حــذراااك

حــذراااك

حذراك حذرا .. حذراك حذراك
لاتبتلي بجروح يصعب دواها

والى مشيت اعرف دروبك وممشاك
احرص على نفسك وخالف هواها

امارة بالسو ماهي بتنهاك
اقبض عليها لين يجلى صداها

اقطع نواياها بدينك وتقواك
هلل وعند الله سريع شفاها

والعين لاتنظر بها من تعداك
المحصنه لو تلتفت لك وراها

اصبر على همك وغمك وبلواك
عف وتعفف لايغرك حلاها

واترك حرام القوت ماهو ب يملاك
كل البطون الجايعه ما ملاها

رشفة حلال تسد جوعك و مظماك
تسوا مشاريب الحرام وغثاها

النار في جوفك وتصلى حناياك
نارالجحيم تزيد للي وطاها

و أحفظ لسانك لا يجرك ويبلاك
اخذ الثمينه لو غلا مشتراها

الهرج ميزانك ويكشف خفاياك
كلمه تعيبك لا تبين نباها

صون الكلام وصون نفسك ومبداك
للنفس حشمه لا تفصم عراها

اصمت مادامك عارف سيل مجراك
لا تنقل النمه وتبحث خفاها

يزول قدرك عند اقرب دناياك
لو هو ولد عمك حياتك جفاها

واحلم تراه الحلم يرفع مزاياك
هوسيد الاخلاق هو مبتداها

وصى به المبعوث ماهو ب يخفاك
شفيعنا يوم الملاقات طه

خل الجهل لاتجعل الغيض ياطاك
ترا الجهل سم القلوب وعماها

واذا ابتليت ارفع الى الله شكواك
لا بدها الايام تكشف غطاها

اصبر يزين الحظ ويزين مرماك
الله يفرجها ويدفع بلاها

لا تمنع المحروم لامن تنصاك
الناس لجل الناس واحسن عطاها

ابذل لوجه الله والله يجزاك
بمثل الغروس الطيب للي سقاها

لا ضاع معروفك ولا ضاع حسناك
إن كانها لله تلقى جزاها

جارك ولو هو جار،تسقيه من ماك
عليه لا ترفع يدينك عصاها

احسن جوار الجار لو كان يشناك
ترا العرب تحشم كلاب قصراها

بكره يشد*ويكتب الله فرقاك
عساه يذكر جيرتك مانساها

الظلم شين ويجعل النار مثواك
راعي الظليمه عيشته ما هناها

فوقك إله العرش عالم نواياك
ينظر قلوب الناس وش محتواها

يسمع بما تجهر و عالم خفاياك
بإمره شروق الشمس ترسل ضياها

هو عالم غيبك وركب خلاياك
هو خالق فيك العروق و رواها

والضيف له حق الى حل بحماك
قلط ضيوف الله واكرم لحاها

لا تحقر الضيفان وتشح بغذاك
مما عطاك الله قلط عشاها

وعليك باللي ساعة الضيق يفداك
لاشانت الدنيا ودارت رحاها

لامن زهمته لو على الموت لباك
عيني لجل عينك و روحي فداها

ترا الخوي نبراس روحك و ملجاك
لا كلحت بقعا* وزادت غثاها

حذراك من بعض المخاليق حذراك
بعض العرب ماتفرقه من نساها

تايه وضايع بين ذولا وذولاك
فيه الجهاله واصل منتهاها

المصدر: الملتقى الجماهيري للشاعر محمد بن فطيس المري

تسلم يمينــك ويسلم لنا هالذوق
ابياات في قمة الروعه

اقتباس المشاركة الأصلية كتبت بواسطة بنت الروقه تسلم يمينــك ويسلم لنا هالذوق ابياات في قمة الروعه

بنت
يعطيييج العاااااافيه
ع المروووور

من اجمل ما قرات من النصوص الشعرية لاهنت يا عبد العزيز على النقل المميز
ملاحظةالشطر الاول مهو موجود) يعطييييييييك العافية

اقتباس المشاركة الأصلية كتبت بواسطة هداج من اجمل ما قرات من النصوص الشعرية لاهنت يا عبد العزيز على النقل المميز ملاحظةالشطر الاول مهو موجود) يعطييييييييك العافية

هداج
اشكرك ع المرووور
اذا البيت الاول ماهو موجود
اكتبه لي

اقتباس المشاركة الأصلية كتبت بواسطة عــبــدالــعــزيــز هداج اشكرك ع المرووور اذا البيت الاول ماهو موجود اكتبه لي

من زمرة الطاغوت حذراك حذراك

لا تبتلي بجروح يصعب دواها

ولك مني اجمل تحية يالذيب

رووووعه
يسلمووو

واذا ابتليت ارفع الى الله شكواك
لا بدها الايام تكشف غطاها

اصبر يزين الحظ ويزين مرماك
الله يفرجها ويدفع بلاها


تسلم يمناااك ياااعز قصيده جزله تحوي حكمً قيمه
يعااافيك ربي

اقتباس المشاركة الأصلية كتبت بواسطة ~{سوافي~الريح}~ واذا ابتليت ارفع الى الله شكواك لا بدها الايام تكشف غطاها اصبر يزين الحظ ويزين مرماك الله يفرجها ويدفع بلاها تسلم يمناااك ياااعز قصيده جزله تحوي حكمً قيمه يعااافيك ربي

الريح
اسعدني تواجدج في صفحتي
اشكرج ع المروور
تحيااااااااااتي

صح لسآنك ..

وتسسسلم يمينك ع النقل الطيب ..وهي من آحب القصآيد لقلبي ..

انششهد انك ..عرفت تختآر ..يا عبد الع ـزيز ..