولكن السعد يخضر ويغيب
ولا مدحك له راح يرفعه ولا كلامي عنه راح ينقص من قامته الشعريه ..


ووجهات النظر احترمها وكل شخص يحق له التعبير عن رايه خذ مثلا
سئل عبدالله المسعودي عن الشاعر الند امامه .. فقال

لم اجد شاعر يفهمني الا اذا كان شليويح بن شلاح الكلام هذا في ديوانه حسب رواية المؤلف
هل يؤخذ هذا كلام مطلق من شاعر كبير زي عبد اله المسعودي هذه وجهة نظره ورايه
ولكن لااحسبه كلام مطلق على جميع الشعراء لان الشعراء لهم راي والجمهور له راي


شكرلسعة صدرك ولاهنت وتسلم