الله يبارك في النصيب

الله يبارك في النصيب

ارحبي ترحيب مسجونن لقى مفتاح قيده=ارحبي واعداد ماهي تشرق الشمس وتغيب
والله اني منتظر لحظة قدومش يافريده=لين قربنا النصيب الله يبارك في النصيب
قبل اعرفش والله اني ماعرف انظم لي قصيده=ثم عرفتش يالغلا واصبحت شاعر لا واديب
قبل اعرفش راسي اسود كن لونه لون حيده=ثم عرفتش وانتشر بين الشعر يابنت شيب
أجتمعنا ياجميله والعمر فرصه وحيده=نعنبو من لا يعيش بحظرتش عيشة نقيب
واسمعي يابنت عمي ويش آقول ووش يريده=قلبي اللي صار لهموم الزمان افضل نسيب
والله اني دارسن ذا الوقت وايامه شديده=وامتلكت امن الحياه الشاحبه خبرة نجيب
ودي انش تسمعين القول من فاه البعيده=خير منش تسمعين القول من فاه القريب
والله ان اقرب قريب اليوم بيسوي مكيده=مايسوي نصها يابنت عماني غريب
والمصيبه من تحت راس العدو ماهي جديده=الجديده لا خدعك اللي تعده لك حبيب
لا تكوني ناب ذيب ولا تكوني جيد صيده=من غدى صلب انكسر .. من لان يعصر دون ريب
وانتي اصلا من نظرتش شفت أحلامي المديده=انبلج نور السعاده من غثى الليل الكئيب
شفت مبنى من سعاده جوهرة عينش تشيده=شفت عاجز في جبينش حول ذا العاجز طبيب
شفت بسمه من نقى يخشع لها صلب الحديده=شفت صدق وشفت شيمه شفت حنه شفت طيب
اشهد انش بالصفات اللي جمعتيها حميده=واشهد انش قد تمثلتي بمخلوقن عجيب
والحقيقه منتظر لحظة قدومش يافريده=لين قربنا النصيب الله يبارك في النصيب

المصدر: الملتقى الجماهيري للشاعر محمد بن فطيس المري

صح لسانك وتسلم يمينك يااارب...

اقتباس المشاركة الأصلية كتبت بواسطة مشاعر حزينه صح لسانك وتسلم يمينك يااارب...

صح بدنش .. وسلمش الله من كل شر .. الله لا يهينش

اول شي ارحب انت وصح لسانك مدى الحياه
واسمحلي اخوي ألقصيده هاذي من قلب أنا اعرف قصيد الصدق
من القصيد اللي وده يغني عموماً الله يهنئك ونص رااااايع كما انت
شاعر رائع. وتقبل تحيات اخوك سعيد القحطاني ولاهنت

اقتباس المشاركة الأصلية كتبت بواسطة سعيد محمد القحطاني اول شي ارحب انت وصح لسانك مدى الحياه واسمحلي اخوي ألقصيده هاذي من قلب أنا اعرف قصيد الصدق من القصيد اللي وده يغني عموماً الله يهنئك ونص رااااايع كما انت شاعر رائع. وتقبل تحيات اخوك سعيد القحطاني ولاهنت

البقى ياسعيد .. وصح بدنك .. ومرورك يشرفني يعلم الله .. لا هنت على العبور المحفز

.. صح لسانك .. أبيات جميله

اقتباس المشاركة الأصلية كتبت بواسطة عزاام .. صح لسانك .. أبيات جميله

صح بدنك .. والاجمل مرورك

ابيااات مميزه صح لساانك وربي يعطييك العافيييه وننتظر جديدك يالغلا .. لك ودي ..

اقتباس المشاركة الأصلية كتبت بواسطة غراااام نجد ابيااات مميزه صح لساانك وربي يعطييك العافيييه وننتظر جديدك يالغلا .. لك ودي ..

اصح الله بدنش .. والله يعافيش من كل شر .. لا هنتي

امير الشريف صح لسانك حتى ترضى

شاعر غني عن التعريف ولكن نص يستاهل التمجيد

دمت كما تحب اخي العزيز