(( ذعاذيع البراد ))

(( ذعاذيع البراد ))

السلام عليكم ورحمة الله وبركاته

أتمنا ان ترتقي لذآئقتكم جميع

ياذعاذيع البراد ويا هبوبه
ـــــــــــــــــ بردي قلب ٍ عَلي شبت شبوبه

ما يجيه من المنام الا نعآسه
ــــــــــــــــــ وما يذوق من الطعام الا شروبه

من كثر ماهو يصور ويتفكر
ـــــــــــــــ أصبحت به وصلت الفكر معطوبه

شفتوا اللي يكتم الدعوى بصدره
ــــــــــــــــــ يبغي العذآل تقفي ما دروبه

يستصيب احيان من بعض السوالف
ــــــــــــــــــ ومرة ٍ يطرب مع الناس الطروبه

وان تمادوا باللحون السآمريه
ــــــــــــــــــ قام يرخي باليدين أزرآر ثوبه

وضآقت الدنيا عليه وهل دمعه
ـــــــــــــــــ وأستحى وأعلن عن المجلس هروبه

صرت كني أيآه والا أشد منه
ــــــــــــــــــــ أبتسم وألآآآه بالصدر محجوبه

لأن عيون الناس ما تاوي وتستر
ــــــــــــــــــــ والشلي بالمبتلي دوبه ودوبه

والسؤال اللي عجزت القى جوابه
ــــــــــــــــــــ وكل ما يطري علي جاني عقوبه

ويش غير نظرة الصاحب وطبعه
ـــــــــــــــــ من بعد ماني عشيقه ومحبوبه

ياترا هل هي ظروف ٍ ما تقاوا
ــــــــــــــــ أو بلاه يصدق الناس الكذوبه

ليش يقطع دون علم ودون سبه
ــــــــــــــــــ ما بدا فالامر تعقيد وصعوبه

ما بلاي الا الوصوف اليوسفيه
ــــــــــــــــ في عيونه سحر وبحكيه عذوبه

كل ما يطري علي شكله وحكيه
ــــــــــــــــــ قمت اهوجس بالسفر بروح صوبه

في خدوده مطلع الشمس وضياها
ـــــــــــــــــ والنحر نور القمر لا بان نوبه

بري حالي ويش اوصف ويش اخلي
ـــــــــــــــــ بأختصار الوصف في زينه عجوبه

سامحه ربي على كل الخطايا
ـــــــــــــــــــ ويا عسى ربي حسيب اللي غدوبه


كل ساعه بالدقايق والثواني
ـــــــــــــــــ في غياب الخل باليوم محسوبه

ودمتم

المصدر: الملتقى الجماهيري للشاعر محمد بن فطيس المري

ماشاء الله لاقوووة الا بالله
صح لسااااااااااااانك محمد
وربي انها فوووووووق الابداااااااااع
وقمة بالجماااااال
مااقووول غير الله يحفظك ولايحرمنا هذا الابداع

اقتباس المشاركة الأصلية كتبت بواسطة الماسـه ماشاء الله لاقوووة الا بالله صح لسااااااااااااانك محمد وربي انها فوووووووق الابداااااااااع وقمة بالجماااااال مااقووول غير الله يحفظك ولايحرمنا هذا الابداع

هلا وغلا المااسه


صح الله بدنش والله لا يهينش على الحضور المميز

اخي محمد صح الله لسانك شاعر ولا انت في
حاجة شهادتي والقصيده هذاه قمه بالمعاني
والبحر عموماًتحيات وتقدير وتقييم اخوك سعيد ولاهنت

اقتباس المشاركة الأصلية كتبت بواسطة سعيد محمد القحطاني اخي محمد صح الله لسانك شاعر ولا انت في حاجة شهادتي والقصيده هذاه قمه بالمعاني والبحر عموماًتحيات وتقدير وتقييم اخوك سعيد ولاهنت

ارررحب يا ابو محمد والله يصح بدنك فديتك


وجودك اكبر شهاده وفخر يالغالي



لاهنت

جعلك سالم يالسمي مافيك حيله
قصيده جزله والله يسعدك ويحفظك
لاهنت يالذيب

اقتباس المشاركة الأصلية كتبت بواسطة محمد الوريكي جعلك سالم يالسمي مافيك حيله قصيده جزله والله يسعدك ويحفظك لاهنت يالذيب

ومن قال سالم وغانم


الجزاله في حضورك يالغالي الله يصح بدنك ولا يهينك فديتك

صح لسانك واعتلى شانك يامحمد المري
كل شطر أحلى من الشطر الثاني وكل بيت
أجزل من اللي قبلة
صور شعرية أطربتنا وغنينا معها
الله لا يهينك على هــ القصيدة العذبة
تحيااتي

اقتباس المشاركة الأصلية كتبت بواسطة ماجد الشيباني صح لسانك واعتلى شانك يامحمد المري كل شطر أحلى من الشطر الثاني وكل بيت أجزل من اللي قبلة صور شعرية أطربتنا وغنينا معها الله لا يهينك على هــ القصيدة العذبة تحيااتي

يا مرحبا يا ماجد والله يصح بدنك فديتك


مرور غالي وشهاده اعتز فيها وحضور له وزنه في متصفحاتي

[size="6"]صح لسسسانك ي الشيخ
ولاهنت ع الكلمات والمعاني الجميله
[/size