ردي على فهد بن ثامر ,,

ردي على فهد بن ثامر ,,

يالله يا عالم خفى غيب الاسرار=يا كاشفٍ باس الحـمول الثقالي
يا خالق الجنه ويا خــالق النار=أنت الولي ما غيرك اليوم والي
يا دامحٍ زلات عــــبده وغــــفار=ومبدلٍ جــــــور الدهر بالخيالي
الواحد المعبود والنافع الضـــار=رحماك ياربي عـــــزيز الجلالي
هاض الفؤاد ولج مكنون الاشعار=وبديت مبداً في طـــويل القذالي
يبني بيوتن صخره فكـــر بيطار=بيطار شعـــــرن للتماثيل سالي
حيثه يعالج بعض مردود الافكار=اللي لها في خــــاطري إجتوالي
يارب عفوك من تصاريف الاقدار=ومن هجس حسادٍ على كل جالي
يا جاهل الدنيا ترى الوقت غـدار=دنياً تقلب بين مــــرن وحـــالي
دنياً تخلي راعي الفكـــــر يحتار=تقـــــبل وتقـــفي والليالي ليالي
الناس غايه بين رافض وعـــذار=قالوا رضى المخلوق صعب المنالي
ذي حكمة الله دايم الــدوم ما دار=علام ســـــر أحــــوال حالٍ وحالي
ماني على المكتوب لو صار ماصار=راضي وصبري فوق كل احتمالي
لا شك ماني للسواليف هـــــــذار=ولا ادور اعلوم الردى والخـبالي
خوي دربي له معــــــزه ومقــدار=على النقاء يبقى محشـــم وغالي
منهو بغاني يِبشــــر بكـــل تعبار=ومن راح عني جعل دربه سهالي
الطيب عدن بين مارد ومصــــدار=وأنا مع الطَيب طــــوالن حــبالي
ورثن ورثته من طويلين الاشـبار=ربعن على نطح العــدى ما تبالي
سمو البقوم اللي بعيدين الاذكــار=اهل الوفاء والطيب واهل المعالي
هذا ولاني مرخص احقوق الاخيار=كل ابلجن بالطيب جزل الخصالي
والنعم في كــل القـــــبايل بالاقطار=الحــــضر وألآ ناقلين الرحــــالي
الكل منهم عــــــز وسلـــوم ووقار=يبقى الغلا حشمة زحول الرجالي
واليوم زان الجو من عقب الامطار=جون يوسع خاطـــــري وابتهالي
يا سعود جَهز للمطاليع فكــــــسار=الجيب جـــــاهز للدروب الطوالي
جونا العسوس وكل وارد بالاخبار=وقع المطر من رايح المــزن تالي
ديمن غشى وجه البسيطه والاقفار=شرقن وغرب وفي جنوب وشمالي
من فضل رب البيت خلاق الابصار=خير الكريم اللي على الناس عالي
إنحر قـــدم ما دام ناوين الاســــفار=شرقن من الطايف لنجد الســهالي
على الطريق المزدوج اسود القــار=خطــن مذاهيبه على شـــــف بالي
نبى على الفرجه يِطيبن الانظـــــار=وسع الفضى مع جرهد البيد سالي
ميتين كيلو لين شــــامــــان ويسار=ضلع البقـــــوم المشتهر فالجبالي
وعده لمفرق ظلم يا نســـل الاحرار=وإفرق يسار وخــــل مشيك عدالي
على عفيف العــــــز يا حي من دار=دارن ربوا فيها رجــــــال الشكالي
ونوه على اللي يكرم الضيف والجار=ابو سهيل وخـــــوته راس مـــالي
خالد زبون الطيب حَـــــلال الاشوار=امعـــــربن ما بين عــــمن وخالي
من لابتن بالطيب والعـــــز والكــار=إعتيبه الهـــــيلا كــــــرام السبالي
ذباحت الحايل على الجود بإصــرار=ولطـــــامة العايل نهـــــار القتالي
والنعم والله قلتها إمــــــرار وإمرار=خوه وجيره مــا عليها جـــــــدالي
شرواك جينا يا أبيض الوجه خِطار=على الوفاء دام الوفــاء بالوصالي
وختامها اعـــداد ما طايرن طـــــار=على النبي اللي للإمـــــه مــــوالي

