العام اخذت البيرق وصـدت العقـاب

العام اخذت البيرق وصـدت العقـاب

محمد بن فطيس المري .. شاعر لا يشابهه احد في جيله ..
جمع بين الشعر التقليدي والحداثه بشكل مميز لا يتقنه الا محمد بن فطيس ..هذه رائعه من روائعه .. أحببت أن أنقلها لكم .."

العام اخذت البيرق وصـدت العقـاب
يوم الرجال حلوقها مـن دون ريـق
أسرجت شعري والجماهيـر الزهـاب
وإسنادي بـلاد وولـد عـم ورفيـق

وحوّلت فالوادي وهو دونـه ضبـاب
مدري ورى الوادي مطر ولاّ حريـق
كم فـارس وده يحـوّل غيـر هـاب
يستوحش الماخوذ لاشـاف المضيـق
أقدمت والفرسـان ترتـاب
وتهـاب أجـرّي الهيّـاب وأجـرّ الطـريـق
ومثّلـت داري بالقصيـد وبالجنـاب
من الشمال إلى العديـد إلـى العريـق
ترابهـا بالحـسّ ماحسّـه تــراب
وحزومها تسـوى الزمـرد والعقيـق
ومثّلت راية من تليـن إلـه الرقـاب
صليب راي وكفو وحجاجـه طليـق
ممشـاه للعليـا ذهـاب بـلا إيـاب
الشيخ ابو مشعل حمـد علـمً دقيـق
ومثّلت كل الشعب من شايب وشـاب
بدو وحضـر تاريخنـا عـزً عريـق
ومثّلت ربعً فالوغـى مخلـب ونـاب
مريّـةً تاريخـنـا مـاهـو لفـيـق
حن مزبـن اللـي لايجـار ولايثـاب
وحن فزعة اللي ذودهم راحت وثيـق
أقدامنـا جبـال وعمايمنـا السحـاب
وأمجادنا تشبـه سهيـل إلهـا بريـق

ومثّلـت يـام بكبرهـا والإنتـسـاب
إلى بنـي همـدان نجـمً لـه شعيـق
الله خلقنـا سيـلاً متونـه هـضـاب
كـل السـدود يحطهـا حـبً دقيـق
شاركت متوكل على منشـي الحقـاب
وحزامي من الشعر والعـدّة يضيـق
وطرقت بيبان القواقـي بـاب بـاب
وقدّمت ماشفتـوا جميـع إنـه يليـق
وحشمت أذانيكم عن سقاط الخطـاب
ورقيت بأيديكـم علـى قمـة طويـق
وعدت داري بالفخـر قبـل الكتـاب
ووفيـت بأمـر الله بالعهـد الوثيـق
وسترت بأفعالـي مزينّـة الخضـاب
وقهرت عدوانـي ونومسـت الرفيـق

ولطم بعيري شـوط واحـد للركـاب
يقـوم راس وينتهـي ماهـو زريـق
ومن كف ابو خالد تسلمـت النصـاب
من كف من عينه على القمـة تويـق
شيخ يروم المجـد ويـروم الصعـاب
خلّى الشعر من نومـة الغفلـة يفيـق

واليـوم لاوالله شفـت القـاف شـاب
صار الشعر كورة وكلً له فـر يـق
وضاع الهدد بيـن الحديـا والغـراب
وضاع الصهيل مكرّمين مـن النهيـق

إلا الرجال اللـي قصايدهـم عـذاب
اللي لهـا معنـى بهـا حـسً رقيـق
لاتشعـل الفتنـة ولاتطـرد سـراب
ولايـرقّـع مانقصـهـا بالزعـيـق
بس العرب ماعاد تـدري بالصـواب
ماميّزوا ويش الزفيـر مـن الشهيـق
من جاب ضيعة قيل شوفوا ويش جاب
انا اشهد انه جاب لـه معنـى عميـق
الذيب كانـه ذيـب يـدرع فالذيـاب
يخلـي الخرفـان للضبـع العـويـق
ماجيت انافس جيـت دعمـاً للشبـاب
وفوزي دمه عاده على القمـة يريـق

كفوا يابو حمد أنها آشهد أنك قٌدهــــــــــا

المصدر: الملتقى الجماهيري للشاعر محمد بن فطيس المري

وفوزي دمه عاده على القمـة يريـق


وانشششششهد .

صح لسآن شاعرنا ,,وتسلم يمناك عالنقل ولآهنت.

من روائع شاعرنا
واهي مميزه كتميزه
لا هنت اخوي سعود

الذيب كانـه ذيـب يـدرع فالذيـاب
يخلـي الخرفـان للضبـع العـويـق


لبا الختيار كنك داريبي والله توني كنت اسمعهاا باليوتيوب بشاعر المليون هع هع

اشكرك على نقلك لهاا

مريت

وعدت داري بالفخـر قبـل الكتـاب
ووفيـت بأمـر الله بالعهـد الوثيـق

صحْ لسانه
أنشهدْ أنه وفى بالوعدْ وجاب الكتابْ والفخرْ والعزْ
ويستاهلْ ابو حمدْ حوى المراجل كلهآ في شخصه وفي شعره ..

يعطيك العافية اخوي ..

بس العرب ماعاد تـدري بالصـواب
ماميّزوا ويش الزفيـر مـن الشهيـق
من جاب ضيعة قيل شوفوا ويش جاب
انا اشهد انه جاب لـه معنـى عميـق


أنشهد انه صدق

جعل ربي يدم ذا الوجه يابو حمد

مشكورين جميعا على هالمرور المشرف

لاهنت ع طرح تسسسلم يمناك
ودي,.
آهات

الله الله عليك يابو حمد وصح الله السانك وانشهد انك كفووووووو وشاعرا جزل ومشكور ياسعود على النقل الرائع

ودي وتقديري

مشكورين على المرور ولاهنتم