القصيده التي شاركت بها في مسابقة شاعر الملك

القصيده التي شاركت بها في مسابقة شاعر الملك

هذي القصيده شاركت بها في مسابقة شاعر الملك اللي تغطي احداثها قناة المرقاب ..
واللجنه اثنوا على القصيده واشادوا فيها ولكن لم يكتب لي الحظ ان اتأهل لمرحلة النهائيات

.

.

.

حبيت اضعها هنا فإليكم

ياباسط السبع الاراضي تحت سبع(ن) من سماك
إلْك الشكر من عبد في نجواك ياربي سلك

اسألْك عفوك والهدى واسألْك رحمْتك ورضاك
واسالْك امن بلادنا من كل شر(ن) واسألك

تحفظ لنا منهو حفظ بيتك ولا والى عداك
عبد الله اللي في فعوله قد نصاك ووكلك

ربي يسدد لك يابو متعب على الطاعه خطاك
في جيَتك ياسيدي كل(ن) جرى يستقبلك

وبغيبتك كل(ن) دعى جعلك بنعمه ياعساك
ماطولْك ياليل(ن) وابو متعب بعيد(ن) ماطولك

ياسيدي يابن السعود اليوم جددنا ولاك
ونجدده لك عد مادارت مصابيح الفلك

قلوبنا ارض ابتنت لك مابتنت لحد(ن) سواك
وعيوننا ويا هدبها والجفون تبجلك

الشعب ياسلم الوفا ياراية العز اشتراك
من آخرك نشريك ياصقر العروبه لاولك

خذنا كباش نحورها للموت ممدوده فداك
خذنا وتلقانا ليا جات الصعاب نجملك

حن شعبك اللي لو يشين الوقت والله ماعصاك
وانت الشجاع اللي ليا ضاق الزمان نحصلك

حن شعبك اللي بعد ربي ما اتكل الا علاك
وانت الصدوق اللي بنيَة حق باشرت اعملك

حن شعبك اللي بالنعم نشكر وربي قد عطاك
وانت الكريم اللي كرم حاتم نساه وقبلك

ياجعل روحه جنة الفردوس منهو قد بزاك
اخلاق . متواضع . كريم . وحب شعبك كملك

شفنا الشعوب اتحرَق انفسها وفي وضع ارتباك
من شان قادتها تطيح احد(ن) بكى واحد(ن) هلك

وحن كل منا قام يحرق نفسه لحد الهلاك
نهلك لجل تبقى يابو متعب على شعبك ملك

وسلامتكم

المصدر: الملتقى الجماهيري للشاعر محمد بن فطيس المري

وحن كل منا قام يحرق نفسه لحد الهلاك=نهلك لجل تبقى يابو متعب على شعبك ملك
بيت جدأ اعجبني صح السانك وفالك الطيب

اقتباس المشاركة الأصلية كتبت بواسطة مـبـهـذل الـشـعـار وحن كل منا قام يحرق نفسه لحد الهلاك=نهلك لجل تبقى يابو متعب على شعبك ملك بيت جدأ اعجبني صح السانك وفالك الطيب

صح بدنك ولا هنت .. لك مني كل الود.. أخوك أمير الشريف

صح لسانك قصيدة جزلة من شاعر جزل ....
تقبل تحياتي ودمت بخير

بسم الله الرحمن الرحيم

صح السااانك قصيده رووعه

سلمت يمناااااك

تقبل مروري

اقتباس المشاركة الأصلية كتبت بواسطة مـن بـيـن أخـوان مـريـم بسم الله الرحمن الرحيم صح السااانك قصيده رووعه سلمت يمناااااك تقبل مروري

صح بدنك .. مرورك يشرفني اخ يالغالي .. لا خلا ولا عدم

وكيف لآ يجيزون هذه الدرر المكنونة هنآ ؟ .!!
شآعر جزل .. ومن الوزن الثقيل ..!!
ولعلهآ خيرة لك يابعدي ..!!
صح كلك ..!!

اقتباس المشاركة الأصلية كتبت بواسطة عبآدي الزهرآني وكيف لآ يجيزون هذه الدرر المكنونة هنآ ؟ .!! شآعر جزل .. ومن الوزن الثقيل ..!! ولعلهآ خيرة لك يابعدي ..!! صح كلك ..!!

الجزاله لا تكمن الا بتواجدك اخي العزيز .. مشكور على الاطراء .. لك أجمل تحيه

انت لحالك يالامييييررر


صح الله لسانك ويستاهل ابو متعب هالجزاله


شاعر مافيك حيله وومشرف ماقفك ومشاركتك


ونفخر والله بشاعريتك في كل محفل


لا خلا ولا عدم يالامييرر


اخوك

ابو مشاري

اقتباس المشاركة الأصلية كتبت بواسطة أبو مشاري انت لحالك يالامييييررر صح الله لسانك ويستاهل ابو متعب هالجزاله شاعر مافيك حيله وومشرف ماقفك ومشاركتك ونفخر والله بشاعريتك في كل محفل لا خلا ولا عدم يالامييرر اخوك ابو مشاري

صح بدنك ولا هنت يابو مشاري .. الله لا يحرمني من ردودك المحفزه .. احترامي وتقديري لشخصك الكريم ..