تعا ليل.. ليل ..

تعا ليل.. ليل ..

بسم الله الرحمن الرحيم

أسعد الله جميع اوقاتكم ودمتم بأحسن حال وأهنأ بال

هذا المتصفح لكم انتم

والفكره أننا سوف نختار في كل مره أحد الأعضاء ليروي علينا قصة من تراث الاجداد

وتكون مثل تعاليل الليل

القصة المختاره تكون من بيئتنا سواءا القروية أم البدوية

تتناول احداث تلك الحقبه من الزمن وتتطرق الى احوال الناس وتصف أجمل ماكان يتمتع به الاجداد

بكل المآثر الجميله من كرم ومروءة وحسن جوار وإيثار وعفة وصبر

والهدف منها المتعة والفائدة

خصوصا وأن تراث الأجداد يزخر بالقصص المليئة بالنبل وحسن الخلق

الأمر الذي يشحذ الهمم في نفوسنا نحو التسامي والرفعة والسؤدد

خصوصا ونحن بزمن أحوج مانحتاج اليه الى الصفات الحميده التي بتنا نفقدها مع التقادم بكل أسف

أتمنى على الجميع أن لايبخل علينا بشيء من أحاديث السمر الشيقة

التي لابد وأن سمعها من كبار السن أو قرأها أو شاهدها

بانتظار من يبدأ الحديث في أول قصة من سوالف ليل

الى ذلك الموعد كونوا على موعد

أشكركم

المصدر: الملتقى الجماهيري للشاعر محمد بن فطيس المري

مدري يصير أرد ..او لآزم العضو المختآر هو الي يرد

بس للامانه فكره جميله .. فيها فائده ومتعه

أهنيك عليها ...

وبانتظآر العضو المختآر ..

