قبل امس الأحد قابلت سلطانه \ على درج بيتهم والباص جايبها

قبل امس يوم الأحد قابلت سلطانه \ على درج بيتهم والباص جايبها

قصائد اعجبتني ونقلتها لكم من بوابة عفيف

وهي للشاعر عضو منتديات بوابة عفيف ابو ملفي الروقي




قبل امس يوم الاحد قابلت سلطانه
على درج بيتهم والباص جايبها


من مدرستها صلاة الضهر تعبانه
بالرمش تشر وترفعلي حواجبها


قلت السلام وترد بصوت خجلانه
صوت الغلا اللي عروق القلب يجذبها


يالربع ابو ملفي احتزمو على شانه
تجمعو كلكم روحو لشايبها


قولو غلاها بقلبه سم شريانه
واليوم جايك على المكشوف يخطبها


انكان وافق دفنا فقر جدانه
لو يطلب اموال قارون لنجيه ابها


وكانه تعذر عذارن مالها خانه
ابا اخطف البنت من بكره واهج ابها


لدبي والا لبن قابوس وعمانه
اهم حاجه نجي دارن نعيش ابها


وانا سنافي وهاذي عندي امانه
اوعدكم اني لجي واروح مقربها


تعيش كنقه مثل حمدان وخوانه
وسمن الهرافا لدسمبه شواربها


غربه وهم وتعب لعيون سلطانه
اهم حاجه حيات الحب تعجبها



((( عرووووسه )))




عهـدي بها يومنهـا ترضع الـديـس
واليـوم ماشـاء الله عليها عـروسـه


كبـرت يامشـاءالله وحـنا مفالـيـس
تـكبـر ولاتـثر عـلـيهـا الـعـنوسه


الـزيـن ماخـذتـه بمتر ومقـايـيـس
وردة جمـالـن فالجـمال مغـروسـه


ماشجعت كاكـا وميسـي وتوريـس
وفـن الحـضاره ماتعـلم طقـوسـه


مادردشـة فبـلاك بيـري وفالفـيس
مـن صغرهـا فـي بيتها ومحروسه


ماشمهـا غـير الهوا والنسانـيـس
يــردع لشفتـها النقـاب وتبوسـه


قلبي تعـلق فالعـيـون النواعـيس
والكبد مـن حر الفـراق محموسـه


تجيبهـا الاحلام طـيف وكوابيـس
واروح انا والحب والحـلم حـوسه


فالحلم اصيـف يـم لندن وباريس
واليا صحيت بنجد اصالي شموسه


.

المصدر: الملتقى الجماهيري للشاعر محمد بن فطيس المري

الله يعطيك العافية يا فزاع المرشدي
قصيدة رائعة طيب ما رايك في قصيدتي
اللي نقلتها لكم قصيدةالطايش

اقتباس:
المشاركة الأصلية كتبت بواسطة مخاوي الدروووب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله يعطيك العافية يا فزاع المرشدي
قصيدة رائعة طيب ما رايك في قصيدتي
اللي نقلتها لكم قصيدةالطايش




الله يسلمك ويعافيك الرائع مرورك يالغالي

وقصيدتك ابشر ان شاء الله اشوفها واقولك

فزاع صح السان شاعرها وتسلم يمينك على الانتقاء الجزل
اعذب التحايا

اقتباس:
المشاركة الأصلية كتبت بواسطة بدر الشدادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
فزاع صح السان شاعرها وتسلم يمينك على الانتقاء الجزل
اعذب التحايا




ارحب يالامير الله يسلمك ويعافيك ياصديقي بدروووه


ولاهنت على مرورك طال عمرك

مبدع يبن الخال مواضيع جيده ونقل موفق لاهنت اتحفتنا جزاك الله خير

اقتباس:
المشاركة الأصلية كتبت بواسطة محمد راشد العويلي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مبدع يبن الخال مواضيع جيده ونقل موفق لاهنت اتحفتنا جزاك الله خير




ارحب يامحمد ارحب الابداع مرورك طال عمرك

والله لايهينك شرفني حضورك

صح لسان الشاعر وابدعت ي فززززززاع دومك متميز

اقتباس:
المشاركة الأصلية كتبت بواسطة ريف الصبا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسان الشاعر وابدعت ي فززززززاع دومك متميز



الله يسلمك ويعافيك ياختي

المميز مرورك طال عمرك

نقل مميز وطرح راقي
أهنئك على ذائقتك الشعريه الفريده
شكرا لك