بسم الله الرحمن الرحيم ,,

السلام عليكم ورحمة الله وبركاته ,,

يابو ثامر صح الله لسانك وصح قلبك وكلك اسف على التأخير في الرد وانت بلا شك تدري عن الظروف واحكامها والي اهم ان الرد يكون يجمل بس ووافي ويليق في مقام الابيات السابقه ,,

جميعا ً اسعد الله اوقاتكم بكل خير وكل سعاده ,,

بأسم الذي قات السمك وسط الابحار=محيي هشيم القشع عقب المحالي
بأمره وتدبيره تصاريف الادوار=الواحد العالي على كل عالي
أياته انزلها على صاحب الغار=وبين لها من عظمته كالفتالي
نور ٍ يحيط الكفر وعبـٌاد الاحجار=بأمره عظيم الشان جل وجلالي
رب الملا ندعيه في سر وجهار=هو ناصر المضيوم يوم الهوالي
في ساعة ً منها المخاليق تـنهار=يبعث بها جمع العظام البوالي
يارب انا راجيك في خير الاخيار=يالكامل الي لك بحق الكمالي
يامنقذن عبدك من اشرار الاشرار=يوم ارتجابك في ضروف ٍ طوالي
يامنقذن يوسف من اجمام الابيار=سبة أهل هجن ٍ جفافً نحالي
حي ٍ يجير الي التجابه ولايجار=نرجيه كل العفو من حمو صالي
وخلاف هاذى عد ماينبت ازهار=وعداد مابان النجم والهلالي
يامرحبا ترحيب وافي ويندار=بالعود الازرق مع عذي الدلالي
صفر ٍ عذاها صفوة البن وبهار=من كف قرم ٍ من خيار العيالي
بلي لفونا من ورى حضن زوار=سلم الرجال تزور دار الرجالي
وحيل ٍ على ماقيل من فوق شنكار=مال الغوالي غير دفع الغوالي
سلم ٍ لنا من ماضي الوقت مابار=على النقى مشهود لهل العدالي
سلم الرجال مرويت كل بتار=الي لهم فوق المعالي معالي
اهل الصخاء لاخالف الوقت ثم جار=دخيلهم دونه حصون ٍ ثقالي
للحيل جزاره وللضيف تعبار=لاشح كف الي زنوده هزالي
في فعلها شاهد لها كل الاخيار=ويشهد لها تاريخ نجد المثالي
هيلا ً لهم في قمة المجد منظار=برقا وروق ان جاء نهار السلالي
الرجل فيهم للمعادين نحار=في ساعة ً للخيل جفر وجفالي
احرارتنجب من مواكير الاحرار=يوم ٍ بعض الناس حب الميالي
بالحق جباره وفالطيب تجار=ماترخص الغالي يكود لغوالي
يوم الردي في موقف العز محتار=عايل ويتبع كل هافي وظالي
في واجبه يلقى تصاريف واعذار=من المذله مايكب الظلالي
ويفرح بزلة صاحب ٍ طاح فأشرار=صارت عليه ضروف بقعاء هلالي
هذى وزانت لي طواريق الاشعار=من هاجس ٍ ماجاب غير الجزالي
ماغاض لو غاضت كبيرات الانهار=يطرب لفيضه كل شاعر وسالي
اسباب خط ً صار للبال تذكار=ماينمحي منسوخ في وسط بالي
خط الرفيق الي له حقوق ووقار=غالي على قلبي ومن راس غالي
فهد ولد ثامر على الجود غيمار=في موقفه حاضر بعز وخصالي
قم ياندبي جهز الي الاسفار=صامل ولابه غير قوة صمالي
جيب ٍ عدد شطحاته امتار وامتار=اربع ورا ثنتين فيهن توالي
اليا وقف حر ٍ على كف صقار=من هيبته تخضع طيور الدوالي
والا ليا منه قضب دربه وسار=شيهانت ٍ شافت محام القيالي
من فوقه الي للمهمات جبار=قرم ٍ على كل الصعيبات والي
مشاه للقبله بعد وقت الاسحار=حمله ورق فيها بيوت ٍ جزالي
ملفاه قرم ٍ فالمواجيب جسار=ريف الضعيف وريف قوم ٍ هشالي
في مجلسه ذربين الايمان حضار=والعود الازرق فالمباخر يعالي
وصفر الدلال الي على جمر الاوجار=يجهز بها كيف الرجال الزحالي
فهد زبون الطيب في كل الادوار=شبل ٍ على الماجوب ماهو يبالي
يفداه منهو فالمواقيف بوار=خطو الضعيف الي رضاء بالرذالي
سلم عليه وعطه تفصيل الاخبار=رد الثناء في موقف العز دالي
نبغى نزورك لكن الوقت نصار=يقفي ويقبل بين عدل وميالي
واسلم وسلم يأبن وافين الاشبار=اعداد مابان النجم والهلالي