يصير تردي

وبما انك اول من يرد ع الموضوع

أنا اخترتك

الليله موعدنا مع قصة جديده

كلنا بالانتظار

لما شفت الصورهـ طرت ع بالي الابيات هذا: ياكليب شب النـار ياكليـب شبـه عليك شبة والحطب لـك يجابـي وعلي أنـا ياكليـب هيلـه وحبـه وعليـك تقليـط الـدلال العذابـي ............ الله .. مافي احلــي من تعاليل ليل الشتا وخاصه مع شبة الضو او (الشبة النار ) كما تنطق عند اهل الشمال والمعاميل حولنــا .. في مجلس(ن) مابه نفس ثقيلة الا سؤال ماله داعي .. بس أبفرضه ليه القهوه عيب ع البنات كل ماشافني أبوي أتقهوي ( يقول لو عمي حي ودرا انك تشربين القهوه .. مايشربها بيتنا . عاد انا بيني وبين نفسي قلت الحمدلله انه ميت ) نرجع لموضوعنا .. حياتهم أول ممتعه مع انها متعبه فيها صدق .. و قلوب ماتعرف الا المحبه والوضوح اليوم وانا أبحث عن قصص الاوليين .. اكتشفت ان اغلب قصصهم ياحرب .. يا حب ماعندهم حل وسط .. .أجدادنــا بس للامانه .. القصه ذي بذآت ألمتني فاختآرتهاا .. قصة الوليعي (( مسلم )) شهيد الحب العذري تدور أحداث هذه القصة في الزمن الماضي أي ما يقارب الـ200 سنة .....أترككم مع القصة : هذا واحد من ابناء الباديه من قبيلة جهينة _وأغلب الظن حسب ما سمعت من كبار السن إنه من ( ذبيان ) من جهينة_ حول جبل رضوى شمال ينبع كان عمره 10 سنوات واسمه مسلم ولقب بعد القصه اللي صارت عليه بلقب (( الوليعي مسلم)) لتولعه بمحبوبته . وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم يرجعون لدياره وشاءت الاقدار بما انه يتيم انه يشتغل راعي عند اقبيلة عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه بسنتين وكانوا اطفال اذا حسبناها بوقتنا الحالي . وكان يحب ظبيه وكل ما كبر يكبر حبها له لين اصبحوا في عز شبابهم لكن مايدري هل ظبيه تحبه والا لا فقرر انه يسأل عجوز عنها قالت له انا مالك عندي علاج بس لك عندي خطه والخطه هي انك تسوي نفسك مقروووص واللي يخاف عليك هو اللي راح يمص الدم عنك وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت ظبيه مسرعه يوم شافت انه مسلم نقزت على ابهام رجله وقامت تمص الدم فعرف انها تحبه وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر لعيال عمها فتوعدوه رجعت ظبيه وحست انهم دروا عنهم رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه ويعطف عليه . لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله ونحيل واخوه احتار بحالته وقرر انه يوديه لكاهنه عندهم قالت له طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له يمد نظره على مسافه بعيده ويوم طلعو فوق قام سويلم وشب النار وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه يمكن يقول شي وراح عنه قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنها يشوف الطلحه اللي كانو ينامون عندها ويتخيل ظبيه وايامها معه وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده : يقول الوليعي والوليعـي مسلّـم من دامت ايـام الصبـا لـه دام لو إن عجـات الصبـا يجبرنـه كما يجبر الجابـر كسيـر عظـام ليالي الهوى مثل الربيع ليا زهى وش حيلتـي مـا للربيـع مقـام قاري قراني يوم قرصت بهامـي غروٍصغيـر مـا عليـه لـثـام قراني وهو يسفح من الدمع ناظره ليتـه قرانـي والعيـون نـيـام رقيت في رضوى ورضوى منيفه وأخيل في عيني جنـوب وشـام أخيل في عينـي طلحـة ناعميـة سـلام يـادار الحبيـب ســلام يامرتـع للنـوق تـوي لقيـتـه في خشم و(علة) من يميـن ردام ياليتنـي يـوم دنتنـي منيـتـي بديار (ظبية) عـن ديـار تهـام أنا جيتكم من راس رضوى عشيّة كما شن غـربٍ بـاد منـه وذام وهذا البيت الاخير قاله يوم نوى يرمي روحه من الجبل << وزمان كانت الباديه تجهل ان الانتحار حرام وقله منهم من يعرف جميع امور دينه >> احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه واشوفها وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له اسألك بالله راع القرون هذي حي والا ميت قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها شهقت وماتت رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها : والله ما لوم الوليعـي ولـو طـا اح من راس رضوى والعوض به عباته مير اذهنوني عند هبـات الاريـا اح لا ذب عمري ثـم اسـوي سواتـه .. وسلمتــكم .. عسي جاز لكم .. ماخترنــا

تسلم اخوي قاصد...
فكره رائده
...رمق مبدعه دايم

تسلم قاصد ع الفككره الرائعه
لاعدمناك""
قصه جميله
لاهنتي رمق""
بدايه موفقه ننتظر التفااعل""

تسلم يالخوي عز الله انها من احسن الافكار
ولاهنت على ابداعك الجميل وكل ماهو جديد

رمق جازت ليه ماتجوز وهي من اروع القصص
واظرفهاااااا

يالله كم سمعت بكليب شب
النار عند جارنا الشايب وانا صغير
يازين عمل الاساتذه قاصدورمق عسى ربي
يحفظكم ويخليكم لنا الف شكر من الأعماق
تحيات وتقدير تلميذكم سعيد ولاهنتو

الله الله

أنا اشهد انها قصة تنطق الحجر


وزادها جمال اخراجك وتقديمك لها

مبدعه يارمق

قصّه رائعه بالفعل .. وهذا الهوى كما يقال عنه

وإنَّ من الحبِّ لما قتل ..|( ىالله لايبلانا .. وي الله حسن الخاتمه

وهذه من القصص الشهيره والمنتشره بين قبائل الجزيره العربيه

.. وهذا البيت الأخير أصبحَ مضْرباً للمثل ( العوض في فلااان عباته )

.. فعلاً تعاليل وشبّه ناااار.. هيضتمونا فـ لله درُّكم

.. قاصد .. ورمق ــ تستحقان التقييييييييم جبراً