الا ياليل وش باقي وعطني ,,

الا ياليل وش باقي وعطني ,,

بسم الله الرحمن الرحيم ,,
السلام عليكم ورحمة الله وبركاته ,,
اسعد الله صباحكم ومسأكم بكل خير وسرور ,,
اقدم لكم ابيات علها تنال اعجابكم وتحوز على رضاكم ,,

الا ياليل وش باقي وعطني=حنين وشوق مع صافي سوادك
مدام السهر للعين الشيقه=عجزت اقوى من الغربه عنادك
علا ركب النسايم لاتقافت=اطيعك غصب وامشي مع مرادك
والا منه لفا طيف المحبه=عسى باقي رجايه في بعادك
اسج وعنك مايبقى خيالي=اعانق من بدا واكسب هجادك
وليف ٍ وا لفه قلبي ووده=وخلاني على وارد ورادك
الا يامن غرامه في فوادي=متى يفرح فوادي مع فوادك
عليك ارسل تحيات المحبه=ليا من الهوى ناحر بلادك
ازف من الغلا غالي شجوني=عسى يرحل من الذكرى زهادك
اغيب وعنك ماغاب اشتياقي=خيالي كل ماغبت استعادك
فنا والله مانسى مامضالي=معك مافات ياغالي وجادك
ولو طال الغياب وطال صدي=ترا ماني على الفرقى وعادك
اروم من الهوى والي بقاله=واموت ولانسى قلبي ودادك
تذكرني ليا من زاد شوقك=وتلقاني على ذكرى نشادك

وسـلامة نـواظركم وقلوبكم ,, خالد العبيريد .

المصدر: الملتقى الجماهيري للشاعر محمد بن فطيس المري

خالد العبيريد
اسم لامع ومشهود له بالجزالة صح السانك يابعدي مليون على تميز حرفك وتواجدك وابيض وجهه يابن الاجواد ويشرفني بان اكون اول من صافح هذي الرائعه
تحيتي لك

صح الساااااااانك

للأمانة أبدعت وأمتعت ياعنوان الجزاله

دمت بخير

أختك
ثورة الزير

ياسلام ياسلام

رااااااااااائعه جداً

صح لسانك ياخالد

جزل ومبدع الله لايضرك

صح الله لسانك

ابيات اكثر من رائعه

والاجمل احساااسك العالي

بارك الله فيك

لاهنت

مرحبا يالشدادي بدر حياك الله ,,

صح الله بدنك وصح قلبك وكلك ولاهنت معليك زود ومثلك حضوره شرف طال عمرك ,,

تحياتي وشكري لك .

مرحبا ياثورة الزير حياك الله ,,

صح الله بدنك وصح قلبك وكلك ولاهنتي على حضورك وتعليقك بارك الله فيك ,,

كل تقديري وشكري لسموك .

مرحبا يافزاع حياك الله ,,

صح الله بدنك وصح قلبك وكلك ولاهنت على حضورك وتعليك المضئ ياغالي ,,

كل التقدير والاحترام لك ودمت بأحسن حال .

مرحبابك ماجد الشمري حياك الله ياغالي ,,

صح الله بدنك وصح قلبك وكلك ولاهنت يااغالي على حضورك وجميل تعيلقك ,,

كل التقدير لك ووافر الاحترام .

صح لسانك وبدنك يابن رووق

مبدع اليوم ودوم,,لاهنت