إحساس شاعر

إحساس شاعر

يالله يالي بقدرتك ترزق الناس
تشفي جروح الي جروحه عنيده
سر ياقلم واكتب على كل قرطاس
إحساس شاعر ساكنٍ في وريده
وارسل معاناته الى ساير الناس
من فكر شاعر تصطلي به وقيده
بعض البشر في رفقته ترفع الرأس
نظيف قلب وله صفات حميده
الصاحب الي صحبته دوم نوماس
ليا نخيته بالليال الشديده
يفز فزة اشقر الريش قرناس
ليا كفخ يم القطاة الشريده
وبعض البشر يمشي على درب الانجاس
اهل الفعول الخايبه والبليده
يا شين رجلٍ في قفا الناس عساس
يمشي على درب الحسد والنقيده
لا خير في رجلٍ كذوب وهلاس
عاله على ربعه ولا احدٍ يريده
هاض الخفوق وشوش الفكر وانحاس
وابدعتها وحبكتها في قصيده
وختامها صلو على سيد الناس
عد الجبال الشاهقات المديده
الي بعث بالحق قدوة ونبراس
راع الصفات النادرات الفريده

وسلامتكم ولكم مني كل الحب والاحترام . نصائحكم دعم لي وتوجيهاتكم طريقي الى الابداع وانتقاداتكم سلاحي وعتادي فلا تبخلون علي بارائكم ودمتم بخير ...

المصدر: الملتقى الجماهيري للشاعر محمد بن فطيس المري

اللهم صلي وسلم على نبينا محمد وعلى اله وصحبه اجمعين


وبعض البشر يمشي على درب الانجاس
اهل الفعول الخايبه والبليده


تكرم عنهم يالطير

قصيده تجلت فيهاا الشخصيه اللي تحملهاا

من طهر وعفه وحب الطريق السليم والمشرف

ماقول الا ونعم والله يبيض وجهك على هالجزله

استمتعت بقراءة هالنص الزاخر

تقبل مروري واعجابي

أخوك ابو مشاري

اللهم صلي وسلم على خير خلقك .
صح لسآنك يالطير ..ولآهنت على النص القّيم.

تحيآتي وتقديري .

ماشاء الله عليك
قصيده جزله وجميله
لاهنت وتقبل مروري

صح لسسـأـأـأنك

شاعر جل ومتمكن ماشاء الله عليك

صح لسانك وفالك التوفيق

كل الاحترام والتقدير

تحياااااااتي

الطير الرحال قصيده لا يختلف فيهاا ثنين قصيده روعه وكثر

اشكرك عليهاا

تحياتي لك يالغالي

الله الله عليك وصح الله السانك مبدع
ودي وتقديري

.. الطير الرحال


ااالله االله عليك

مبدع وعلى القوه يالذيب

بالتوفيق

تحيه لك