ضيـــدان انا اسمي دهام موهب فواز..ضيــدان بن قضعان - الملتقى الجماهيري للشاعر محمد بن فطيس المري

الاوسمة · #1 06-29-2011, 04:51 PM

ضيـــدان انا اسمي دهام موهب فواز..ضيــدان بن قضعان

اسعد الله اوقاتكم بكل خير
وهــا انا اتيت لكم بقصيـــدة
للـشاعر الذي دائما( يغرد خارج الســـرب::ضيــدان بن قضعــــان العرجاني

وهــي عباره عن محادثه بينه وبين الطيـــر

/

/

/

/

/

/

قآل الـطيـر /

ضيدان أنا أسمي دهام ما هوب فواز
............ أما أدعني يا دهام ولا بلاشي

ما هوب حق تغير أسمي بـ الآرمآز
............ وأنا عذاب الخرب لا أقبلت حاشي

رد ضيـدآن/

لعيون بعض الناس سميت فواز
............ أسم يشابه لاسم صعب المناشي

اللي غلاه بثومة القلب حزاز
............ تقبل له طعوني وتقفي عطاشي

قـآل الـطـير /

ما أرضى تسميني عليها ولا جاز
........... تغيير الإسم إلا بذبح الكباشي

إذبح تميمه وأقلب الإسم فواز
........... إذا ذبحت الكبش ما صار ماشي

رد ضيـدآن/

يـآ فواز تكفى فكني بـ التلعواز
.......... الحل عندي وأسمع العلم كاشي

لازم تشوف اللي لها القلب ينحاز
.......... عقب (ن) تجي فواز ولا شلاشي

قـآل الـطـير /

يالله مشينا والعمر يبغي إنجاز
........... يا ما نجز بالهدي ولا عرآشـي

قم جهز اللي ذاخرينه وممتاز
........... وعلي الطلاق إن عزبته من معاشي

قآل الطـيـر /

أنا أشهد إني يابن قضعان فواز
............ واني بعد فواز جاني خراشي

ياحظ قلبك يوم في حبها حاز
............ كحيلة ما عاشرت كل لاشي

ياليتني رجلٍ لو أمشي بمعكاز
............ وأنخاك وأنخى مبعدين المعاشي

وأنهض لطيف الروح وأجلا لشيراز
............ وأقضي بقايا العمر ما أحتر جاشي

في شرع أبن حنبل بتأكيد ابن باز
............ معروف راعي الحب قلبه هشاشي

وأنا لوصل ملوع الشيخ معتاز
............ أعوز من فراق السبوق الرواشي

أبا أتمنى والتمني به الغاز
............ ياليت جنحاني لخلك فراشي

مما راق لي
المصدر: الملتقى الجماهيري للشاعر محمد بن فطيس المري