يآلبى قلبه كل مآ قآل " لبيـه "

يآلبى قلبه كل مآ قآل " لبيـه "

صبحكم ... مساكم الله بالخير وكيف حالكم جميع وعساكم
على القوة اعذروني عن غيابي عنكم واجدد مشاركتي
الان معكم وفي خاطري قصيدة ابي انقلها لكم اعجبتني كثير
وان شاء الله تعجكم جميع



يآلبى قلبه كل مآ قآل " لبيـه "
ويالبى صوتهـ كل ما قال :لي هاهـ

بالحالتين ان ترجمت شفتهـ / إيه
أضيع من كلي وادورني ما القاهـ

يشل عقلي كل ما جيت أحاكيه
وأنسى أني أصلاً كنت في شي أبغاهـ

أذوب في حرفهـ وصوتهـ يحليه
.. واللي يجنني إذا حرّكـ إشفاهـ

وتعانقت من نشوة الشوق/ والتيه
وش حيلتي غير التناهيد والآهـ

يضماهـ سمعي وانتظر لين يرويه
. والمشكلهـ حتى وهو يمي أضماهـ

حُبهـ مثل طيرٍ يبي بيت يأويه
وانا ادري انهـ داخل القلب مأوآهـ

وحدهـ بقلبي دوم محدٍ يسآويه
وانا بقلبهـ طول هالعمر أملاهـ

الشوق محدٍ غير صوتهـ يدآويه
ويجذ نار الغيض فيني من اقصاهـ

صوتهـ مطر في جيتهـ في تجليه
تطفي عذوبة قطرتهـ شوق مضناهـ

صوتهـ صدى تغريد طيرٍ يغنيه
صوتهـ نسيم الصبح في طلعة ضياهـ

صوتهـ نغم تطربني رقة اغآنيه
صوتهـ عليه أدمنت ودوآي من دآهـ

صوتهـ هدير الموج لامر شآطيه
وانا بشوقي كل ما الريح وداهـ

يذهل شعورهـ مسمعي كل مدعيه
.. كني على ضفة بحر يحتري ماهـ

أرقب طيوفهـ كل ما زارني فيه
ويدق قلبي كل ما مر طرياهـ

وان حظّني وقتي بشوفهـ اداريه
عن كل مخلوقٍ يضرهـ وانا معاهـ

ما ودي حتى الشوكـ تلمس برجليه
واغار من نسمهـ / تداعب محياهـ

والود ودي وسط عيني أخليه
والحفهـ رمشي وبالعين أدفاهـ

يعيش بي حلمٍ سرقني بيديه
واعيش بهـ واقع مَلكـ كل ما جآه

لين أوصل بشوقي لحدهـ واناديه
واحاول القاني وانا ضايع وياهـ

ويرد لي من رقة إشفاهـ | لبيه
واضيع من ثاني وانا اقول لهـ هاهـ !

راقت لي وترجمت مشاعري وأحببتها لكم

المصدر: الملتقى الجماهيري للشاعر محمد بن فطيس المري

صبحك الله بالنور والسرور والشمع المنثور حياك الله ............

ابيات في الصميم ولك تحياتي ودي وصصصصصصصصصح لسانك

يشل عقلي كل ما جيت أحاكيه
وأنسى أني أصلاً كنت في شي أبغاهـ



ي لبييييييه صححيح
وتسلم علىى الذووق الرووعه

ماشاء الله
ذوق راقي مخاوي
ابدعت باختيارك الله يحفظك يارب