الوفاء كرت محروق

الوفاء كرت محروق

السلام عليكم / مساكم الله بالخير

متواضعه لي ،، أقبلوها بتواضعها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

ياشينها لاصرت ، تسعى لمخلوق=وفجأه كذا تصدمك ، مـُـر الحقيقه
أنام وأصحى ، وأرجع أنام وأفوق=وطيف الحزن يبلع ، من العام ريقه
أعيش يومي ،، بين ضايق ومخنوق=وعجزت أحصّـل ،،للسعاده طريقه
تدري وش أللي ، يذبح الحـُـب والشوق؟؟=طعنة ظهر عاشق ، تجي من عشيقه
الغدر دايم ،بين عاشق ومعشوق !=أشنع جريمه ، في مشاعر رقيقه
صار الوفاء في هالزمن كرت محروق=وصار الرفيق اليوم ،، يغدر رفيقه
وصارت تشابه لحظة اغروب واشروق=هم الصبح ، لاجا المساء ،، صار ضيقه
وحتى الأمل ،، في هالزمن صار مسروق=كل ٍ ، في نفسه ، والبشر في حريقه !!!
الوقت مايرحم ،، ولايعطي احقوق=والحظ ميت ،،والحقيقه غريقه
عندي خبر حصري ، حقيقي وموثوق=وعندي عليه أوراق ،، وعندي وثيقه
تبي تكون أنسان في قمة الذوق؟؟=أكذب ونافق ،، لاتقول الحقيقه
وتبي تكون أنسان تافه ومطفوق ؟؟=أصدق ،، وتصغر في عيون الخليقه
من لامني ، لاشافني حيل مخنوق=لاخانته دنياه ، نسمع شهيقه

وسلامتكم

المصدر: الملتقى الجماهيري للشاعر محمد بن فطيس المري

روعة حرفك وصآدق
آحسآسك لآمسنـــــآ بكل شفآفيه
.. يبقى ..<~
آن آتآبع بصمت وآنثر آطوآق
يآسمين تحمل آمنيآت بيضآء
تقديري وشكري آلذي
لآ يوفي حروف آلعضمآء حقهآ

تتجلا العذوبه في هذه الابيات لشاعرنا العذب متعب الثقيل
الروعه وانسكابها الشعري - الراقي صح لسانك

تذكار الغلا /

مرور عذب ،، ورد جميل ،،

لاخلا ولاعدم ياتذكار ،،

الله يعطيك العافيه يارب ،،
،

صح لسانك يامتعب شاعر جميل وله اسلوبه الخاص

لك

اقتباس:
المشاركة الأصلية كتبت بواسطة هوى الغربي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك يامتعب شاعر جميل وله اسلوبه الخاص

لك



هوى الغربي /

صح بدنك ياغالي ،،

الأجمل مرورك ،،

لاهنت لاهنت ،،
،
،

موسى أبو مشهور /

صح بدنك شاعرنا ،،،

لاهنت ياغالي ،،

شرفتني بمرورك الراقي ،،

الف شكر ،
،

صح الله لسانك حتى ترضى كلام كبير ياشاعرنا الثقيل

اقتباس:
المشاركة الأصلية كتبت بواسطة محمد الشريف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح الله لسانك حتى ترضى كلام كبير ياشاعرنا الثقيل


صح بدنك اخوي محمد ،،

لاهنت وبيض الله وجهك
،

وعليكم السلام ورحمة الله وبركاته ,,

هلا مرحبا يامتعب حياك الله ,,

صح الله لسانك وصح قلبك وكلك ولاهنت شاعر جزل وشهادتي فيك مجروحه واصل وانا متابع لك ,,

تقديري لك وخالص تحياتي .