وانا لربي الآهي سيد اسيادي وجهت وجهي وجاهي كلها صوبه

وانا لربي الآهي سيد اسيادي وجهت وجهي وجاهي كلها صوبه

لسلام عليكم ورحمة الله وبركاته
اتشرف ان اضع قصيدتي هنآآ لآول مرره في منتديآت ابن فطيــس
والثآنـي مره اضعهآ في منتدى
وتقول القصيده


احد(ن) يوجه قصيده صوب الاجوادي
واحد(ن) قصيده موجه صوب محبوبه
واحد(ن) نوى يشتهر بالدش والرادي
واحد(ن) قصيده هل الشرطان غنوبه
وانا لربي الآهي سيد اسيادي
وجهت وجهي وجاهي كلها صوبه
عبد(ن) ضعيف(ن) ذليل(ن) خاطره جادي
بابيات شعرن لوجه الله مكتوبه
مالك ملوك الملا بالملك منحادي
ماله شريكن تعالى الملك يزهوبه
في ستة ايام كون كون منقادي
كونن عظيمن بناه الله باعجوبه
بالكاف والنون يخلق ويش مارادي
من فوق عرشه يدير الكون باسلوبه
اعظم عظيمن تعالى ماله اندادي
الأنظار عن شوفة الجبار محجوبه
وصفه يفوق الخيال ولاهو بعادي
موجود في علمه المكنون بغيوبه
مهما اعدد واعدد وين انا غادي
ماحد يوفي عظيم الشان ماجوبه
ذاك الرحيم الكريم الغافر الهادي
هديتي له مع التسبيح مصحوبه
ارجيه فيها يخلصني من انكادي
اللي كما النار وسط الجوف مشبوبه
اوحي لهبها بوسط الجوف وقّادي
في كل يومن جديد يزيد لاهوبه
عبد(ن) حقير(ن) تمرد جنب القادي
وطاوع شياطين نفسه يوم مالوبه
في المعصيه غارق(ن) في الذنب متمادي
مايدري انها تسّجل له ومحسوبه
اسنين عمره عليه اتفوت مافادي
مافوده الا يكوم فوقه اذنوبه
عبد(ن) بلاه المرض والضيم له صادي
مايقدر يسير كون بكيسة احبوبه
وزاد الفقر ضيقته ياعيشة الحادي
والهم غطاه من راسه لعرقوبه
عاله على المجتمع ماعنه نشادي
وشوفته عند العرب ماهي بمرغوبه
وان جاء المخاليق للفزعات قصّادي
مامنك مصلوح قالوها وقفوبه
تلقى الاوادم توالي الليل رقّادي
وهو مع الهم نوبه والمرض نوبه
صحيح بالمعصيه والذنب انا البادي
لاشك ربي رحيم ويقبل التّوبه
رحمتك لي يا الآهي غاية مرادي
انقذ بها نفسن من الذنب مجروبه
ورضاك عني الآهي عز واسنادي
والعافيه في البدن والروح مطلوبه
وحسن الختام اجعله يا الله ميعادي
وجنبني اهوال يوم البعث واخطوبه
وحوض النبي اجعله يا الله ميرادي
امناي في جنة الفردوس مشروبه
واجعل حياتي فرح يا الله واعيادي
واجعل عطاياك لي يارب مسكوبه
ياغوث ياغوث اغث منهو لك ينادي
غوثك لجابر امناه وكل مطلوبه


وسلآآمتكم

المصدر: الملتقى الجماهيري للشاعر محمد بن فطيس المري

انآ أشهد ان ذا القصيد يعذب فوآدي=هو منوة الهآجس اللي غآدين صوبه
الابتهآل بكريمن فوقنآ بآدي=محصي جميع الذنوب وقآبل التوبه

هنىآ أبيآت مسبوكه محبوكه
من شآعر سآجل النفس الامآره بالسوء
وكسب الرهآن وغلبهآ فعبر وأعتذر عمآ بذر
وطلب وآسع المغفره بالقبول وإيقآظ العقول
شآعر تجلت قدرته في دره مسبوكه ومحبوكه
هنآ شعر صآدق وأجمل الشعر أصدقه
هنآ يجب المثول أمىآم القول الشهير
الصمت في حرم الجمآلِ جمآلُ
صح لسآنك
وجديدك مطلوب
تحيآتي وأمنيآتي بقبول مآطلبت من جل وعلآ

