ذكراك بضلوعي لاهبت هبوب النود - ابراهيم البجيدي - الملتقى الجماهيري للشاعر محمد بن فطيس المري

#1 07-23-2015, 11:07 PM

ذكراك بضلوعي لاهبت هبوب النود - ابراهيم البجيدي

هبـــوب النـــود

ذكراك بضلوعي لاهبّت هبوب النود
تمشي بضلعٍ قصير لراس ضلعٍ طويل

القلب حبّك ومغلي أمك وابوك العود
ولاخذا منْك ياكود العنا والويل

ياليت بيض الليالِ و الليالِ السود
ماوقّفت شرهتي بين الجدي وسهيل

عليك زود الغلا ؛ ولاعليّه زود
أصبحت وأمسيت فيني بين حط وشيل

اصبحت في برد شوقٍ ماوراه الفود
وامسيت في حر موقٍ مابقى به حيل

مانيب غازي بسيف وخنجر وبارود
دام تعرْف رقمي وعنواني والايميل

بيت الوصل مبني وحبل الهجر مشدود
لو شفت بعض الحلوق وساع قال وقيل

اهون علي اعيش في جرح وعنا وصدود
ولا يموت الضمير و عز راسي يميل

الله يعز الحكومة ب راية ابن سعود
ويلعن يهود امْريكا وايران واسرائيل

دموع فرقاك تمسحها هبوب النود
وحسبي الله على الفرقا ونعم الوكيل
بقلم الزميل إبراهيم البجيدي