راحت الوسوم

راحت الوسوم

هــيــاض الفــكر وبـــله بـــروقه تخـــيله قـــوم
عــلى نــهـــج بــدون لـــشـوفة السيل عطشانه
لحقــته وخــاليــته ولحــقــنــي علــيه اعــلــوم
وصــفيــت الــشعـر حتى المــزن هــل ودانــه
وسمعت صوت رعد سحب من عيـونـي الـنوم
رشرش على اول عصيــر لين سالت وديــانـه
عـلى ويش اـنا بكتــب بـــمــدح ولا بــالــلــوم
لــكــن الله صـــفــف الــمـــزن ســبــحــــانـــه
من عقب الربيع حل الصيف وراحت الوسوم
وكــتــم كـــل ورد ٍ مـــســكـــه وريـــحــــانـــه
مـثــل مـالـدهر عـلى روس الـحــزوم رسـوم
عـلـى صــدري الــزمــن بــاشـكــال والـوانـه
وقـتٍ غــرابــيـلـه هـواهــا حــار وســمــوم
تــلافـــح عــلـى صـدرن زاد صــبره وكتمانه
نـــاس ٍشـيــخـــان بــردى وقــويــات عـــزوم
آي شــيخـــاً الا هــو طــاغــوته وشيــطـانــه
ونــاس ٍكـــبــار ٍ بــالــطــيــب طـــوال كــموم
اي كــبـــار الاهــــم حــمـــيــانــه وفـــرسانه
وقوما ًهنــا بالــزاويــه وطـــواهـــا هــمــوم
وتــلقــاهـــــا دايـــم الـــدووم حـــمـــســـانــه
عـواذل عــلــى درب الــطــيبــين تـــــحــــوم
حــتــى تـــطــــيح سيـــسان الــبيت واركـانه
عجاج ٍ على سكاكـــين يــحــوي وســهـــوم
ولا يـســلــم ياكـــود مـــن صــك بــيــبــانـــه

..وسلامتكم..
..ثنوا العجمي..

المصدر: الملتقى الجماهيري للشاعر محمد بن فطيس المري

وانتي سالمه وحيااك الله ياهلا ياثنوا العجمي ,,

صح الله لساااانك وصح قلبك وكلك ولاهنتي معاني الابياات جزله وشامخه لكن لو الوزن مفقود اتمنى ان تكبتين الابيات بلحن ياثنوا حتى تصبح قصيده متكامله ,,

لك شكري وتقديري وانا متابع لك وان شاء الله ينزاح هذى الفقدان .

مميزة يا ثنوى ،
صح الله لسانك وانتظر جديدك
وكما قال اخوي خالد اهتمي كثيرا بالوزن ، فنحن بانتظار شاعره واعدة...
فهد!

ارحبي ي ثنوى الله يحييك بين ربعك واهاليك
وسبق وانا اخوك وقريت لك موضوع على مايبدو في قسم الشعراء الذي نتواجد
فيه الان واعتقد اني علقت على موضوعك او على نيه أنني باعلق عليه قبل شهرين
تقريبا وصراحه أعجبتني فكرة الموضوع والصوره التي صورتيها للقارئ من خلال
خلال صياغتك للفكره جميله بالحيل بل تميزتي في تصويرها كانص جميل
انما يبقى الوزن مثل ماشرو الشعراء والاساتذه المشرفين خالد العبيريد وفهد
الهباش مشكورين وصدقيني لو مااعحبتهم لما علقو عليها امل منك
الاعتنا بالوزن ثم الوزن لابد لك من ختيار لحن معين طالما انتي
محبه للشعر رائحه تعرفين ماذا اقصد والله يعطيك العافيه
هذا ماحبيت انصحك به اذا كان انني لم اوصل لك المعلومه
هذاه في مشاركتك السابقه والله حييك مرة اخرى

حياكم الله جميع المعلقين على الموضوع وشكرا ً للنصائح وحبيت اوضح وارد على جميع اللي يسألون عن الوزن ان القصيده مووزونه على لحن واللحن معروف وهو مثل لحن قصيده الشاعر الكبير "محمد بن الذيب" اللي هي (جرة الموال )واللي أداها "علي ال شقير " واللي بيشيل القصيده على هل الوزن بيشوف انها موزونه مضبوط ...
وعلى كل اشكر شكر كبير لكم جميعا ً على اهتمامكم ..
وحياكم الله مره ثانيه ..

مرحبا بك يّ ثنوا

صح الله لسانك ، معاني جزله كما اشادوا كل الشعراء الله لا يهينهم

الأبيات لو تلاحظين ان بدايتها تركب ع لحن ما و من بعد البيت الأول م تستطيعين
تكملين ع نفس اللحن وهذا دليل ع افتقارها للوزن ، للامانه مشروع شاعره
ولكن الجاد يحاول ان يستفيد ممن سبقوه في التجربه و اسال الله لك التوفيق

شكرا جزيلا لاهتمامكم
واحمد الله حمدا ً كثيرا ً اني التقيت في بدايات عمري في الشعر بناس مثلكم
والله يقدرني على رد ...

عفوا ً "الله يقدرني على رد الجميل "

الله يوووفقك

والي ما يخطي ويتعلم من خطاها ما ينجح ,, هذي هي طبيعة الحياه

والخطأ ماهوب عيب العيب الي ما يتعلم من اخطائه

بالتوفيق وانتي قرأت لك كذا نص أختيارك للمفرات يدل على رقي احساس ,,

اتمنى لكي كل التوفيق