اذا كانت هذي اول قصيدة هنا ....
وبهذه الجزالة والمعنى والسبك والحبك....
فعز الله انا بشوق ننتظر القادم..
اللي أكيد...
أحلى وأحلى...
ما أقول إلا...
إرق سنود....
يآآ
أرق سنووود...
تحيااتي يالغالي

اقتباس المشاركة الأصلية كتبت بواسطة عبدالله ال بالطحين انآ أشهد ان ذا القصيد يعذب فوآدي=هو منوة الهآجس اللي غآدين صوبه الابتهآل بكريمن فوقنآ بآدي=محصي جميع الذنوب وقآبل التوبه هنىآ أبيآت مسبوكه محبوكه من شآعر سآجل النفس الامآره بالسوء وكسب الرهآن وغلبهآ فعبر وأعتذر عمآ بذر وطلب وآسع المغفره بالقبول وإيقآظ العقول شآعر تجلت قدرته في دره مسبوكه ومحبوكه هنآ شعر صآدق وأجمل الشعر أصدقه هنآ يجب المثول أمىآم القول الشهير الصمت في حرم الجمآلِ جمآلُ صح لسآنك وجديدك مطلوب تحيآتي وأمنيآتي بقبول مآطلبت من جل وعلآ

صـح السآآنك
ولآهنت اآشهد انك وآفي يــآلغـآلي

اقتباس المشاركة الأصلية كتبت بواسطة فهدالهباش القحطاني اذا كانت هذي اول قصيدة هنا .... وبهذه الجزالة والمعنى والسبك والحبك.... فعز الله انا بشوق ننتظر القادم.. اللي أكيد... أحلى وأحلى... ما أقول إلا... إرق سنود.... يآآ أرق سنووود... تحيااتي يالغالي

آبشر بعزك ان شآء الله
مآتـشوف الا الي يرضـيك يالغالي

رقينا سنود الشعر بهذه الشامخ


لله درك يالقرم .. وصح لسانك مدد لا عدد

وياليت أخوي تطلب تعديل معرفك الى الاسم الحقيقي

لكي نستمر ونستمتع بنصوصك وتماشياً مع شروط القسسم للحفاظ على الحقوق الادبيه

الله لايهينك على هالطرح الجزل

تقبل مروري واحترامي

أخوك ابو مشاري

سلمت ياارقى سنود
وانت شاعر بعذابه شعريه
وقصيده جميله جداااا
يسلم يمينك لاهنت ودمة لنا
وسجل مروري واعجابي

اقتباس المشاركة الأصلية كتبت بواسطة أبو مشاري رقينا سنود الشعر بهذه الشامخ لله درك يالقرم .. وصح لسانك مدد لا عدد وياليت أخوي تطلب تعديل معرفك الى الاسم الحقيقي لكي نستمر ونستمتع بنصوصك وتماشياً مع شروط القسسم للحفاظ على الحقوق الادبيه الله لايهينك على هالطرح الجزل تقبل مروري واحترامي أخوك ابو مشاري

صـح بدنـك
يالغااااالي
وان شآء الله آغيره
ولاهنت على المرور الرآقي

اقتباس المشاركة الأصلية كتبت بواسطة محمد الوريكي سلمت ياارقى سنود وانت شاعر بعذابه شعريه وقصيده جميله جداااا يسلم يمينك لاهنت ودمة لنا وسجل مروري واعجابي

ومن يقول سآلم
مشكوره على المرور الرآقي

قصيده راااائعه يابطل ارقى سنود شاعر صح السانك وشكرك على ماقدمته لنا من ابداعك

انتظر جديدك تحياتي لك

♦

,
قَصِيدة رائعَه
صَح لسَانكْ وشُكراً

♦
◊
آهات

اقتباس المشاركة الأصلية كتبت بواسطة مبارك الشمري قصيده راااائعه يابطل ارقى سنود شاعر صح السانك وشكرك على ماقدمته لنا من ابداعك انتظر جديدك تحياتي لك

صح بدنك يالغآلي
ولآآهنت على المرور الرآآقي~~

اقتباس المشاركة الأصلية كتبت بواسطة آهات ♦ , قَصِيدة رائعَه صَح لسَانكْ وشُكراً ♦ ◊ آهات

صح بدنك
لاهنتي على المرور الرآقي ~~