يا نجد

يا نجد

يانجد ماشفتي على الوجه الشحوب=الا وفى شاعر خلقه الله معه
لامل صبره من معاذير الغروب=جمع من احلام المساء ما يقنعه
رحال وعنادك مسافات الدروب=اللي مداها يودع القلب اوجعه
تموت خطواته على صدر الجبوب=وترمي به الاهات في غير اسنعه
حبك مثل ما حب نسناس الجنوب=وابحر على شانك ومن غير اشرعه
تلعب به الامواج يا الريم اللعوب=ويقول يا صدري من الضيق السعه
ما كل صادق لأختلف مره كذوب=وما كل غالي لي قطعنا نقطعه
وماكل مرسولن عن الغايب ينوب=وما كل من يومي بكفه نتبعه
عين الرجل لاحدقت في كل صوب=ماعاد شافت في البلد ما يقنعه
وانا من الواقع لبست الدرس ثوب=ورزمت قلبي واستحديت اولعه
ماني بذاك اللي ليا هب الهبوب=باع الوليف وقال من باعك بعه
انا الوفي اللي مجنبها العيوب=تموت عيني مالبست الاقنعه
اعلنت لك حبي ولاني بمغصوب=واليوم يانجد العذيه فالدعه
دورت لك عذرن تزكيه القلوب=ولا لقيت الا الوداع ومطلعه

اخوكم ابوعلوش

المصدر: الملتقى الجماهيري للشاعر محمد بن فطيس المري

حسين الوايلي

صح لسانك اخوي

سلمت على هذهـ القصيده الوافيه

لك خالص شكري ومتناني

بنتظار ابداعاتكـ

ماجد المسآعد

اقتباس المشاركة الأصلية كتبت بواسطة مآجد المسآعد حسين الوايلي صح لسانك اخوي سلمت على هذهـ القصيده الوافيه لك خالص شكري ومتناني بنتظار ابداعاتكـ ماجد المسآعد

اخوي الغالي ماجد صح الله بدنك وكلك والله لايهينك على الاطراء الذي يثلج الصدر

اشكرك من كل قلبي ودمت بخير

صح لسآانك حسين . .
مبدع الله يحفظك يــآارب

اقتباس المشاركة الأصلية كتبت بواسطة الماسـه صح لسآانك حسين . . مبدع الله يحفظك يــآارب

الماسه صح الله بدنك والله لايهينك اختي الغاليه

دمتي بخير

انا الوفي اللـي مجنبهـا العيـوب
تمـوت عينـي مالبسـت الاقنعـه
والنعم فيك يا الوايلي
لا زال الشعر بخير طالما يكتبه أمثالك
تقبل من التحيه أغلاها ودمت بود
ترانيم

اقتباس المشاركة الأصلية كتبت بواسطة ترانيم المطر انا الوفي اللـي مجنبهـا العيـوب تمـوت عينـي مالبسـت الاقنعـه والنعم فيك يا الوايلي لا زال الشعر بخير طالما يكتبه أمثالك تقبل من التحيه أغلاها ودمت بود ترانيم

ونعم بحالك ياخت الرجال
وصح الله بدنك والله لايهينك على الاطراء الغير مستغرب من شاعره واخت مثلك

دمتي بخير

حي الله هالوجه الطيب وما جابه ..

أنشهد انك أمتعت شعر والقاء وحضور وجمال لا يضاهى ياحسين

بيض الله وجهك ولا حرمنا هالصوت وراعيه ..

شاعر يحمل الكثير ونتوق والله لطرحه وشعره

وانت مطمع وشف للي يعرف ذوق الشعر الجزيل بلا شك

صح لسسانك ملايين ولا يكفون على هالزاخره

لاخليت منك يالقرم ولا خلينا من جديدك وحضورك

اخوك
أبو مشاري

اقتباس المشاركة الأصلية كتبت بواسطة أبو مشاري حي الله هالوجه الطيب وما جابه .. أنشهد انك أمتعت شعر والقاء وحضور وجمال لا يضاهى ياحسين بيض الله وجهك ولا حرمنا هالصوت وراعيه .. شاعر يحمل الكثير ونتوق والله لطرحه وشعره وانت مطمع وشف للي يعرف ذوق الشعر الجزيل بلا شك صح لسسانك ملايين ولا يكفون على هالزاخره لاخليت منك يالقرم ولا خلينا من جديدك وحضورك اخوك أبو مشاري

اخي الاستاذ القدير ابو مشاري وجهك ابيض والله يبقيك

وافي ومن وافين وشهادتك وسام على صدر اخوك الوايلي

اللي مثلك ومثل شروك هو المكسب من جميع المواقع ولا تبقى على الدنياء الا العلوم الغانمه

وانت علمك غانم وخوتك ترفع الراس

الف لاهنت على كل حرف وان شاء الله نقدم اللي يرضيكم اليوم ودوم

تحياتي لك واحترامي

اخوك ابوعلوش

دورت لك عذرن تزكيـه القلـوب
ولا لقيـت الا الـوداع ومطلـعـه


أنا أشهد يا حسين
نص قوي وفي غاية الجمال
صح لسانك
وأنتظر جديدك بكل قوة