رعود القصايد

رعود القصايد

دنت رعود القصايـد وبارقهـا يلـوح
وامطرت سحابة الحرف وسمّا إخيالهاا
فوق مدهال المحبين والصدر السمـوح
وجرة(ن) لو سال سيل الحيا مازالهـاا
لعنبو من لامني فيك ياالوجه الصبـوح
مهرة(ن) بين الحنايـا وانـا خيالهـاا
تستحي من عاطفتها وتبطـي ماتبـوح
وتخجل إمن إثيابها وتجفل إمن إظلالهاا
سلمتني قلبها واخذت قليـب(ن) وروح
عاشق(ن) يروح فيها لا شم إشيالهـاا
حبها عطر المعاليق وطب(ن) للجروح
سمي وموتي هدبهـا وحبـة خالهـاا
بري حالي لا تثنـت وعاتقهـا يفـوح
غبت مع ريح المعتق وريح إجلالهـاا
ياحمام الورق يلي على الطاقه تنـوح
نفسي القشرا بنوحك مهوب أشوالهـاا
هب ياقلب المعنا وياالوقـت الشحـوح
تخرب بيوت الرجاجيل وتهدم حالهـاا
إقلطي ياباشة الغيد وابني لك صـروح
في حشى بندر عسى الخايبات إفدلهـاا
منكتب حبي وحبك قبل نخلـق بلـوح
يابعد روح الغـلا والحنايـا وجالهـاا


لشاعرها / بندر السديري

المصدر: الملتقى الجماهيري للشاعر محمد بن فطيس المري

صح لسان الشاعر

ويسلم الذوق اختيار جميل

تسلم يمناكي

صح لساااان شااعرها ولاهنتي ع الاختيااار المميز ..

لك ودي ..

حبها عطر المعاليق وطب(ن) للجروح
سمي وموتي هدبهـا وحبـة خالهـاا
بري حالي لا تثنـت وعاتقهـا يفـوح
غبت مع ريح المعتق وريح إجلالهـاا
تسلم والله يمينك ي بنت برقا انتقاءك موفق


ودي احترامي

ربي لايحرمني من هالتواجد العطر