طواريق الفلس ..

طواريق الفلس ..

مرحوم يا هاك الشويّـب و لا مات = من لاح برقه بين سود الغمايم
الجاه يحيي الذِكْـر , قرمـ/ن وخدْرات = وان شان طبع الجاه ظلم وظلايم
والبارحه لي معْ طـوآريـه صفحات = باسباب مَنهن من بناتـه توايم
الاوّلـه يومـ/ن هجد ليلنا جآت = واشكي لها الاوضاع ما كان قايم
ابْرع لها بالشرح وتبْرع بالانصات = والصمت حكمة والوسايل عدايم
والثانيه فيها من الطيب حسْنـات = برّت بشايبْهـا جزيل الوسايم
في صوتها من جور الايام آهات = جرّة كمنجه في عذوبة نسايم
غنّت لـبوها وانتهى الحال بسكات = ودموع عيني ضمّـدتها العمايم
ايـا طـواريق الفلـس والمغبّـات = ما من سلامة نفس ولا من غنايم
ما جيت ادوّر اسكنك بس لحظات = والله يجازي ناقلين النمايم
والكوكب اللي اخلفنّـه مجرّات = لا عاد يسال وين قمراه هايم

وسلامتكم

المصدر: الملتقى الجماهيري للشاعر محمد بن فطيس المري

انا ادري المفروض انتظر لين تاخذ القصيده الاوله حقها ..
لكن حبيت اشارككم في هذي واشوف تحليلكم لها كـ شعّار او قرّاء متذوقين للشعر

وعشان اسهّل عليكم .. ابي اعرف من المقصود بالشايب ومنهن بناته الثنتين

واتمنى انها تحوز على رضاكم وانتظر ردودكم

لك مني اجمل تحية

اقتباس المشاركة الأصلية كتبت بواسطة من يسد بمكانه لك مني اجمل تحية

لا هنت عالمرور وتسلم على ردك

حمد انت شاعر بمعنى الكلمه وقصيده رائعه
وجزله وتسسسلم
وسجلني من العجبين

بيض الله وجهك وشهادة اعتز فيها ..

وانتظر منك الاجوبه ^_*

حمد السبيعي
وربي القصيده إنها تجنن

رووووعه
إنتا شاعر بكل ماتحمله كلمة شاعر
والله القصيده روعه
ماشاء الله عليك
عسى ربي يحفظك

وتستاهل أحلا تقييم

انت الاروع وردك روعه ..

توهقت ما عرفت ارد عليك خخخ

تسلم على هالرد الجميل والتقييم وكلامك شهاده اعتز فيها

مرحبا ياحمد .. والرساله بينه من عنوانهاا

والله يعز الطواريق دامها جابت لنا شيييخ ولا اقول شايب ..

ابيات رائعه ونص جميل اعجبني واستمتعت بقراءته

ولا خلا ولا عدم يالقرم واتمنى لك التوفيق

اخوك ابو مشاري

اقتباس المشاركة الأصلية كتبت بواسطة أبو مشاري مرحبا ياحمد .. والرساله بينه من عنوانهاا والله يعز الطواريق دامها جابت لنا شيييخ ولا اقول شايب .. ابيات رائعه ونص جميل اعجبني واستمتعت بقراءته ولا خلا ولا عدم يالقرم واتمنى لك التوفيق اخوك ابو مشاري

الاجمل ردك اخوي ... ولا ماني ماني بشآيب

ذكرتني في بيت قلته ..

اليوم صار العمر واحد وعشرين .. وصكّات بقعا واقفـه تطرق الباب

ولاهنت مره ثانيه