الـدر

الـدر

الدر
الشاعر المبدع : نواف الشلهوب



..............

أنا وبُعْدك والمعاناة حاله

وإنت وضميرك دام ذا العمر ساعات

لو المواصل من تمنّاه ناله

ما كان مثلي الليل يقضيه ونّات

الشوق شايب وانت أصغر عياله

قربك هَنَا والبعد بالحيل حسرات

يالدر كلّك ساكنٍ بي لحاله

لو كان شعبك أغلبه في المحيطات

يا كيف يا قلبي تحب بـ هباله

ثمْ جيش قافك قِيد برضاه بـ سكات

لأبو الحلا من شد سمعي مجاله

وأبو الترف مشرّه التيه جينات

أهواه.. ما يمشي على الأرض عاله

وأهواه.. ما تحوي المخاليق ذرات

وأهواه.. ما يرجي وصالي وصاله

وأهواه.. ما قيلت بهالكون كذبات

لحظة يغيب من الفكر استحاله

رغم الظروف الجايره والمسافات

وهو الذي وان جيت مرّه فـ باله

أمطرني شوف الحال زخّات زخّات

من غاب عنّى وحالتي منْه حاله

ليته يعوّد دام ذا العمر لحظات

ولو المواصل من تمنّاه ناله

ما شيف مثلي الليل يقضيه ونّات




.

المصدر: الملتقى الجماهيري للشاعر محمد بن فطيس المري

ابيات رائعه وجزله
تسلم الايادي
ربي يعطيك العافية

اقتباس المشاركة الأصلية كتبت بواسطة تذكار الغلا ابيات رائعه وجزله تسلم الايادي ربي يعطيك العافية

صح لسان الشاعر
سلمت خووي على النقل الجمييل
أبيات راائعة