ذهاب بلا إياب .. محمد العتيبي

ذهاب بلا إياب .. محمد العتيبي

السسلام عليكم ورحمة الله وبركاته
اردت مواصلتكم بهذه المتواضعة .. فتقبلوها كما جاءت ..


الغياب اللي على جمر الهوى يشعل حضور
يكبت انفس الحضور اللي يجي بعده غياب

وانت يالملهم غيابك موت وحضورك نشور
تجرح صدور المتاعب بالتغلي والعتاب ..

يطعن احضورك شفاه الغيم ويبل الصدور ..
والغياب يموت من طعنتك في صدر السحاب

وياجريح الود هاك اغلى بيوتي والشطووور ..
بس ابي تصفح لي غيابي وطردي للسراب !!

ماجنيت من الغياب .. الا المعاتب والنفور
والوحيد اللي تمنيته .. بعد / قفى وغاااااب !

يمكن الدنيا تدور وحتى قصتنااا تدووووور !
وتنكسر جنحان وصلك ويغدي وصلك عذاب

يمكن يموت المواصل والسبب .. جيش الغرور
أو توفى قصة العشاق ... ويموووت ( الكتاب ) !

بعدها من يحيي الميت.. بعد / قطع النحوووور !
أو من اللي قادرن يفتح لوصلك .. كل باااااب !

احتمالاتن كثيرة .. والجفففاا غييير معذووووور !
خص لا من جيت اشوفك وانت ماكملت النصاب

قبل لا من جيت تدعي جيتك بليااااا شعووور !
اتحرى حضرتك .. مامعي حتتتى زهاااااب ..!!

كل ما فيني ينادي .. شب لاجل الوصل نوور !
واعترف باخطائك .. اللي مالها حتى حساااب

طالبك وانا ادري انك مايجي منك قصوووور !
اسمع اللي لك بااقوله واحفظه كان الك طااب

ارجع وعيد التواصل وافتح ابوووواب القصوور
لا تصير نهاية القصة .. ذهااااب بلاا إيااااب !!



محمد العتيبي

المصدر: الملتقى الجماهيري للشاعر محمد بن فطيس المري

حياك الله يا محمد العتيبي
أرحب تراحيب المطر
وصح لسانك مدد لا عدد
أسعدني بأني أنا اول من صافحت هذه السيمفونيه الرائعه
جزاله وتمكن غير مستغربه على العتيبي
تقبل تحيتي وتقديري ودمت بود
ترانيم المطر

سح لسانك اخوي .. ولاهنت ..

الله يعافيك ..

يا هلا وغلا ويا مرحبا فيك
صح الله لسانك وبيض الله وجهك على هالنص
الجميل والعذب ابيات في القمة
تقبل مروري المتواضع لقلمك المبدع

صح لسسآنك

ننتظر جديدك

محمد العتيبي

صح لسسانك

قصيدهـ جزله من شاعر جزال

واصل ابداعك

وعليكم السلام ورحمة الله وبركاته ,,

حياك الله يامحمد النفيعي ,,

وحي الله هالمعزووفه الجزله معك بيضالله وجهك وصح الله لسانك ولاهنت فكر جزل وتركيب شاعر متمكن ماشاء الله تبارك الله ,,

تحياتي لك وتقديري وبأنتظار جديدك .

يطعن احضورك شفاه الغيم ويبل الصدور ..
والغياب يموت من طعنتك في صدر السحاب

قصيدة مليااانه
ومميزة من شاعر جزل

صح لسانك يالنفيعي