صوت من محمد الشريف وصدى من أمير الشريف

صوت من محمد الشريف وصدى من أمير الشريف

تحفض في كلامك والمعاني=وخل الصدق في صونة لساني
انا لامن كتبت البيت شامخ=مثل شامخ وقبات المباني
انا افصح يعربي لاقالوا إفصح=وانا الاول وثاني كل ثاني
انا متنبي العصر المعاصر=ولا كن عشت دهر العولماني
انا لب الكلام ومفرداته=وانا غر الصقيل لعظم شاني
ياأمير الغر عني وش علامك=ترى مافيه للمهره عناني
ليا منا عسفناها تراها=تصيراللين من اعواد اللياني
كلامك يارفيقي جاب ذكرى=لمعن ابن اوس في ماض الزماني
اعلمه الرماية كل يوم"=فلما اشتد ساعده رماني
لحد البيت ذا ماني مكمل=انا غر الصقيل لعظم شاني

المصدر: الملتقى الجماهيري للشاعر محمد بن فطيس المري

تسلم محمد
انت وامير عينان في راس
والعتب مرفوع
لبى قلوبكم

....
هنا صوت ، وان اتى الصدى ، سيتم نقلها للقسم المناسب،،
تحياتي يا رائع... وصح لسانك

الله الله الله

صح لسانك يا ابو علي شاعر ما فيك حيله

من حقك الفخر وكفو يا ابو علي ولكن هناك ملاحظه بسيطه

تصيراللين من اعـواد الليانـي
ال التعريف تفيد ان اللياني علم يعني نبات

ولو قلت تصير الين من اعوادٍ لياني هنا تكون لياني صفه للعود او مضاف اليه المهم انها تترجم البيت بالوجه الصحيح هذي ملاحظتي اخي العزيز

اما القصيده فهي شامخه بمعنى الكمه تحياتي وخالص تقديري

ارررررررررررررررررررررررحب يافهد الهباش وجعلك ماتهون مرور جميل وانت تقول
العتب مرفوع لاكن انا اقول القلم مرفوع ههههههههههههههههههههههههههه لاهنت لاهنت

اقتباس المشاركة الأصلية كتبت بواسطة محمد الشريف ارررررررررررررررررررررررحب يافهد الهباش وجعلك ماتهون مرور جميل وانت تقول العتب مرفوع لاكن انا اقول القلم مرفوع ههههههههههههههههههههههههههه لاهنت لاهنت

ههههههههههههههه
عاد انت واياه ابخص !!! ،،

صح لسانك يبو حسين ولاهنت شهادة افتخر بها من شاعر كبير بمثل حجمك
ولاهنت على الملاحضة .................................................. ...........

بعد مالله على مثلك هداني=بأعدك يامحمد من خواني
واطوع لك حروفي في القصيده=وافصل لك على قدك معاني
ولاني جاعلٍ راسي براسك=لأني لو نطحتك بآتعاني
انا املك كف ابو ليلى وعنتر=ولي تفكير عقل الاصفهاني
اصيغ الذم لكنّه بحكمه=وافل المدح لعيون الغواني
من عيون الشعر بانحت كلامي=مدام الله ربي قد عطاني
سكنّي في منام الليل جني=وسلمني حصان وصولجاني
ليا منه دعى للشعر داعي=لقيتوني معدني في مكاني
لقب شاعر بني هاشم خذيته=من الركن العراقي لليماني
انا الشاعر وغيري نص شاعر=وانا عشري حشى ترجع ثماني
وانا لا جيت اعد اية قصيده=يشيّب راس منهو قد قراني
قريت معلقات الشعر لكن=تهون بحظرة السبع المثاني
مثل ماني حضرت وقلت قولي=بطل مفعول قولك يافلاني
يابن عمي ترى ماهي غنيمه=اذا حنا غنمنا بس ضاني
نبى نغنم لك الله صافناتٍ=تسر اللي سكن خلف المحاني
ابى شاعر له العذرى تكحل=ليا منه تعنّى ثم لقاني
مابى شاعر يهج الزين منه=قصيده مايوثقها الضماني
يابن عمي قبل تبحر علينا=فشف لك بحر من حوله مواني
انا قدرت طيشك يامراهق=ولاني معتبر طيشك لفاني
(فإنا لو قسونا في شجاعٍ=تحَوّلَ من قوافينا جباني)

واش اقول وش اخلي

عندنا هنا الفرزدق وجرير
وتخيروا بينهم

لكن قسم اني قريت شعر بمعنى الشعر
اكتفي بهذا
واقول صح الله اللسان وسلم البنان
وانت ومحمد في الراس عينان

اقتباس المشاركة الأصلية كتبت بواسطة فهد الهباش واش اقول وش اخلي عندنا هنا الفرزدق وجرير وتخيروا بينهم لكن قسم اني قريت شعر بمعنى الشعر اكتفي بهذا واقول صح الله اللسان وسلم البنان وانت ومحمد في الراس عينان

مشرفنا العزيز فهد الهباش .. طلتك اضافة لي الشي الكثير .. انت من الناس اللي احب تواجدهم في متصفحي .. صح الله بدنك وتسلم على المدح يالغالي .. تواجدك يهمني .. لا هنت

امير لاهنت وبيض الله وجهك
وعساك سالم
قصيده جزله من راس جزل
لك ودي واحترامي