المصدر: الملتقى الجماهيري للشاعر محمد بن فطيس المري

وعليكم السلام ورحمة الله وبركاته
ارررررررررررررحب تراحيب المطر
وصح صح صح صح صح صح الله الستنكم وعتلا شانكم
وبيض الله وجهك يا خالد العبيريد على هالرد المحبوك وعلى شاعر جزل بمقام فهد بن ثامر البقمي
جزلين أثنينكم ومجملين حال ولا فيكم حيلة استمتعت بالقراءة واطربتوني وارويتوني شعر ومعاني
الف لا هنتوا وابيض وجه يا خالد عزالله انك شاعر وجزل ولا تيجب إللي كل جزل وكنت واثق انك ما تأخرت
إللي أنك ما تجيب إللي كل علم غانم
سلمت ويسلم فكرك وكلك ولا هان ابو ثامر
تقبل مروري المتواضع امام هاتان الشامختان الباذختان
اخوك الصغير عامر ال شينف

صح لسانك اخي خالد وصح لسان اخي فهد
كلكم شعراء كبار ولاعليكم كلام جزاله ومعاني
وساميه عساكم على القوه

يــا*خـالـق*الجـنـه*ويــا*خـالــق*الـنــار////أنـت*الـولـي*مــا*غـيـرك*الـيـوم*والــي


فهد الله والوالي دائماً وابدا واعرف انك لا تقصد ذالك وشاعر
لست انا من يقييم الشاعر فهد ولكن وجهة نظر متواضعه
تحياتي لا قلامكم الرايعه

ماشاء الله
صح لسآانك خآالد
وصح لسآانه فهد
رد وافي . .الله يحفظك يآارب

سح السنتكم .. وعز مقداركـم ..
امتناني *

وعليكم السلام ورحمة الله وبركاته
يا مرحبااااا تراحيب المطر
وانت سالم وغانم يالنشمي صح الساانك ثم صح الساانك ثم صح الساانك
مددد بيض الله وجهك ثم بيض الله وجهك ثم بيض الله وجهك
مددد قصيده ورد وافي من شاعر جزل ورجل بمعنى الكلمه
جعل يفدونك الرخوم وابو وجهين لا هنت وسلمت وسلم فكرك الجزل
اخوك فهد ثامر المرزوقي

عامر الشنيف حياك الله ,,

سعيد القحطاني حياك الله ,,

الماسه حياك الله ,,

فهد ثامر حياك الله ,,

جميعا ً صح الله ابدااااانكم وصح الله قلووبكم ولاهنتم على حضوركم المضئ وتعليقكم العذب ويابو ثامر الوفاء ذخر لك ومعهود بكل علم طيب وكل نعم والكل فيه خير ولاهانو الجميع ,,

كل شكري وتقديري ووافر احتراااااااامي لكم ودمتم على رضاء وغلا .

صح السنتكم انشهد شهاده
شعار وخوة رجال مافيها شكه ولا ريب
والله اني قريت القصيدتين كامله .. ولا ابالغ لو قلت لك ودي اعيد قرايتها مره ثانيه
مبدعين وشعراء عمالقه نقف احتراما لهذا الطيب وهذا التقاليد والاساليب الاصيله

حيااك الله ياهوى الغربي ,,

صح الله بدنك وصح قلبك وكلك ولاهنت على اطراءك العذب والمرجله والعلم الطيب مذخور لك يالقررم ولاهنت اصيل ومن رجال ,,

شكري وتقديري لك ووافر احتراامي .

مشاء الله تبارك الله عيني عليكم بارده
شعاراء متمكنين ومبدعين لاهنتو
وتسلمون عداد بلا مداد
ولو اتكلم من هنااا لانهاية الصفحه
ماوفيت حقهم من المدح ولاكن احلا تقيييم++